वर्धा, दि. 18- राष्ट्रीय अन्न सुरक्षा अभियान अंतर्गत कडधान्य उत्पादन कार्यक्रमाची पाहणी करण्याकरीता (दि. 14 रोजी) नुकतीच केंद्रीय चमुनी वर्धा जिल्ह्यातील वर्धा व देवळी तालुक्यांना भेट दिली.
केंद्रीय चमुमध्ये सहाय्यक आयुक्त (राअसुअ) चे वाय.सी.बारापात्रे , वरीष्ठ तांत्रीक सहाय्यक भुपेद्रसिंह यांनी वर्धा तालुक्यातील आष्टा येथे हरभरा लघु प्रकल्पाची पाहणी केली. भेटी दरम्यान शेतक-यांशी चर्चा करुन पिक प्रात्यक्षिके, एच.डी.पी.ई.पाईप व इलेक्ट्रीक मोटरपंप इ. पाहणी केली. यावेळी जिल्हा अधिक्षक कृषी अधिकारी भाऊसाहेब ब-हाटे, उपविभागीय कृषी अधिकारी संतोष डाबरे आदी उपस्थित होते.
गतिमान कडधान्य उत्पादन कार्यक्रम अंतर्गत देवळी तालुक्यात मौजा रत्नापुर येथे निसार कदीर अली यांचे शेतातील हरभरा या वाणाचे प्रात्यक्षिक प्लॉटची पाहणी केली तसेच प्रत्यक्ष शेतावर उपस्थित शेतक-यांशी शेतीशाळा, फेरोमन सापळे, जैविक किटकनाशके, पक्षी थांबे इ. माहिती घेतली.
No comments:
Post a Comment