रंगाभिनंदन

मेळ हा रंगांचा, खेळही हा रंगांचा

निसर्गाची रंगपंचमी समेळ रंगांचा

काळ्या रंगातील हिरवा हा बहर..

रंग हा लाल ही त्याचीच लहर...

रुपेरी रूपेरी नभातला तो चांद..

सजणीला सजणा करी तो याद..


गहिरा गर्द सा-याच या छटा..

गो-या चेह-यावर काळ्या गं बटा..


अबोल बोलतो सांगतो गुलाबी..

डोळ्यात बघता होतो हा शराबी...


पांढरी शांतता निळ्या या नभात..

तमाला गं सारते..तांबडी प्रभात...


भगवा, हिरवा ,लाल, पिवळा, निळा

जगाची पसारा सारा रंगांचा असे गोंधळ


सारं सारं विसरुन अंगांग रंगवावं..

रंगांचं हे सुख सा-या जगी वाटावं..

प्रशांत दैठणकर

आपणा सर्वांना होळी आणि रंगाच्या उत्सवाच्या हार्दीक शुभेच्छा. नैसर्गिक रंगांचा वापर करा. डोळ्यांची निगा घ्या.  पाण्याचा अपव्यय टाळा खूप खूप रंग खेळा.... पु्न्हा रंगाभिनंदन