नवीन बृहत आराखडयानुसार वर्धा जिल्हयातील शाळांची निश्चिती जाहीर

महाराष्ट्र  शासन

प्रसिध्दी पत्रक       जिल्हा माहिती कार्यालय,वर्धा    दि.22 जूलै  2011

-------------------------------------------------------------------------

       वर्धा, दि. 22- दि. 16 जून 2009 रोजी झालेल्या मंत्रिमंडळ बैठकीत भविष्यात मराठी माध्यमांच्या शाळांची आवश्यकता आहे अशी ठिकाणे निश्चित करुन त्या ठिकाणी आवश्यक असल्यास नवीन शाळांना परवानगी देण्यासाठी बृहत आराखडा तयार करण्याचा निर्णय घेण्यात आला आहे. त्यानुसार वर्धा जिल्हयातील शाळांची निश्चिती जाहीर करण्यात आली आहे.

      वर्धा जिल्ह्यातील प्राथमिक शाळांकरीता वर्धा पंचायत समिती अंतर्गत मांडवा पौड व सेलू पंचायत समिती अंतर्गत नवरगांव अशा एकूण 2 प्राथमिक शाळा तर उच्च प्राथमिक शाळांकरिता कारंजा पंचायत समिती अंतर्गत बांगडापूर तर वर्धा पंचायत समिती अंतर्गत नेरी व एकूर्ली अशा एकूण 3 उच्च प्राथमिक शाळांची निश्चिती करण्यात आलेली आहे.

     सदर बृहत आराखडयातील शाळा संदर्भात काही हरकती, आक्षेप, सूचना असल्यास संबधितांनी आठ दिवसाच्या आत शिक्षणाधिकारी (प्राथ.) जिल्हा परिषद, वर्धा यांचेकडे लेखी स्वरुपात सादर कराव्यात व त्याची प्रत विभागीय उपसंचालक कार्यालयात सादर करावी. असे आवाहन शिक्षणाधिकारी (प्राथ)जि.प.वर्धा यांनी केले आहे.

                           000000