जे.पी.डांगे यांचा दौरा

      

वर्धा, दि.21- महाराष्‍ट्राचे  वित्‍तीय  समितीचे सभापती जे.पी.डांगे यांचे 25 जुलै 2012 रोजी सायंकाळी 6 वाजता वर्धा विश्राम गृह येथे आगमन.

            दि. 26 जूलै 2012 रोजी सकाळी 10 वाजता जिल्‍हा आणि इतर अधिकारी व मुख्‍याधिकारी,सर्वच जिल्‍ह्यातील न.पा. चे अध्‍यक्ष, उपाध्‍यक्ष, सभापती (पुलगांव सोडून ) यांच्‍याशी चर्चा, दुपारी 12 वाजता  जिल्‍हा नियेाजन समितीचे अधिकारी यांच्‍या  सोबत बैठक, 3.30 वाजता जिल्‍हा परिषद वर्धेला भेट व मुख्‍य कार्यकारी अधिकारी आणि इतर अधिकारी, तसेच जि.प.अध्‍यक्ष व उपाध्‍यक्ष व इतर समित्‍यांच्‍या सभापती सोबत चर्चा करतील. त्‍यानंतर आष्‍टीकडे प्रयाण. आष्‍टी येथे मुक्‍काम राहील.

            दि. 27 जुलै 2012 रोजी सकाळी  11 वाजता आष्‍टी पंचायत समितीला भेट. संवर्ग विकास अधिकारी व इतर अधिका-यासोबत चर्चा, तसेच इतर समित्‍याचे अध्‍यक्ष आणि सभापती यांच्‍याशी चर्चा. आष्‍टीतील सर्व सरपंच व ग्रामसेवक यांच्‍याशी चर्चा  करुन  दुपारी 1.30 वाजता अंतोरा ग्राम पंचायत कार्यालयाला भेट व त्‍यानंतर अकोला कडे प्रयाण व अकोला येथे मुक्‍काम राहील.

                                                            0000000

वनश्री पुरस्‍कारासाठी 31 ऑगस्‍ट पर्यंत प्रस्‍ताव पाठवा सामाजिक वनीकरण विभागाचे आवाहन

               वर्धा, दि. 21- सामान्‍य  जनतेमध्‍ये वृक्षारोपण व वृक्षसंवर्धन याबाबत आस्‍था निर्माण व्‍हावी आणि याबाबत जिल्‍ह्यात ज्‍यांनी उल्‍लेखनीय कामगिरी बजावली आहे त्‍यांच्‍या कार्याचा गौरव व्‍हावा या उद्देशाने वनश्री पुरस्‍कार  शासनाकडून देण्‍यात येतो.

त्‍यानुसार  वनेत्‍तर  क्षेत्रात वृक्षारोपण आणि वृक्षसंवर्धन या कामांमध्‍ये उत्‍कृष्‍ट कामगिरी बजाविणा-या व्‍यक्ति व संस्‍था यांना दरवर्षी वनश्री पुरस्‍कार देवुन गौरविण्‍यात  येत असते. दिनांक 27 जुन 2011 च्‍या शासन निर्णयानुसार आता या पुरस्‍काराचे नावात बदल करुन ते छत्रपती शिवाजी  महाराज वनश्री   पुरस्‍कार करण्‍यात आले आहे.

यापूर्वी देण्‍यात  आलेल्‍या   पुरस्‍काराच्‍या धर्तीवरच सन 2011 करीता छत्रपती शिवाजी महाराज वनश्री पुरस्‍कार  देणेकरीता वनेत्‍तर क्षेत्रावर वृक्षारोपण आणि वृक्षसंवर्धनाचे कामात कार्यरत असणा-या व्‍यक्ति व संस्‍थाकडून  प्रधान मुख्‍यवनसंरक्षक व महासंचालक, सामाजिक वनीकरण महाराष्‍ट्र राज्‍य पुणे यांच्‍या कार्यालयामार्फत प्रस्‍ताव मागविण्‍यात आले आहेत.

             या अंतर्गत देण्‍यात येणारे पुरस्‍कार महसुल विभाग स्‍तर आणि राज्‍यस्‍तर अशा दोन वेगवेगळ्या स्‍तरावर देण्‍यात येतात. प्रत्‍येक स्‍तरावर व्‍यक्‍ती , ग्रामपंचायत , शैक्षणिक संस्‍था , सेवाभावी संस्‍था, ग्राम, विभाग किंवा जिल्‍हा अशा पाच वेगवेगळ्या संवर्गात पुरस्‍कार देण्‍यात येतात. महसुल विभाग स्‍तरावर वरील प्रत्‍येक संवर्गात दोन  पुरस्‍कार देण्‍याची तरतुद असुन प्रथम पुरस्‍कार रुपये 25000 तर व्दितीय पुरस्‍कार रुपये 15000 रक्‍कमेचा आहे. राज्‍यस्‍तरावर वरील प्रत्‍येक संवर्गात  तीन पुरस्‍कार देण्‍याची  तरतुद आहे. यापैकी  प्रथम पुरस्‍कार रुपये 50,000, व्दितीय पुरस्‍कार रुपये 40,000 तर तृतीय पुरस्‍कार रुपये 30,000 असे दिल्‍या जाणा-या पुरस्‍कारांचे स्‍वरुप आहे.

            पुरस्‍कार  मिळण्‍यासाठी इच्‍छुक असणा-या व्‍यक्ति, ग्रामपंचायत, शैक्षणिक संस्‍था व सेवाभावी संस्‍था यांनी रोपवाटिका व रोपनिर्मितीचे काम केलेले असावे. त्‍यांनी शास‍कीय  किंवा सामुहिक अथवा खाजगी जमिनिवर सरपन किंवा वैरण देणा-या झाडांची लागवड केलेली असावी. त्‍यांनी वृक्ष अलागवडीचे कार्यक्रमात  ग्रामीण  दुर्बल घटकांचा तसेच महीलांचा  सहभाग घेतलेला असावा. त्‍यांनी वनीकरणाच्‍या माध्‍यमातुन शाळकरी विद्यार्थी व महिला यांचे कल्‍याणार्थ कार्य केलेले असावे, अपारंपारीक उर्जा सत्रोतांचा वापर करणेसाठी जनतेला प्रोत्‍साहीत किंवा प्रवृत्‍त करणारे त्‍यांचे काम असावे, वनीकरणाच्‍या संबधात जनजागृती किंवा प्रसिध्‍दी व प्रेरणा देणेबाबत सुध्‍दा काम त्‍यांनी केलेले असावे.                       

