महाराष्ट्र शासन
प्रसिध्दी पत्रक जिल्हा माहिती कार्यालय,वर्धा दि.29 जूलै 2011
------------------------------------------------------------------
वर्धा, दि.29- कृषि विभागामार्फत राबविण्यात येत असलेल्या विविध विस्तार योजनाझचक प्रकल्पास जिल्हाधिकारी जयश्री भोज यांनी भेट देवून राष्ट्रीय फलोत्पादन अभियान, क्रॉपसॅप, ठिंबक व तुषार सुक्ष्म सिंचन योजना, प्रोजेक्ट, शेतीशाळा, कृषि यांत्रिकीकरण, क्रॉपलोन, निविष्ठा इत्यादी प्रकल्पांची जिल्हाधिकारी राजश्री भोज यांनी भेट देवून पाहणी केली. तसेच शेतावर शेतक-यांशी मनमोकळे पणाने चर्चा केली.
या दौ-याच्या वेळी त्यांचे समवेत जिल्हा अधिक्षक कृषि अधिकारी भाऊसाहेब ब-हाटे, उपविभागीय कृषि अधिकारी संतोष डाबरे, देवळीचे तहसिलदार सचिन गोसावी, तालुका कृषि अधिकारी एस.डब्लू. निगोट , मंडळ कृषि अधिकारी कडू आदि मान्यवर उपस्थित होते. देवळी तालुक्यामध्ये मौजे लक्ष्मी नारायणपूर येथील प्रगतीशिल शेतकरी इ.एन.सतिशसिंग यांच्या शेतामध्ये 15 एकरावर लागवड केलेल्या संत्रा, मोसंबी फळ पिकाची माहिती घेवून जिल्हाधिकारी भोज यांनी ठिंबक सिंचनाची पाहणी केली. राष्ट्रीय फलोत्पादन अभियान अंतर्गत सामुहिक शेततळ्याची व सुधारीत अवजारांची पाहणी केली. क्रॉपसॅप सन 2011 अंतर्गत राबविण्यात येत असलेल्या ऑनलाईन पिकावरील किड व रोग सल्ला प्रकल्पाची माहिती जाणून घेतली व संबधीत प्रकल्पाबद्दल समाधान व्यक्त केले.
सदर कार्यक्रमा अंतर्गत किडीची आर्थिक नुकसानीची पातळी ठरविणे व त्याप्रमाणे कृषि विद्यापिठाकडून आलेल्या जाहीरातीची माहिती ग्रामपंचायतमध्ये लावणे व शेतक-यांना किडीच्या नियंत्रणासाठी किडीची संख्या वाढण्या अगोदरच शेतक-यांना आवश्यक असलेल्या फवारणीचा भ्रमण दुरध्वणीवर संदेश पाठविण्यात येणार आहे.
तांभा येथे राष्ट्रीय गळीत धान्य उत्पादन कार्यक्रम अंतर्गत 250 हेक्टर पर्यंत सोयाबिन प्रकल्पाची माहिती, गट प्रात्यक्षिके, शेतीशाळा, मित्र किड व शत्रु किड जैविक औषधे प्रात्यक्षिके, फेरोमेन ट्रॅप, पक्षी थांबे इत्यादी बाबी विषयी तसेच एकात्मिक किड व्यवस्थापनच्या बाबीविषयी शेतक-यांशी जिल्हाधिकारी यांनी चर्चा केली व शेतक-यांच्या अडीअडचणी जाणून घेतल्या.
00000
No comments:
Post a Comment