वर्धा, दि.13- जिल्ह्यातील सर्व शिधापत्रिका धारकांचे सार्वजनिक वितरण व्यवस्थेअंतर्गत संपुर्ण यंत्रणेची संगणीकृत आज्ञावली तयार करण्याची कार्यवाही सुरु असून, सर्व गॅस एजन्सीमध्ये गॅस स्टँपींगचे काम प्रगती पथावर आहे.
सर्व जनतेस जाहिर आवाहन करण्यात येते की, त्यांनी आपल्या शिधापत्रिका संबंधित गॅस एजन्सीमध्ये जावून शिधापत्रिकेवर एक किंवा दोन गॅस सिलेंडरची नोंद करुन घ्यावी. तसेच ज्यांचेकडे शिधापत्रिका नाही त्यांनी विहित नमुन्यातील बंधपत्र संबंधित गॅस एजन्सीमध्ये जमा करुन आपला दुरध्वनी क्रमांक वा भ्रमणध्वनी क्रमांक नोंद करुन घ्यावा.
ज्या गॅस धारकांनी आपल्याकडील गॅसची नोंद शिधापत्रिकेवर वा बंधपत्रावर घेतली नसेल अशा गॅस धारकांना त्यांचेकडील रिकामे झालेले सिलेंडर भरुन मिळणार नाही. याची सर्वांनी नोंद घ्यावी. असे आवाहन जिल्हा पुरवठा अधिकारी वर्धा यांनी केले आहे.
00000
No comments:
Post a Comment