जिल्‍ह्यात वनेत्‍तर क्षेत्रात वृक्षारोपण आणि वृक्षसंवर्धनाच्‍या कार्यात दिनांक   31 डिसेंबर 2011 पर्यंत मागील 3 वर्षापासून कार्यरत असणा-या आणि या पुरस्‍कारासाठी प्रस्‍ताव सादर करण्‍यास इच्‍छुक असणा-या व्‍यक्ति, ग्रामपंचायत, शैक्षणिक संस्‍था व सेवाभावी संस्‍था यांनी जास्‍तीत जास्‍त संख्‍येत प्रस्‍ताव सादर करण्‍यासाठी नागरिकांना आणि संस्‍थांना उपसंचालक, सामाजिक वनीकरण विभाग वर्धा यांचेकडून करण्‍यात येत आहे. परिपुर्ण प्रस्‍ताव सादर करणेसाठी  प्रस्‍तावाचा नमुना आणित्‍या अनुषंगाने आवश्‍यक माहिती  प्राप्‍त  करुन घेण्‍यासाठी वर्धा  जिल्‍ह्यातील व्‍यक्ति, शैक्षणिक संस्‍था, सेवाभावी संस्‍था, ग्रामपंचायत इत्‍यादी यांनी उपसंचालक, सामाजिक वनीकरण विभाग, वर्धा यांचे बॅचलर रोड स्थित कार्यालय आणि तालुक्‍याचे मुख्‍यालयी असलेल्‍या लागवड अधिकारी यांचे कार्यालयात कार्यालयीन वेळेत संपर्क साधण्‍याची विनंती उपसंचालक, सामाजिक वनीकरण विभाग वर्धा यांचेकडून  करण्‍यात येत आहे.

            या पुरस्‍कारासाठी प्रस्‍ताव सादर करण्‍यास इच्‍छुक असणा-या व्‍यक्ति किंवा संस्‍था यांनी त्‍यांचा विहीत प्रपत्रातील प्रस्‍ताव योग्‍य पुर्ततेसह दिनांक       31 ऑगस्‍ट  2012 पर्यंत उपसंचालक, सामाजिक वनीकरण विभाग, वर्धा यांचेकडून  करण्‍यात येत आहे.

                                                             000000

उन्‍हाळी हंगामाकरीता भाडेपट्टीवर देण्‍यासाठी अर्ज आमंत्रित

वर्धा, दि. 21- उर्ध्‍व वर्धा जलाशयाच्‍या बुडीत क्षेत्राच्‍या काठाभोवतीची 342.50 मी. ते 343 मीटर तलांकातील अमरावती जिल्‍ह्यातील 298.22 हेक्‍टर व वर्धा जिल्‍ह्यातील 30.60 हे. गाळपेर जमिन रब्‍बी हंगामात व तलांक 340 मीटर ते 342.50 मीटर मधील अमरावती जिल्‍ह्यातील 806 हेकटर व वर्धा जिल्‍ह्यातील 53 हेक्‍टर जमिन दरवर्षी उन्‍हाळी हंगामा करीता उपलब्‍ध होऊ शकते.

            पुढील अग्रक्रमाने गाळपेर जमिन भाडेपट्टीवर देण्‍याकरीता अर्ज मागविण्‍यात येत आहे.

ज्‍या व्‍यक्‍तीच्‍या जमिनीचे नवीन जलाशय, उत्‍प्‍लव बांध, धरण इतयादी बांधण्‍यासाठी संपादीत केलेली आहे किंवा कोणत्‍याही शासकीय प्रकल्‍पामुळे अथवा कोणत्‍याही स्‍थानिक प्राधिकरणाच्‍या प्रकल्‍पामुळे ज्‍यांना बाधा पोहोचलेली आहे अशा व्‍यक्‍ती.  स्‍थानिक भुमिहीन, मागासवर्गीयांच्‍या सहकारी संस्‍था, ज्‍यामध्‍ये बहुसंख्‍य मागासवर्गीय सदस्‍य आहेत अशा मागासवर्गीय आणि मागास वर्गीयेतर स्‍थानिक भूमिहीन व्‍यक्‍तीच्‍या सहकारी संस्‍था. स्‍थानिक भुमिहीन व्‍यक्‍तीच्‍या सहकारी संस्‍था, स्‍थानिक भुमिहीन मागास वर्गीय लोक, इतर वगा्रतील स्‍थानिक भुमिहीन लोक, जेथे गाळपेर जमिनी आहेत त्‍या गावाच्‍या बाहेरील भूमिहीन लोक व उपरनिर्दिष्‍ट लोकांव्‍यतिरिक्‍त इतर स्‍थानिक भूमिधारक परंतु खंड (एक) मध्‍ये विनिर्दिष्‍ट केलेल्‍या  व्‍यक्‍तीपैकी अर्ज करण्‍यासाठी पात्र असतील.

वरील प्रमाणे उपलब्‍ध होणारी गाळपेर जमिनीची मौजे व शेत सर्व्‍हे व मुळ मालक निहाय यादी व रु. 20 च्‍या स्‍टँम्‍पेपरवर करावयाचा करारनामा व अर्जाचे प्रारुप उपविभागीय अभियंता, उर्ध्‍व वर्धा धरण उपविभाग क्र. 2 मोशी येथे उपलब्‍ध आहे. त्‍याप्रमाणे आपला प्रारुप अर्ज व करारनामा  उपविभागीय अधिकारी, उर्ध्‍व वर्धा  धरण उपविभाग क्र. 2 मोर्शी येथे दि. 30 जूलै 2012 पर्यंत द्यावा. वरील अग्रक्रमानुसार पात्र लाभार्थींना प्रत्‍येक कुटुंबाला जास्‍तीत जास्‍त 1.20 हेक्‍टर जमिन भाडेपट्टीवर देण्‍यात येईल. परंतु कुटूंब प्रमुख हा जर सहकारी संस्‍थेचा सदस्‍य असेल तर त्‍यास मुंबई कुळवहीवाट व शेतजमीन अधिनियम 1948 च्‍या कलम -6 मध्‍ये ठरवुन दिलेलया निर्वाहक क्षेत्राच्‍या मर्यादेस अधिन राहुन जास्‍तीत जास्‍त 1.6 हेक्‍टर इतकी जमीन देता येईल. भाडेपट्टीचा दर हा महाराष्‍ट्र शासन जलसंपदा विभाग मंत्रालय मुंबई यांचे दि. 14 जुलै 2006 अन्‍वये एका वर्शा दोन पिके घेतली गेल्‍यास प्रती हेक्‍टरी  रु. 2000 प्रती 11 महिण्‍यासाठी व एका वर्षात एकच पिक घेतले गेल्‍यास  प्रति हेक्‍टरी रु. 1000 प्रति 11 महिण्‍यासाठी भरणे आपणास अनिवार्य राहील. असे कार्यकारी अभियंता, उध्‍व्र वर्धा धरण विभाग, अमरावती कळवितात.

