महाराष्ट्र शासन
प्रसिध्दी पत्रक जिल्हा माहिती कार्यालय,वर्धा दि.17 सप्टेंबर 2011
------------------------------------------------------------------------------
वर्धा,दि.17-महाविद्यालयात शिकणा-या मागासवर्गीय विद्यार्थ्यांना भारत सरकार शिष्यवृत्तीचा पुर्ण लाभ मिळावा याकरीता ऑनलाईन प्रक्रियेव्दारे अर्ज भरण्याची कार्यवाही संपूर्ण महाराष्ट्रात सुरु करण्यात आली आहे.विशेष जिल्हा समाज कल्याण अधिकारी, वर्धा यांचे कार्यालयाचे सभागृहात दि. 19 सप्टेंबर 2011 रोजी सकाळी 11.30 वाजता मॅस्टेक कंपनीचे प्रतिनिधि आणि विभागीय समाज कल्याण अधिकारी, नागपूर सदर योजनेबाबत मार्गदर्शन करणार आहेत.
दि.19 सप्टेंबर 2011 रोजी होणा-या शिबीरात वर्धा जिल्ह्यातील सर्व महाविद्यालयातील संबंधीत प्राचार्य तसेच त्यांचे प्रतिनिधी यांनी ई-स्कॉलरशिप ऑन लाईन अर्ज भरण्यासाठी विहित पध्दतीबद्दल शंका-समाधान करुन घ्यावे.
भारत सरकार मॅट्रीकोत्तर शिष्यवृत्तीचे अर्ज विद्यार्थ्यांनी ऑनलाईन भरल्याशिवाय विद्यार्थ्यांना शिष्यवृत्ती देय राहणार नाही. त्याची जबाबदारी विद्यार्थ्यांची व महाविद्यालयाची राहील. अर्ज भरण्याची कार्यवाही दि. 15 ऑक्टोंबर 2011 पावेतो पूर्ण करण्यात यावी. असे आवाहन विशेष जिल्हा समाज कल्याण अधिकारी, वर्धा यांनी केले आहे.
000000
No comments:
Post a Comment