वर्धा दि.27- जिल्हा रोजगार व स्वयंरोजगार मार्गदर्शन
केंद्र,वर्धा व पी.व्ही.टेक्स्टाईल्स लि.,जाम ता.समुद्रपूर यांच्या संयुक्त
विद्यमाने बेरोजगार उमेदवारासाठी दिनांक 28 जून,2012 रोजी सकाळी 11 वाजता पी.व्ही.
टेक्स्टाईल्स लि. जाम येथे ता.समुद्रपूर
येथे रोजगार मेळावा आयोजित केला आहे.
मेळाव्यासाठी
सायडर (स्पिनींग)300 रिक्तपदे,इलेक्ट्रीकल मशीन ऑपरेटर 6 पदे व फिटर मशीन ऑपरेटर
30 पदे अशी एकूण 336 रिक्त पदे प्राप्त झालेली आहेत. या पदाकरीता किमान शैक्षणिक
पात्रता एस.एस.सी. पास तसेच मशीन ऑपरेटर पदासाठी आयटीआय इलेक्ट्रीशियन किंवाफीटर
परीक्षा उत्तीर्ण असणे आवश्यक आहे. या पदाकरीता वयोमर्यादा अट 18 ते 30 वर्षे
आहे.निवड झालेल्या उमेदवारांना पहिल्या पहिल्या 6 महिन्यापर्यन्त रु.3000/-
विद्यावेतन आणि त्यानंतर कंपनीच्या नियमानुसार मासिक वेतनात वाढ होईल. निवड
झालेल्या उमेदवारांची कंपनीमार्फत राहण्याची
निशुल्क व्यवस्था करण्यात येणार आहे. तरी इच्छुक व पात्र उमेदवारांनी आपल्या
शैक्षणिक पात्रतेच्या मूळ दाखला,प्रमाणपत्र व सेवायोजन नोंदणी कार्डासह वरील
ठिकाणी उपस्थित राहून या संधीचा लाभ घ्यावा असे आवाहन सहाय्यक संचालक,जिल्हा
रोजगार व स्वयंरोजगार मार्गदर्शन केंद्र , वर्धा यांनी केले आहे.
0000
No comments:
Post a Comment