                                                            0000000

16 लाख 96 हजार रोपांची वृक्षबँक सामाजिक वनीकरण विभागाचा उपक्रम 2 लक्ष 22 हजार 726 कडूनिंबाची रोपे

                           

        वर्धा, दि.20-  सामाजिक वनीकरण विभागाने  शतकोटी  वृक्ष लागवड कार्यक्रमा अंतर्गत जिल्‍ह्याचे उद्दिष्‍ट  पूर्ण करण्‍यासाठी  16 लक्ष 96 हजार रोपांची  वृक्षबँक तयार केली  आहे. महात्‍मा गांधी राष्‍ट्रीय रोजगार हमी योजने अंतर्गत वृक्ष बँक सज्‍ज झाली असून, जिल्‍ह्यातील  सर्व शासकीय व निमशासकीय संस्‍थांना  त्‍यांच्‍या आवश्‍यकतेनुसार वृक्ष लागवडीसाठी  रोपे  सामाजिक वनीकरण विभागाकडे  उपलब्‍ध आहेत.

            सामाजिक वनीकरण विभागातर्फे जिल्‍ह्यात 8 रोपवाटीका  विविध प्रजातींच्‍या रोपांचे  संगोपन व संरक्षण करण्‍यासाठी  सज्‍ज असून  100 कोटी वृक्ष लागवड कार्यक्रमा अंतर्गत सामाजिक वनीकरण विभागाला 12 लक्ष रोपे तयार करण्‍याचे उद्दिष्‍ट  देण्‍यात आले होते. परंतु या विभागाने 13 लक्ष 45 हजार रोपे तयार केली आहे. मागील वर्षी लागवड केलेले  यामध्‍ये  4 फुटापेक्षा जास्‍त उंचीचे 64 हजार 228 तर लहान 2 लक्ष 87 हजार 223 अशी एकूण 3 लक्ष 51 हजार 451  रोपांचा यामध्‍ये समावेश आहे. जिल्‍ह्यात वृक्षारोपन  करण्‍यासाठी  उत्‍सुक असलेल्‍या  सर्वांनाच  त्‍यांच्‍या मागणीनुसार वृक्ष उपलब्‍ध असल्‍याची माहिती  सामाजिक वनीकरण विभागाचे उपसंचालक  प्रविणकुमार  बडगे यांनी दिली.

            सामाजिक वनीकरण विभागाकडे 62 प्रजातींची  उंच व लहान अशी  16 लक्ष 96 हजार 451 रोपे विक्रीस उपलब्‍ध असून, यामध्‍ये कडूनिंबाच्‍या  प्रजातीची  2 लक्ष 22 हजार 726 रोपांचा समावेश आहे. विभागात  एवढ्या मोठ्या प्रमाणात कडूनिंबाची  वृक्ष असलेली  सामाजिक वनीकरण  विभागाची  ही वृक्ष बँक आहे.

            शतकोटी  वृक्ष लागवड कार्यक्रमा अंतर्गत  सामाजिक वनीकरण 12 लाख रोपे  तयार करायचे असून  याच कार्यक्रमामध्‍ये 1 कोटी  89 लक्ष रुपये लावण्‍याचे उद्दिष्‍ट देण्‍यात आले आहे.  या विभागाच्‍या  8 रोपवाटीकेमध्‍ये 9 लक्ष 10 हजार लहान रोपे तर 1 लक्ष 90 हजार मोठी रोपे तयार करण्‍यात आली आहे. यामध्‍ये औद्योगिक परिसरातील डॉ. बाबासाहेब आंबेडकर रोपवाटीकेतील 9 हेक्‍टर परिसरात सुमारे 3 लक्ष 50 हजार वृक्ष बँक असून  यामध्‍ये सुमारे 15 हजार  कडूनिंबाची  रोपे तयार करण्‍यात आली आहेत. महात्‍मा गांधी  रोजगार हमी योजने अंतर्गत ही वृक्षबँक तयार करण्‍यासाठी  6 लक्ष 95 हजार 952 रुपये खर्च करण्‍यात आले आहे. येथे 26 प्रकारच्‍या  प्रजातींचे वृक्ष आहेत.  

            केळझर येथील डॉ. बाबासाहेब आंबेडकर रोपवाटीकेमध्‍ये  30 प्रजातीची 2 लक्ष 25 हजार 165 रोपे तयार करण्‍यात आली असून, यामध्‍ये  52 हजार 537 कडूनिंबाची रोपे वृक्षारोपनासाठी सज्‍ज आहेत. यासोबतच गुलमोहर, अमलतास, कॅसीया , बीहाडा, साग, बकुळ, सिताफळ, करंजी, आवळा, महारुख , सिरस बांबू, जांभूळ आदी विविध प्रकारच्‍या प्रजातींचा समावेश आहे.  

                                    मातृवृक्षाचे संगोपन

            सामाजिक वनीकरण विभागातर्फे  केळझर येथील डॉ. बाबासाहेब आंबेडकर मध्‍यवर्ती  रोपवाटीकेमध्‍ये मातृवृक्षाचे बँक तंयार करण्‍यात आली असून, यामध्‍ये 26 प्रजातींची सुमारे 150  रोपे  लावण्‍यात आली आहेत. औषधी गुणधर्मासह  दुर्मिळ अशा  डिकेमाली, चित्रक, टेटू, बिबा, गुगुळ, आल, पारड, चारोळी, खिरणी, वायवरण, विकसा, करु, रिठा, बकुळ, मोठा बेल, पळस, मोह आदी प्रजातींचा समावेश आहे.

            पर्यावरणाला पोषक असणा-या  तसेच दुर्मिळ अशा रक्‍तचंदनाच्‍या वृक्षांचे संगोपन करुन  ती झाडे सामाजिक वनीकरण व्‍दारा रोपवाटीकेत लावण्‍यात आली आहेत. रक्‍तचंदनासह   पिवळा धोतरा ,पुतरनजिवा आदी वृक्षांचे संगोपनही येथे करण्‍यात आले आहे. बकुळ वृक्षांची बँक मोठ्या मेहनतीने  फुलविण्‍यात आली असून, नागपूरच्‍या  उच्‍च न्‍यायालयाचे परिसरात असलेल्‍या बकुळांच्‍या झाडांच्‍या बिया गोळा करुन त्‍याचे रोपात रुपांतर करुन सामाजिक वनीकरण विभागाने  बकुळ झाडे रोपवाटीकेत सजविलेली आहेत.  सामाजिक वनीकरण विभागाचे  वृक्षबँक तयार करण्‍यासाठी  उपसंचालक, प्रविणकुमार बडगे यांच्‍या मार्गदर्शनाखाली  लागवड अधिकारी  के.एम.मेंढे, श्री.चाचरकर,केळझरचे किशोर तडवीकर, ए.एन.पाकोजवार, आर्वी व आष्‍टी येथे ए.बी.सरदार , हिंगणघाट व देवळी  येथील ए.एन.देवतळे , वर्धा येथील एम.के. रघुवंशी हे विशेष परिश्रम घेत आहेत.

