वर्धा,दि.22- राष्ट्रीय फलोत्पादन अभियान सन 2011-12 अंतर्गत उपविभागीय कृषि अधिकारी,वर्धा यांचे मार्फत तालुका वर्धा, सेलू, देवळी येथील शेडनेट हाऊस धारक तीस शेतक-यांना पाच दिवशीय राज्यांतर्गत प्रशिक्षणासाठी उच्च तंत्रज्ञान प्रशिक्षण केंद्र तळेगाव (दाभाडे) जि. पुणे येथे दि. 20 नोव्हेंबर 2011 रोजी एका वाहनातून पाठविण्यात आले.
सदर प्रशिक्षणामध्ये शेडनेट हाऊस पॉली हाऊस मधील भाजीपाला जसे काकडी, कारली, ढोबळी मिरची, ब्रोकोली व फुले जसे जरबेरा, कार्नेशियम, निशिगंधा, गुलाब इत्यादी प्रकारचे घटकांचे अत्याधूनिक प्रशिक्षण, लागवड तंत्रज्ञान व किड व रोग व्यवस्थापन, एकात्मिक अन्नद्रव्य व्यवस्थापन, फळफुलांचे काढणी पश्चात तंत्रज्ञान ग्रेडींग व पॅकींग व विक्री व्यवस्था इत्यादी विषयावर सविस्तर मार्गदर्शन शेतक-यांना मिळणार आहे.
हे प्रशिक्षण पूर्ण केल्यानंतर शेतक-यांना वरील बाबींचा अवलंब करुन आधुनिक तंत्रज्ञानाव्दारे कृषि क्षेत्रात कमी पाण्यात गट समुहाने फळपिकाचे उत्पादन करुन चांगली विक्री व्यवस्था निर्माण करणे व एकंदरीत उत्पादन व उत्पन्नात भर घालून जिवनमान उंचावणे हे अभिप्रेत आहेत.
हे प्रशिक्षण पूर्ण केल्यानंतर शेतक-यांना वरील बाबींचा अवलंब करुन आधुनिक तंत्रज्ञानाव्दारे कृषि क्षेत्रात कमी पाण्यात गट समुहाने फळपिकाचे उत्पादन करुन चांगली विक्री व्यवस्था निर्माण करणे व एकंदरीत उत्पादन व उत्पन्नात भर घालून जिवनमान उंचावणे हे अभिप्रेत आहेत.
उप विभागीय कृषि अधिकारी वर्धा, संतोष डाबरे व तालुका कृषि अधिकारी येवले यांनी वाहनाला हिरवी झोंडी दाखवून प्रशिक्षणार्थिंना निरोप दिला आहे. असे उपविभागीय कृषि अधिकारी वर्धा कळवितात.
No comments:
Post a Comment