वर्धा,दि.25-भारताच्‍या संविधानाबाबत जनजागृती व्‍हावी यादृष्‍टीने विविध कार्यक्रमाचे आयोजन शाळा, महाविद्यालयामध्‍ये करण्‍यात येणार आहे. संविधान दिवस विविध उपक्रमांनी साजरा करण्‍यासाठी भारतीय संविधानाच्‍या प्रास्‍ताविकेचे होर्डिंग शासकिय कार्यालयाच्‍या परिसरात दर्शनी भागात लावायचे आहे. लोकांना त्‍यांच्‍या मुलभूत हक्‍काची जाणीव संविधानामुळे प्राप्‍त झाली असून, 26 नोव्‍हेंबर हा दिवस संविधान दिन म्‍हणून सजरा करण्‍यात येणार आहे.
भारतीय संविधानाबाबत समाजात जागृती निर्माण व्‍हावी या उद्देशाने महाविद्यालय व शासकिय वसतिगृहातील विद्यार्थी व विद्यार्थीनींसह उद्देशपत्रिकेचे वाचन डॉ. बाबासाहेब आंबेडकर पुतळ्याजवळ सकाळी 9 वाजता करण्‍यात येणार आहे. वर्धा जिल्‍ह्यातील सर्व शाळा व महाविद्यालयामध्‍ये उद्देशपत्रिकेचे वाचन आपल्‍या शाळा,महाविद्यालयामध्‍ये करावे, असे आवाहन विशेष जिल्‍हा समाज कल्याण अधिकारी किशोर भोयर यांनी केले आहे.
0000
No comments:
Post a Comment