                                                            0000000

सरी वरंभा पध्‍दतीने पिकांना मिळाले जीवनदान कृषी आयुक्‍तांकडून कपाशीच्‍या पिकांची पाहणी

         वर्धा, दि. 19 – सरी वरंभा पध्‍दतीमुळे कपाशी व इतर पिकांना आवश्‍यकतेनुसार पाणी तसेच शेणखत, रासायनिक खते व पाण्‍याची बचत होत  असून  पीक चांगल्‍या पध्‍दतीने  घेणे  सुलभ होत असल्‍यामुळे  शेतक-याने  सरी वरंभा पध्‍दतीनेच  शेतीचे उत्‍पादन घ्‍यावे असे आवाहन  राज्‍याचे  कृषी आयुक्‍त  उमाकांत  दांगट यांनी केले आहे.

            देवळी तालुक्‍यातील  कापसासह विविध पिकांची पाहणी  कृषि आयुक्‍त श्री. दांगट यांनी केली. त्‍यावेळी शेतक-यांशी संवाद साधतांना  ते बोलत होते. यावेळी  कृषि सहसंचालक डॉ. जे.सी.भुतडा, जिल्‍हा अधिक्षक कृषि अधिकारी भाऊसाहेब ब-हाटे, उपविभागीय कृषि अधिकारी संतोष डाबरे, कृषि अधिकारी निगोट, श्री. उघाडे, श्री. कऊटकर आदी यावेळी उपस्थित होते.

       प्रगतीशील शेतकरी श्री. राऊत यांच्‍या शेताला विदर्भ सिंचन प्रभावी कार्यक्रमाअंतर्गत रुंद वरंभा व सरी या पध्‍दतीने कपाशीची लागवड करण्‍यात आली आहे.  अपुरा पाऊस पडत असला तरी  या पध्‍दतीने  कपाशीच्‍या  झाडांना  आवश्‍यकतेनुसार  पाणी उपलब्‍ध होत असल्‍यामुळे कपाशीच्‍या झाडांची वाढ  अपेक्षेनुरुप  आहे. सरी वरंभा पध्‍दतीमुळे शेणखत, रासायणीक खत, पाणी याची बचत होत असून  भूगर्भात  पाणीसुध्‍दा  साठविण्‍यास मदत होत आहे.

            कपाशीच्‍या  पांढ-या मुळांची  संख्‍या मोठ्या प्रमाणात वाढून उत्‍पादनामध्‍ये निश्चितच  वाढ होणार असल्‍याची  माहिती  शेतक-यांनी  यावेळी आयुक्‍तांना दिली. खताची कार्यक्षमता, पाणीयोग्‍य वापर, तणांचे नियंत्रण शक्‍य झाले असल्‍याने शेतक-यानेही  रुंद सरी  वरंभा पध्‍दतीनेच आपली शेती करावी  असे सांगून  पुढील वर्षी सुध्‍दा जास्‍तीत जास्‍त शेतक-यांनी  या पध्‍दतीने  कपाशीची लागवड  करावी यासाठी अनुदानांवर बेडमेकर पुरविण्‍याबाबतही  श्री. दानगट यांनी शेतक-यांशी संवाद साधतांना सांगितले.

            सोनेगाव आबाजी येथील ज्ञानेश्‍वर  वासुदेव चोरे या शेतक-यांनी सरी वरंभा पध्‍दतीवर  ठिंबक संचाचा वापर करुन कपाशीची लागवड केली आहे. त्‍यामुळे पिकांना उपयुक्‍त अशा खतांचा व औषधांचा वापर सुलभ झाले असून, जास्‍त पावसामुळे पाण्‍याचा योग्‍य निचरा होऊन कपाशीचे नुकसान टाळता येणे शक्‍य झाल्‍याची माहिती  ज्ञानेश्‍वर चोरे यांनी कृ‍षी आयुक्‍तांना दिली.

      आत्‍मा अंतर्गत 50 टक्‍के अनुदानावर  मानवचलीत बियाणे  टोकन यंत्राचे वाटप करण्‍यात आले असून, प्रत्‍येक तालुक्‍यामध्‍ये  12 अवजारे वाटप करण्‍यात आले आहे. या अभिनव उपक्रमाची  माहितीही कृषी आयुक्‍तांनी  घेतली. प्रारंभी  अधिक्षक कृषि अधिकारी  भाऊसाहेब ब-हाटे यांनी स्‍वागत करुन  जिल्‍ह्यात राबविण्‍यात येणा-या विविध उपक्रमांची माहिती दिली.

                   ब्राझील पॅटर्नने  कपाशीची लागवड

    देवळी तालुक्‍यातील  नागझरी  येथील  मोहन राऊत यांच्‍या शेतात ब्राझील पॅटर्न नुसार लावण्‍यात आलेल्‍या  कपाशीच्‍या  प्रात्‍यक्षिक  शेतीला  कृषि आयुक्‍त उमाकांत दांगट यांनी  भेट देऊन पाहणी केली.

          कृषि विभागातर्फे कपाशी पिकाची  उत्‍पादकता वाढविण्‍यासाठी कपाशी  धन लागवड व देशी वानांची लागवड तंत्रज्ञान (ब्राझील पॅटर्न) चा  उपक्रम राबविण्‍यात येत आहे. देशी वानांचा वापराला प्रोत्‍साहन  देण्‍यासाठी सात शेतक-यांना  प्रात्‍यक्षिक अनुदानावर  प्रोत्‍साहन  देण्‍यात आले आहे.  या उपक्रमा अंतर्गत पिकांचे  किड व रोग व्‍यवस्‍थापन  या संदर्भात मार्गदर्शन करुन  बी.टी. कपाशीचा वाढता उत्‍पादन खर्च कमी करुन  देशी वानाला  प्रोत्‍साहन देण्‍याचा प्रयत्‍न  या उपक्रमाच्‍या माध्‍यमातून जिल्‍ह्यात राबविण्‍यात येत आहे. प्रात्‍यक्षिकाच्‍या  सर्व निविष्‍ठा शेतक-यांना देण्‍यात आल्‍या आहेत.

