वर्धा,दि.12–महाराष्ट्र राज्य साहित्य व संस्कृती मंडळ आणि जिल्हा माहिती कार्यालय,जिल्हा शासकिय ग्रंथालय व विदर्भ साहित्य संघ यांच्या संयुक्त विद्यमाने वर्धेत तीन दिवसीय ग्रंथोत्सवाला मंगलमय वातावरणात प्रारंभ झाला.पालखीमध्ये भारतीय संविधान व ग्रामगिताचे ग्रंथ ठेवण्यात आले होते.
या ग्रंथोत्सवा निमित्ताने शासकिय ग्रंथालयापासून ग्रंथदिंडी काढण्यात आली. या दिंडिचे विधीवत पुजा व हार अर्पन अप्पर जिल्हाधिकारी संजय भागवत व निवासी उपजिल्हाधिकारी राजेश खवले यांचे हस्ते करण्यात आले.
प्राचार्य पद्माकर बाविस्कर व प्रदिप दाते यांच्या संयोजनाने काढण्यात आलेल्या ग्रंथदिंडीमध्ये जिल्हा माहिती अधिकारी प्रशांत दैठणकर, शासकिय जिल्हा ग्रंथपाल सुरज मडावी व विदर्भ साहित्य संघाचे अध्यक्ष संजय इंगळे तिगांवकर,डि.एड.चे प्रा. रविंद्र रमतकर, प्रा.शेख हाशम, बाळकृष्ण हांडे,प्रा.हर्षबोधी आदी मान्यवर सहभागी झाले होते.
शासकीय ग्रंथालया पासून काढण्यात आलेली ही ग्रंथदिंडी बजाज चौक, बडे चौक व ठाकरे मार्केट या मार्गावरुन मार्गस्थ होऊन न्यु इंग्लिश विद्यालयाच्या प्रांगणात नेण्यात आली. या दिंडीमध्ये रेणूका माता व दुर्गामाता भजणी मंडळ, राष्ट्रसंत तुकडोजी कनिष्ठ महाविद्यालयाचे विद्यार्थी, महात्मा गांधी कनिष्ठ महाविद्यालय व डि.एड. प्रशिक्षणाचे विद्यार्थी तसेच शिक्षक व कर्मचारीवृंद मोठ्या संख्येने सहभागी झाले होते.
00000
No comments:
Post a Comment