वर्धा,दि.7-जिल्हा ग्रामीण विकास यंत्रणा, वर्धा व्दारा जिल्हा स्तरीय विक्री व प्रदर्शन `वर्धीनी` या नावाने दि. 10 ते 14 मार्च 2012 या कालावधीत न्यु इंग्लिश हायस्कुल मैदान,वर्धा येथे सायंकाळी 4 ते 10 वाजेपर्यंत मोठ्या उत्साहाने साजरा करण्यात येत आहे.स्वर्ण जयंती ग्राम स्वरोजगार योजने अंतर्गत जिल्हा स्तरीय प्रदर्शनी व विक्री, नव्या संकल्पना आणि नवे चैतन्य घेवून वर्धेच्या पुण्य व पावन भुमित साकार होत आहे.
या प्रदर्शनीमध्ये वर्धिनी उत्पादने टेराकोटस दागिने, कापडी बॅग, डेकोरेटीव्ह कॅन्डल्स, बांबुच्या वस्तू, लाकडी खेळणे, गटांच्या विविध आकर्षक वसतू, विविध खाद्य पदार्थाचे स्टॉल्स तसेच सांस्कृतीक, मनोरंजनात्मक व प्रबोधनपर कार्यक्रमाची रेलचेल या प्रदर्शनीमध्ये राहणार आहे. यामध्ये दि. 11 मार्च 2012 रोजी मिर्झा एक्सप्रेस यांचा विनोदी कार्यक्रम दि. 12 मार्च 2012 रेाजी शितल म्युझीकल आर्केस्ट्रा व दि. 13 मार्च 2012 रोजी रमेश ठाकरे यांचा व-हाडी झटका हे कार्यक्रम राहणार आहेत.
वर्धा जिल्हा वासियांनी जिल्हा स्तरीय प्रदर्शनी व विक्री या कार्यक्रमाचा जास्तीत जास्त संख्येने लाभ घेवून, शासनाच्या स्वर्ण जयंती ग्राम स्वरोजगार योजने अंतर्गत बचत गटातील सहभागी महिलांचा उत्साह वाढवावा. असे आवाहन प्रकल्प अधिकारी यांनी केले आहे.