              देशी वानाच्‍या  लागवड तंत्रा अंतर्गत नागझरी येथील मोहन राऊत यांच्‍या 1.80 हेक्‍टर  क्षेत्रात हा उपक्रम राबविण्‍यात आला आहे. या उपक्रमाची  पाहणी करण्‍यासाठी  कृषि आयुक्‍त श्री. दांगट यांचेसह विभागीय कृषि  सहसंचालक जे.सी. भुतडा, भाऊसाहेब ब-हाटे, कृषि अधिकारी संतोष डाबरे आदी अधिकारी व शेतकरी उपस्थित होते.

                                                            00000

गर्भधारणापूर्व व प्रसवपूर्व निदान तंत्र अधिनियमाची प्रभावीपणे अंमलबजावणी - डॉ. सोनोने

         वर्धा, दि. 18- गर्भधारणापूर्व व प्रसवपूर्व निदान तंत्र अधिनियमा अंतर्गत जिल्‍ह्यात खाजगी रुगणालयात सोनोग्राफी केंद्र  कार्यरत असून या रुग्‍णालयामध्‍ये  या कायद्याचा भंग होऊ नये यासाठी  प्रभावीपणे अंमलबजावणी  करण्‍याचा  मनोदय जिल्‍हा शल्‍य चिकित्‍सक डॉ. मिलिंद सोनोने यांनी व्‍यक्‍त केला.

येथील सामान्‍य  रुग्‍णालयातील जिल्‍हा शल्‍य चिकित्‍सकाच्‍या कक्षेमध्‍ये सल्‍लागार समितीची बैठक काल संपन्‍न झाली त्‍यावेळी ते बोलत होते. यावेळी निवासी वैद्यकीय अधिकारी डॉ. अनुपम हिवलेकर, डॉ. धामट, डॉ.जे.एल.शर्मा, सल्‍लगार समितीचे सदस्‍य हेमलता मेघे, प्रविण हिवरे, बि.ना.साबळे, आशाताई लोहे, अॅड. कांचन बडवाने आदी मान्‍यवर उपस्थित होते.

गर्भधारणा पूर्व व प्रसवपूर्व निदान तंत्र अधिनियम 2003 च्‍या आढावा बैठकीत सोनोग्राफी केंद्रातील तपासणी दरम्‍यान तया केंद्रातीलउनिवा व अडचणीवर चर्चा करुन जिल्‍हा शल्‍य चिकित्‍सक डॉ.सोनोने म्‍हणाले की गर्भधारणपूर्व व प्रसवपूर्व निदान तंत्र अधिनियमा अंतर्गत सोनोग्राफी केंद्राच्‍या शुल्‍कात केंद्र सरकारने भरिव वाढ केलेली आहे. खाजगी रुगणालयांनी सोनोग्राफीच्‍या नवीन केंद्रासाइी यापूर्वी दरवर्षी तीन हजार रुपये शुल्‍क आकारण्‍यात येत होते. आता मात्र 25 हजार रुपये शुल्‍क आकारण्‍यात येणार आहे. तसेच  त्‍या केंद्राच्‍या नुतनिकरणासाठी साडे बारा हजार रुपये शुल्‍क आकरण्‍यात येईल. तसेच खाजगी मेडीकल कॉलेज  नवीन केंद्रांना यापुर्वी 4 हजार रुपये शुल्‍क आकारण्‍यात येत होते ती रक्‍कम वाढवून आता पस्‍तीस हजार रुपये शुल्‍क आकारण्‍यात  येणार आहे. नुतनीकरणासाठी त्‍या  शुल्‍काची अर्धी रक्‍कम भरावी लागेल. मुलाच्‍या तुलनेत मुलीची संख्‍या दर हजारी कमी होत असल्‍याची खंत व्‍यक्‍त करुन डॉ. सोनाने म्‍हणाले की या समितीतील सदस्‍यांनी गर्भ लिंग तपासणी व निदान करणारी एकतरी संशयीत प्रकरण उघडकीस आणावे. त्‍या रुग्‍णाला शासनाच्‍या नियमानुसार मानधन देण्‍यात येईल तसेच  जेने करुन त्‍या खाजगी रुग्‍णालयावर पि.सी.पी.एन.डी.टी. अंतर्गत कार्यवाही करता येईल. त्‍यामुळे समाजात होणा-या स्‍त्री भ्रृण हत्‍येला आळा बसू शकेल.

      यावेळी बोलातंना प्रविण हिवरे म्‍हणाले की    स्त्रिभृण   हत्‍येला आळा घालण्‍यासाठी समाजात मोठ्या प्रमाणावर जनजागृती करणे आवश्‍यक असून जागृतीचा एक भाग म्‍हणून शहरात काही  महत्‍वाच्‍या जागेवर होर्डींग लावण्‍याची अनुभमती प्रदान करण्‍याचे आवाहन त्‍यांनी समितीला केले असता ती मान्‍य करण्‍यात आली.

          गेल्‍या बैठकीमध्‍ये जिल्‍ह्यातील पाच सोनोग्राफी केंद्रांना पी.सी.पि.एन.डी.सी. अधिनियमाअंतर्गत तपासणीत उणीवा आढळल्‍यामुळे  कारणे  दाखवा नोटीस बजावण्‍यात आलया होत्‍या . आता त्‍या  सोनोग्राफी केंद्रानी अधिनियमाचे पालन केल्‍यामुळे त्‍यांना केंद्र सुरु करण्‍यची अनुमती प्रदान करण्‍याचा ठराव  पारीत करण्‍यात  आला. यामध्‍ये हिंगणघाट येथील 3, वर्धा येथील एका केंद्राचा समावेश आहे. मात्र ज्‍या सोनेाग्राफी केंद्राने अधिनियमाचे उल्‍लंघन केले आहे. ज्‍यांना सोनोग्राफी केंद्र सुरु करण्‍याची अनुमती नाकारण्‍यात आली यामध्‍ये पुलगांव येथील एका केंद्राचा समावेश आहे. डॉ. जयश्री गाठे यांनी रुगणालयातून राजीनामा दिला असल्‍यामुळे त्‍यांच्‍या जागी अध्‍यक्ष म्‍हणून डॉ. शिल्‍पा पांडे यांच्‍या नियुक्‍तीला  सर्व सदस्‍यांना मान्‍यता दिली.

यावेळी स्त्रि भ्रृण हत्‍या होणार नाही यासाठी सर्वतोपरी प्रयत्‍न करावे असे आवाहन जिल्‍हा शल्‍य चिकित्‍सक मिलिंद सोनाने यांनी केले.

