पशुधनाची अचुक मोजणी करा - शेखर चन्‍ने

• * 19 व्‍या पशुगणनेची 15 सप्‍टेंबर पासून सुरुवात 
• * जिल्‍ह्यात 3 लक्ष 6 हजार 887 पशुधन
• * 202 प्रगणक व 44 पर्यवेक्षकांची नियुक्‍ती 

वर्धा, दि. 3 - 19 व्‍या पशुगणनेला जिल्‍ह्यात 15 सप्‍टेंबर पासून सुरुवात होत असून जिल्‍ह्यातील पशुधनाची अचूक मोजणी करण्‍यासाठी ग्रामीण व शहरी भागात योग्‍य नियोजन करा अश्‍या सुचना जिल्‍हाधिकारी शेखर चन्‍ने यांनी आज अधिका-यांना दिल्‍यात.
जिल्‍हाधिकारी कार्यालयाच्‍या सभागृहात पशुगणने संदर्भात नियोजन करण्‍यासाठी जिल्‍हाधिका-यांच्‍या अध्‍यक्षतेखाली वरिष्‍ठ अधिका-यांची बैठक आयेाजीत करण्‍यात आली होती. त्‍याप्रसंगी मार्गदर्शन करताना श्री. चन्‍ने बोलत होते.
राज्‍यात पशुगणनेसाठी शासनाने 15 ऑक्‍टोंबर हा संदर्भ दिवस धरुन 15 सप्‍टेंबर ते 15 ऑक्‍टोंबर पर्यंत जिल्‍हृयातील पशुगणनेची पंचवार्षिक नोंदणी करण्‍यात येणार असल्‍याचे सांगताना शेखर चन्‍ने म्‍हणाले की पशुधन, कुक्‍कुटादी पक्षी आणि पशुधन क्षेत्रासाठी वापरली जाणा-या उपकरणांची गणना करण्‍यात येणार आहे. पशुगणनेसाठी ग्रामीण स्‍तरावर पशुसंवर्धन विकास विभागातर्फे तर नगर परिषदेच्‍या क्षेत्रात मुख्‍याधिकारी यांच्‍या मार्फत ही गणना होणार आहे.
 जिल्‍ह्यात मागील पशुगणनेनुसार 3 लक्ष 6 हजार 877 पशुधन असून, यामध्‍ये ग्रामीण भागात 2 लाख 35 हजार 625 तर नगर परिषद क्षेत्रात 71 हजार 252 पशुधनाची नोंदणी करण्‍यात आली होती. जिल्‍ह्यात पशुगणनेसाठी 1 हजार 500 कुटूंब संख्‍येच्‍या आधारे एका प्रगणकाची नियुक्‍ती करण्‍यात येणार असून, यामध्‍ये 155 ग्रामीण तर 47 नगर पालीका क्षेत्रात असे 202 प्रगणकाची नियुक्‍ती करण्‍यात येणार आहे. पशुगणनेसाठी त्‍यांना प्रशिक्षणही देण्‍यात येणार असलयाची माहिती यावेळी जिल्‍हाधिका-यांनी दिली.
          पशुगणनेच्‍या कामात प्रगणकावर नियंत्रणासाठी 44 पर्यवेक्षकांची नियुक्‍तीही करण्‍यात येणार आहे. पशुगणनेमध्‍ये जिल्‍ह्यातील पशुधन सुटणार नाही याची दक्षता घेण्‍याची सुचनाही यावेळी जिल्‍हाधिकारी शेखर चन्‍ने यांनी केली.
           प्रारंभी जिल्‍हा पशुधन उपायुक्‍त डॉ. जी.के. उराडे यांनी 19 व्‍या पशुगणनेची तसेच यासाठी प्रशिक्षण प्रणगणकाची नेमणुका प्रत्‍यक्ष पशुगणना तसेच ग्रामपंचायत गट व नगर परिषदा स्‍तरावर वर्धा, सिंदी, हिंगणघाट, पुलगाव, देवळी व आर्वी आदी स्‍तरावर सुरु केलेल्‍या उपाययोजनांची माहिती दिली. पशुगणनेसाठी मोठ्या शहरामध्‍ये पिंपरी, सिंदी, वरुड, मासला, नालवाडी, बोरगाव मेघे, सावंगी मेघे या सात ठिकाणी अतिरीक्‍त प्रगणकाच्‍या नियुक्‍ती संदर्भातही बैठकीत माहिती दिली.
पशुगणनेसाठी जिल्‍हास्‍तरावर जिल्‍हाधिकारी यांच्‍या अध्‍यक्षतेसाठी संनियंत्रण समिती गठीत करण्‍यात आली असून यामध्‍ये मुख्‍य कार्यपालन अधिकारी, नगर परिष्‍दांचे मुख्‍याधिकारी, जिल्‍हा माहिती अधिकारी, जिल्‍हा सांख्यिकी अधिकारी, जिल्‍हा पशुसंवर्धन अधिकारी हे सदस्‍य तर जिल्‍हा पशुसंवर्धन उपसंचालक हे सदस्‍य सचिव म्‍हणून यांचा समावेश राहणार आहे.
यावेळी पशुसंवर्धन विभागाचे सहाय्यक आयुक्‍त डॉ. व्हि.एन. ढगे, जिल्‍हा सांख्यिकी अधिकारी अ.द.गोतमारे, पशुधन विकास अधिकारी डॉ. पी.आर.वानखेडे, पुलगाव नगर परिषदेचे मुख्‍य कार्यपालन अधिकारी एस.डी. टाकरखेडे, हिंगणघाटचे खोब्रागडे आदि अधिकारी यावेळी उपस्थित होते.