प.क्र- 405 दि.4.06.2021
लॉटरी पध्दतीने निवड झालेल्या शेतक-यांनी बियाण्याची उचल करावी
वर्धा ,दि
4 जून :- महाडीबीटी पोर्टलवर ज्या शेतक-यांनी प्रमाणित बियाणे वितरणाकरीता अर्ज सादर केला आहे. तसेच ज्या शेतक-यांची ऑनलाईन पध्दतीने
लॉटरी मध्ये निवड झाली आहे अशा शेतक-यांनी सबंधित तालुका
कृषि अधिकारी कार्यालयाकडून परमिट प्राप्त करुन महाबीज बियाण्याची पुरवठादार संस्थेच्या वितरकाकडून बियाण्याची उचल करुन
घ्यावी असे आवाहन जिल्हा अधिक्षक कृषि अधिकारी अनिल इंगळे यांनी केले आहे.
तसेच
महाडीबीटी पोर्टलवर अर्ज सादर केलेल्या व प्रतिक्षा यादीत असलेल्या
शेतक-यांनी संबधित तालुका कृषि अधिकारी कार्यालयाशी संपर्क साधून तूर व सोयाबिन
पिकाच्या लक्षांकानुसार उपलब्ध बियाण्याचे परमिट प्राप्त करुन घ्यावे . याकरीता अर्जाची प्रत व 7/12 अ सोबत घेऊन जावे.
प्रमाणित
बियाणे वितरणाकरीता राष्ट्रीय अन्न सुरक्षा अभियान कडधान्य सन 2021-22 योजने अंतर्गत
खरीप हंगामाकरीता तुर पिकाकरिता 10 वर्षाच्या वरील वाणास 2 हजार 500 रुपये प्रति क्विंटल व 10 वर्षाच्या
वरील वाणास 5 हजार रुपये प्रति क्विंटल प्रमाणे
अनुदान लागू राहिल. गळीतधान्य अंतर्गत 10 ते 15 वर्षाच्या आतील सोयाबीन बियाण्यास 1 हजार
200 रुपये प्रति क्विंटल अनुदान लागू असणार आहे. असे कृषि विभागाने कळविले आहे.
No comments:
Post a Comment