            या बैठकीला अधिकारी व कर्मचारी उपस्थित होते.

                                                            00000000

चवथी व सातव्‍या वर्गाचे शिष्‍यवृत्‍ती परिक्षेचे फार्म ऑन लाईन भरावे

       वर्धा, दि. 18 –पुर्व माध्‍यमिक व माध्‍यमिक शाळा  शिष्‍यवृत्‍ती परीक्षा 2013 दिनांक 17 मार्च 2013 ला होत असल्‍यामुळे महाराष्‍ट्र  राज्‍य परीक्षा परीष्‍द पुणे कडून परीक्षेचे साहीत्‍य प्रापत झाले असून, पंचायत समितीच्‍या  सर्व गट शिक्षणाधिका-यांना वितरीत केले आहेत. या वर्षी प्रथमतः इयत्‍ता 4 थी व 7 वी ची शिष्‍यवृत्‍ती  परिक्षेचे आवेदन पत्र ऑनलाईन भरायचे आहेत.

     सर्व अंक इंग्रजी मध्‍येच भरावयाचे असून, आवेदन पत्र महाराष्‍ट्र राज्‍य परिषदेच्‍या wwwmscepune.in  या संकेत स्‍थळांवर उपलब्‍ध  असून, आवेदन पात्रता शाळेचा अचूक संकेतांक नमुद केलयानंतरच पूर्ण आवेदन पत्र भरता येईल. आवेदन पत्र ऑनलाईन प्रिंट करुन घेऊन त्‍यावर मुख्‍याध्‍यापकाच्‍या स्‍वाक्षरीनिशी पंचायत समिती स्‍तरावर सादर करावे.

      आवेदन पत्र शुल्‍क सर्व विद्यार्थ्‍यांसाठी 10 रुपये असून परीक्षा शुल्‍क इयत्‍ता 4 थी साठी 22 रु. व इयत्‍ता 7 वी साठी 33 रु. आहे. मागासवर्गीय विद्यार्थ्‍यांना  फक्‍त परीक्षा शुल्‍क माफ आहे. इयत्‍ता 4 थीसाठी  वयोमर्यादा 1 जूलै 12 रोजी 12 वर्षे पूर्ण नसावे. इयत्‍ता 7 वी साठी 1 जूलै 12 रोजी 15 वर्षे पूर्ण नसावे.

            आवेदन पत्र भरण्‍याची अंतीम दिनांक 31 जुलै 12 असून, विलंब शिुल्‍कासह आवेदन पत्र भरण्‍याची दिनांक 16 ऑगस्‍ट 12 आहे. एका परीक्षाकेंद्रावर 300 पेक्षा जास्‍त विद्यार्थी राहणार नाहीत तसेच गतवर्षी परीक्षा केंद्र असलेल्‍या  या वर्षी नव्‍याने परीक्षा केंद्र अस्‍तीत्‍वात येत असलेल्‍या शाळेच्‍या मुख्‍याध्‍यापकांनी दिनांक 17 मार्च 2013 ला शाळा कोणत्‍याही कार्यक्रमास देण्‍यात येऊ नये. सादर परीक्षेला जास्‍तीत जासत विद्यार्थी प्रविष्‍ठ करावेत असे आवाहन शिक्षणाधिकारी (प्राथमिक)चे हरिदास बांबोडे यांनी केले आहे.

                                                            0000000

व्‍दार उभारण्‍यासाठी अर्ज आमंत्रित

वर्धा, दि. 17 – जिल्‍ह्यात सुशिक्षित जिल्‍हा रोजगार व स्‍वयंरोजगार माग्रदर्शन केंद्र, वर्धा या कार्यालया अंतर्गत काम वाटप समितीकडे कार्यकारी अभियंता, प्रमुख व्‍दारउभारणी पथक क्र. 2 नागपुर यांच्‍या अधिनस्‍त असलेल्‍या  वर्धा जिल्‍ह्यातील निम्‍नवर्धा प्रकल्‍प धनोडी ता. आवी्र वक्रव्‍दारे 12/8-31 संच व विमांचन व्‍दाराचे देखभाल, परिचलन करिता विजतंत्रीची सेवा 7 महिण्‍यासाठी पुरविण्‍याची कामे बेरोजगारांच्‍या  सेवा सहकारी संस्‍था यांचे कडून  कंत्राटी पध्‍दतीने सेवा पुरविण्‍याचे आहे.

संस्‍थेने संस्‍थेचे नोंदणी प्रमाणपत्र, वाणिज्‍य आस्‍थापनेचा परवाना, संस्‍थेला कमीत कमी 2 वर्षाच अशा प्रकारचा कामाचा अनुभव असावा. सदर संस्‍था कोणत्‍याही विभागातंर्गत काळ्या यादीत नसावी.

    सदर काम हे जूलै 2012 ते डिसेंबर 2012 पर्यंत असून आपातकालीन परिस्थिती उदभवल्‍यास 24 तास विजतंत्रीची सेवेची गरज भासू शकते. कामाची अंदाजित किंमत  2.01 लक्ष रुपये आहे.

            इच्‍छूक सेवा संस्‍थांनी वरील काम वाटपाचे अटी व शर्ती पूर्ण करु शकतील अशा संस्‍थांनी सहा. संचालक, जिल्‍हा रोजगार व स्‍वयंरोजगार मार्गदर्शन केंद्र वर्धा यांचेशी दिनांक 20 जुलै 2012 पर्यंत संपर्क साधावा व लेखी स्‍वरुपात अर्ज सादर करावा. कामाचे स्‍वरुप व तपशिल जिल्‍हा रोजगार व स्‍वयंरोजगार मार्गदर्शन केंद्र, वर्धा यांचेकडे उपलब्‍ध आहे.

                                                            0000000

संस्‍थात्‍मक आणि व्‍यक्तिगत ग्राहक प्रतिनिधी नियुक्‍त करण्‍यासाठी अर्ज मागविण्‍याबाबत

           वर्धा, दि. 17- महाराष्‍ट्र विद्यूत  नियामक आयोगाने, महाराष्‍ट्र विद्यूत  नियामक आयोग (प्राधिकृत ग्राहक प्रतिनिधी) विनियम 2012 हे दि. 6 जुन 2012 रेाजी अधिसूचित केले आहेत. राज्‍यातील ग्राहकांची बाजू मांडण्‍यासाठी संस्‍थात्‍मक आणि व्‍यक्तिगत ग्राहक प्रतिनिधींना प्राधिकृत करण्‍यासाठी  आयोगाने इच्‍छुक संसथा व व्‍यक्‍तींकडून  अर्ज मागविलेले आहे.

