वर्धा, दि.21- सर्व राज्य शासकीय कर्मचा-यांच्या सन 2010-11 या वर्षाच्या भविष्य निर्वाह निधीच्या पावत्या प्रधान लेखाकार कार्यालयातर्फे वेबसाईटवर अपलोड करण्यात आल्या आहेत.
कर्मचारी किंवा आहरण व संवितरण अधिकारी वर्गणीदाराचा जन्मदिनांक, GPF Series आणि खाते क्रमांक नोंदवून भविष्य निर्वाह निधी खात्याबाबतची माहिती वेबसाईटवर पाहू शकतात.
ही माहिती पुढील वर्षाच्या जमा रकमा अपलोड होईपर्यंत संपूर्ण वर्षभर पाहता येईल. सक्षम प्राधिका-यांनी वर्गणीदारास भविष्य निर्वाह निधी खात्यातून अग्रिम मंजूर करताना कर्मचा-यांच्या वैयक्तिक खात्यातील जमा रक्कम पाहता येईल. जर एखाद्या कर्मचा-यास भविष्य निर्वाह निधीची वार्षिक स्लीप प्राप्त झाली नसेल तर, अशा कर्मचा-यास वरील वेबसाईटवरुन त्याची प्रत घेण्याची सुविधा उपलब्ध आहे.
http://agmaha.cag.gov.in या वेबसाईटवर उपरोक्त माहिती उपलब्ध असून सर्व आहरण व संवितरण अधिकारी व सर्व वर्गणीदारांनी या सुविधेचा लाभ घ्यावा.
सदर शासन परिपत्रक महाराष्ट्र शासनाच्या www.maharashtra.gov.in या वेबसाईटवर उपलब्ध करण्यात आला असून त्याचा संगणक सांकेतांक 20111130153621001 असा आहे. हा शासन निर्णय सामान्य प्रशासन विभागाचे उपसचिव पां.जो. जाधवयांच्या स्वाक्षरीने निर्गमित झाला आहे.
No comments:
Post a Comment