महाराजस्व अभियानांतर्गत
1 मे रोजी वर्धेत
समाधान शिबिर
·
वर्धेकर जनतेने शिबिराचा लाभ घ्यावा
·
विविध योजनांचा लाभ देणार
वर्धा,दि.18- महाजरास्व अभियानांतर्गत विविध विभागाच्या
योजनेचा लाभ तसेच लाभार्थ्यांना प्रमाणपत्राचे वाटप करण्यासाठी 1 मे रोजी न्यू इंग्लिश हायस्कूलच्या
प्रांगणात समाधान शिबिराचे आयोजन करण्यात आले आहे.
वर्धा
शहर तसेच तालुक्यातील जनतेला शासनाच्या विविध योजनांची माहिती तसेच विविध प्रमाणपत्राचे वाटप समाधान शिबिराच्या
माध्यमातून करण्यात येणार आहे. या समाधान शिबिराचा लाभ घेण्याचे आवाहन जिल्हा प्रशासन तसेच आमदार
डॉ. पंकज भोयर यांनी केले आहे.
समाधान शिबिरामध्ये विविध विभागांनी विविध
योजनेंतर्गत लाभाच्या योजना यशस्वीपणे राबविण्यात येऊन व लाभार्थ्यांना त्यांचे
प्रमाणपत्र महाराजस्व अभियानांतर्गत समाधान शिबिरात दिले जाणार आहेत. सर्व
विभागांतर्फे समाधान शिबिराच्या माध्यमातून सर्व नागरिकांना समाधान शिबिरांचा
लाभ देण्यात येणार आहे.
आमदार
डॉ. पंकज भोयर व निवासी उपजिल्हाधिकारी वैभव नावाडकर यांच्या प्रमुख उपस्थितीत समाधान शिबिर आयोजनासंदर्भात बैठक आयोजित करण्यात
आली होती. या बैठकीस तहसीलदार राहुल सारंग, गटविकास अधिकारी सपकाळे, तालुका कृषी
अधिकारी श्री. राठोड, नायब तहसीलदार श्रीमती पाराजे, श्री. राऊत, श्री. बर्वे तसेच मंडळ अधिकारी, तलाठी, ग्रामसेवक,
कृषीसेवक, नगर परिषद वर्धा येथील श्री. बागरे इ. अधिकारी, कर्मचारी उपस्थित होता.
0000000
No comments:
Post a Comment