       राज्‍यातील उत्‍तर महाराष्‍ट्र आणि मराठावाडा या दोन विभागामधून प्रत्‍येक विभागातून एक याप्रमाणे एकुण दोन संस्‍थात्‍मक ग्राहक प्रतिनिधीची तसेच संपुर्ण राज्‍यभरातून पंधरा व्‍यक्तिगत ग्राहक प्रतिनिधींची निवड करण्‍यासाठी महाराष्‍ट्र विदृयुत नियामक आयोगाने इच्‍छुक  संस्‍थांकडून तसेच व्‍यक्‍तींकडून विहित नमुन्‍यात अर्ज मागविलेले आहेत. अर्ज करण्‍याची शेवटची तारीख 14 ऑगस्‍ट 2012 आहे.

     अर्जाचा  विहित नमुना आणि महाराष्‍ट्र विद्युत नियामक आयोग  (प्राधिकृत ग्राहक प्रतिनिधी) विनियम, 2012 ची प्रत आयोगाच्‍या  www.mercindia.org.in  या संकेत स्‍थळावर उपलबध आहे. इच्‍छुक संस्‍था व व्‍यक्‍तींनी अर्जाचा विहित नमुना आणि विनियमाच्‍या प्रती आयोगाच्‍या संकेतस्‍थळावरुन प्राप्‍त करुन घ्‍याव्‍यात.

                                                            000000

तालुका व जिल्‍हा स्‍तरीय शालेय क्रीडा स्‍पर्धा कार्यक्रम

         वर्धा, दि.17- क्रीडा व युवक सेवा संचालनालय व्‍दारा जिल्‍हा क्रीडा परीषद व जिल्‍हा क्रीडा अधिकारी कार्यालय, वर्धा यांचे संयुक्‍त विद्यमाने आयेाजीत तालुका ते राज्‍यस्‍तरापर्यंतच्‍या शालेय  किंवा महिला इत्‍यादी क्रीडा स्‍पर्धाचे आयेाजन दरवर्षी करण्‍यात येत असते.

    त्‍याअनुषंगाने सन 2012-13 या सत्रात आयेाजीत करावयाच्‍या शालेय व इतर क्रीडा स्‍पर्धा कार्यक्रमाचे आयेाजन करण्‍याचे दृष्‍टीने जिल्‍ह्यातील विविध तालुका निहाय सभाचे आयेाजन गटशिक्षणाधिकारी मार्फत करण्‍यात येणार आहे.

            जिल्‍ह्यातील सर्व शैक्षणीक संस्‍थांचे मुख्‍याध्‍यापक  किंवा शा. शिक्षकांनी जिल्‍हा परिषद शाहांचे केंद्र प्रमुख सदर सभेस उपसिथत राहून या सत्रातील  स्‍पर्धा कार्यक्रमाची रुपरेषा व स्‍पर्धा कार्यक्रम पुस्‍तीका प्राप्‍त करुन घ्‍यावी.   तालुकानिहाय सभेचा कार्य पुढील प्रमाणे ...

     आर्वी तालुका दि. 17 जुलै 12 सकाळी 11-30 वाजता पंचायत समिती सभागृह, आर्वी येथे, वर्धा तालुका दि. 17 जुलै 12 रोजी दुपारी 12 वाजता न्‍यु ईंग्‍ल्‍ीश हायस्‍कूल वर्धा, आष्‍टी तालुका दि. 17 जुलै 12 रोजी दुपारी 2 वाजता पंचायत समिती सभागृह आष्‍टी, देवळी तालुका दि. 18 जुलै 12 रोजी सकाही 11 वाजता मार्या इंग्‍लीश स्‍कूल, देवळी, सेलू तालुका दि. 18 जुलै 12 रोजी दुपारी 3 वाजता दिपचंद विद्यालय, सेलू,  कारंजा तालुका दि. 19 जुलै 12 रोजी दुपारी 1 वाजता गट संसाधन केंद्र कारंजा, समुद्रपूर तालुका दि. 19 जुलै 2012 रोजी दुपारी 12-15 वाजता पंचायत समिती सभागृह समुद्रपूर, हिंगणघाट तालुका दि. 19 जुलै 12 रोजी दुपारी 2 वाजता डॉ. बि.आर. आंबेडकर विद्यालय, हिंगणघाट येथे होणार आहे. असे जिल्‍हा क्रीडा अधिकारी वर्धा यांनी कळविले आहे.

                                                            000000

विजय कुलसंगे यांच्‍या मृत्‍युची दंडाधिका-या मार्फत चौकशीचे आदेश

            वर्धा, दि. 17- पोलीस स्‍टेशन, देवळी तहसिल देवळी जिल्‍हा वर्धा येथील विजय जयवंतराव कुळसंगे रा. कोहोणा (चोरे)  ह.मु. यवतमाळ कैदी क्र. 6325/12 याचा दिनांक 19 जून 2012  रोजी सामान्‍य रुग्‍णालय भिडी येथे उपचार दरम्‍यान मृत्‍य झाला.

          या प्रकरणात कोणाचे आक्षेप असल्‍यास त्‍यांनी दिनांक 4 ऑगस्‍ट 2012 पर्यंत या कार्यालयास  लेखी स्‍वतः अथवा त्‍यांच्‍या अभिकर्त्‍या  मार्फत कळवावे. विहित मुदतीत प्राप्‍त न झालेले आक्षेप तसेच जाहिरनामा निघण्‍यापूर्वी तसेच जाहीरनाम्‍याची मुदतीनंतर प्राप्‍त  झालेल्‍या आक्षेपांचा विचार केला जाणार नाही. असे उपविभागीय दंडाधिकारी, वर्धा कळवितात.

                                                     0000

   पिण्‍याच्‍या  पाण्‍याचे नमुने घेवून तात्‍काळ उपाययोजना करा

                                                   - शेखर चन्‍ने

                                   

*आर्वी  येथे गॅस्‍ट्रोची साथ  नियंत्रणात

          * एकाही रुग्‍णाला लागण होणार नाही  याची खबरदारी घ्‍या.

                    * 8 हजार 500 घरांची  तपासणी

                    *  मेडीक्‍लोअरच्‍या 2 हजार बॉटल वितरीत करणार

                    * उपचारानंतर 33 रुग्‍णांना सुटी

            वर्धा, दि. 16 – आर्वी येथे  दूषित पाणी  पील्‍यामुळे  झालेल्‍या  अतिसाराची (गॅस्‍ट्रो) साथ लागनमुळे  पुर्णपणे  नियंत्रणात असून, यापुढे एकाही  नागरीकाला अतिसाराची लागन होणार नाही  या दृष्‍टीने दूषित पाणी  आढळलेल्‍या  सर्व घरांची  तपासणी करुन  मेडीक्‍लोअर  या औषधाचे  वाटप करा अशा सुचना जिल्‍हाधिकारी  शेखर चन्‍ने  यांनी आज आरोग्‍य, पाणी पुरवठा व  नगर परिषदेच्‍या अधिका-यांना दिल्‍या.

