जात वैधता प्रमाणपत्रा सादर करण्‍यासाठी तीन महिन्‍याची मुदतवाढ

वर्धा दि.29- शैक्षणिक सत्रा मध्‍ये प्रथम वर्ष अभियांत्रिकी, औषधनिर्माणशास्‍त्र, वास्‍तुशास्‍त्र, हॉटेल मॅनेजमेंट अँड कॅटरिंग टेक्‍नॉलॉजी पदवी अीयासक्रमासाठी प्रवेश घेणा-या विद्यार्थ्‍यांना जात वैधता प्रमाणपत्र सादर करण्‍याकरीता 3 महिन्‍याची मुदत वाढ देण्‍यात आलेली आहे.

            प्रवेश घेऊ इच्छिणा-या विद्यार्थ्‍यांना शंभर  रुपयाच्‍या स्‍टँपपेपरवर जात वैधता प्रमाणपत्र  तीन महिन्‍यात सादर करेल याबाबत हमीपत्र लिहून द्यायचे आहे. हमिपत्राचा नमूना  तंत्र शिक्षण संचालनालय, महाराष्‍ट्र राज्‍य मुंबई यांची वेबसाईट  www.dte.org.in/fe 2012 वर उपलब्‍ध आहे.

मागासवर्गीय उमेदवारांकडे जात वैधता प्रमाणपत्र कागदपत्र पडताळणीचे वेळी उपलबध नसेल अशा विद्यार्थ्‍यांनी जात वैधता प्रमाणपत्र तीन महिन्‍यात सादर करण्‍याबाबतचे रुपये 100 च्‍या स्‍टँपपेपरवर हमीपत्र कागदपत्र पडताळणीवेळी अर्ज स्‍वीकृती केंद्रावर सादर करावे. असे आवाहन तंत्र शिक्षण संचालनालयाकडे करण्‍यात आले आहे.

शैक्षणिक सत्र 2011-12 विज्ञान शाखेतील इयत्‍ता 12 मधील 5 हजार 892 विद्याथ्‍या्रंचे जात प्रमाणपत्र पडताळणी प्रसतावा सोबत खालीलप्रमाणे आवश्‍यक कागदपत्रे न जोडल्‍यामुळे आक्षेप लावण्‍यता आलेला आहेत. या आक्षेपाधीन बाबीमध्‍ये प्रामुख्‍याने अर्जदाराचाप्राथमिक शाळा सोडल्‍याचा दाखला  जोडले नाह, वडील, आत्‍या, आजोबा यांचा प्राथमिक शाळा सोडलयाचा दाखला जोडले नाही. अर्जदाराचे जातीचे प्रमाणपत्र जोडलेला नाही, महाराष्‍ट्र राज्‍यातील अनुसूचित जाती 1950 , विमुक्‍त जाती व भटक्‍या जमाती 1961, इतर मागासवर्ग व विशेष मागासप्रवर्ग 1967 पासूनचे कायम वास्‍तव्‍य विषयीचे पुरावे नाही, कागदपत्राच्‍या साक्षांकीत प्रती जोडलेला नाही, अर्जदाराचे कायम वास्‍तव्‍य महाराष्‍ट्र राज्‍यातील नाही.  (शा.नि. दि. 10 मार्च 2005  अनुषंगाने ) , अर्जदाराचा जातीचा दाखला स्‍थलांतरीत नमुन्‍यात आहे. अर्जदाराचा जातीचा दावा अनुसूचित जमातीचा असल्‍यामुहे प्रस्‍ताव सदस्‍य सचिव, अनुसूचित जमाती जात पउताळणी समिती, गिरीपेठ, नागपूर यांचेकडे पाठवावा. अर्जदाराच्‍या जातीच्‍या दाखल्‍यात शासन निर्णय चुकीचा नमूद करण्‍यात आलेला आहे. अर्जदाराच्‍या जातीच्‍या दाखल्‍यात शासन निर्णय चुकीचा नमूद करण्‍यात आलेला आहे. अर्जदाराच्‍या जातीच्‍या दाखल्‍यात रेव्‍हेन्‍यु क्रमांक जातीचा अनुक्रमांक, दाखला दिल्‍याचा दिनांक नमूद नाही. मागासवर्गात जात दाखल केलयाचा शासन निर्णय क्रमांक व दिनांक चुकीचा आहे. आदी बाबींचा समावेश आहे.

     शैक्षणिक सत्र 2011-2012 विज्ञान शाखेतील इयत्‍ता 12 मधील विद्यार्थ्‍यांनी  जाती प्रमाणपत्र पउताळणी प्रकरणासोबत विहीत कागदपत्रे जोडलेली नसल्‍यास तातडीने समिती कार्यालयास संपर्क साधुन आक्षेप पूर्तता करावे, असे आवाहन विभागीय जाती प्रमाणपत्र पडताळणी समिती क्र. 1  चे उपायुक्‍त माधव झोड यांनी केले आहे.

                                                0000000000