       आर्वी येथील स्‍टेशन वार्डात  अतिसाराची लागन  झाल्‍याचे  निदर्शनास  आले असून  या परिसरातील  41 रुग्‍णांना  लागन होताच तात्‍काळ  वैद्यकीय उपचार देण्‍यात आले.  त्‍यापैकी केवळ  आठ रुग्‍ण  उपजिल्‍हा‍ रुग्‍णालयात  केवळ तपासणीसाठी  भरती असून त्‍यांना त्‍यांची  प्रकृती  उत्‍तम  असून, लवकरच सुटी देण्‍यात येणार आहे.  अतिसारामुळे रुग्‍ण दगावले नसल्‍याचेही  जिल्‍हाधिकारी  शेखर चन्‍ने यांनी यावेळी स्‍पष्‍ट केले.

            जिल्‍हाधिकारी  शेखर चन्‍ने  यांनी  आज तातडीने आर्वी येथे भेट देऊन आरोग्‍य, पाणी पुरवठा, महसूल तसेच आर्वी नगर परिषदेच्‍या  मुख्‍याधिका-यासह  सर्व संबंधित अधिका-यांचे बैठक घेवून  अतिसाराची लागन  झालेल्‍या  वार्डाची तसेच  तेथील पिण्‍याचे पाण्‍याचे स्‍त्रोत, दुषि‍त पाण्‍याचे नमुने व औषधाच्‍या उपलब्‍धतेबाबत  माहिती घेतली.

            आर्वी येथे महाराष्‍ट्र जीवन प्राधिकरणासह 19 विहीरी व 42 हातपंपाव्‍दारे पिण्‍याच्‍या पाण्‍याचा पुरवठा करण्‍यात येतो. तसेच स्‍टेशन वार्ड, शिवाजी वार्ड , दादाजी वानखडे वार्ड, वलीसाहेब वार्ड व गणपती वार्ड या  भागात  पिण्‍याच्‍या पाण्‍याचे  नमुने दूषित असल्‍याचे आढळून आल्‍यामुळे तेथील घरांची  तपासणी करावी  व मेडीक्‍लोअर  औषध  त्‍यांना उपलब्‍ध करुन द्यावे अशी सुचना यावेळी  जिल्‍हाधिका-यांनी   केली.

            उपजिल्‍हा सामान्‍य रुग्‍णालय तसेच तालुका वैद्यकीय अधिकारी यांनी  अतिसाराची लागन झालेल्‍या भागात  तात्‍काळ वैद्यकीय  उपचारासाठी  तात्‍पुरती  सुविधा सुरु करावी तसेच प्रत्‍येक घरातील  नागरिकांना पिण्‍याचे पाणी  उकळून प्‍यावे  तसेच पाण्‍यात मेडीक्‍लोअर  औषध  टाकूनच पाणी प्‍यावे अशा सुचना करतानाच  पिण्‍याचे पाण्‍याचे नमुने घेण्‍यासाठी  वैद्यकीय चमू  सज्‍ज ठेवावी  असेही त्‍यांनी यावेळी सांगितले.

            आर्वी शहरातील ज्‍या  भागता पिण्‍याच्‍या पाण्‍याच्‍या पाईपलाईन नादुरुस्‍त आहेत त्‍या तात्‍काळ दुरुस्‍त कराव्‍यात. ड्रेनेजचे पाणी वाहून जाण्‍यासाठी  जेसीपी व्‍दारे नाल्‍या खोल कराव्‍यात, तसेच टँकरव्‍दारे पाण्‍याचा पुरवठा करावा व पाण्‍याचे क्‍लोरीनेशन करुनच नागरिकांना पिण्‍याचे  पाणी उपलब्‍ध करुन द्यावे अशा सुचनाही त्‍यांनी यावेळी दिल्‍या. स्‍टेशन वार्डासह इतर वस्‍त्‍यांनाही जिल्‍हाधिका-यांनी भेट देऊन नागरिकांशी संवाद साधला तसेच पिण्‍याचे पाणी नियमितपणे उकळून प्‍यावे असे आवाहनही शेखर चन्‍ने यांनी यावेळी नागरिकांना दिले आहे.

                        उपजिल्‍हा रुग्‍णालयास भेट

            अतिसाराची लागन झालेल्‍या रुग्‍णांपैकी आठ रुग्‍ण उपजिल्‍हा रुग्‍णालयात भरती असून  जिल्‍हाधिकारी  शेखर चन्‍ने  यांनी  रुग्‍णांची  भेट घेऊन त्‍यांच्‍या प्रकृतीची चौकशी केली. 

            जिल्‍हाधिकारी  शेखर चन्‍ने  यांनी विश्रामगृहात उपविभागीय अधिकारी सुनिल कोरडे, जिल्‍हा शल्‍य चिकित्‍सक डॉ. मिलींद सोनुने ,जिल्‍हा  आरोग्‍य अधिकारी डॉ. दिलीप माने यांचेसह  वरिष्‍ठ अधिका-यांची  बैठक घेवून  अतिसाराची लागन झालेल्‍या  वस्‍त्‍यांची  तसेच दूषित पाणी , औषधोपचार आदी बाबत माहिती घेतली. महाराष्‍ट्र जीवन प्राधिकरणाच्‍या जलशुध्‍दी  केन्‍द्रासही भेट देऊन पिण्‍याच्‍या पाण्‍याचे क्‍लोरीनेशन  बाबत प्रत्‍यक्ष पाहणी केली.  

         यावेळी त्‍यांच्‍या समवेत   उपविभागीय अधिकारी सुनिल कोरडे, जिल्‍हा शल्‍य चिकित्‍सक डॉ. मिलींद सोनुने , जिल्‍हा आरोग्‍य अधिकारी डॉ. दिलीप  माने, तालुका वैद्यकीय अ‍धिकारी डॉ. व्हि.आर. देवकाते, गटविकास अधिकारी डॉ. एस.डी. वानखेडे, नगर परिषदेचे मुख्‍याधिकारी श्री. सुर्यवंशी , डॉ. प्रविण ठाकरे, डॉ. सुशिल पानपुरे, जिवन प्राधिकरणाचे अभियंता सी.बी. खासबागे, तहसिलदार  अजय चरडे आदी उपस्थित होते.

                                                            0000000