कर्करोग जनजागृती सप्ताहाला
सुरूवात
तपासणी शिबिरांचा लाभ घेण्याचे
आवाहन
वर्धा, दि. 5 – राष्ट्रीय असंसर्गजन्य रोग नियंत्रण
कार्यक्रमांतर्गत जिल्हा सामान्य रुग्णालयात कर्करोग जनजागृती सप्ताहाचे आयोजन
करण्यात आले आहे. जिल्हा, उपजिल्हा ,
ग्रामीण रुग्णालयात तपासणी शिबिराचे आयोजन करण्यात आले आहेत.
शिबिराचा गरजू रुग्णांनी लाभ घेण्याचे आवाहन जिल्हा शल्य चिकित्सक
डॉ. पी. डी. मडावी
यांनी केले आहे.
जागतिक कर्करोग जनजागृती सप्ताहाचे उद्घाटन आज जिल्हा शल्य चिकित्सक डॉ.
पुरुषोत्तम मडावी, अति. जिल्हा शल्य चिकित्सक डॉ. एन.बी.राठोड, जिल्हा आरोग्य
अधिकारी डॉ. दुर्योधन चव्हाण यांच्या हस्ते करण्यात आले. या कार्यक्रमात जिल्हा
कार्यक्रम अधिकारी डॉ. गोपाल लांडगे, डॉ. एच.बी. खुबनानी, डॉ. मिना हिवलेकर, डॉ.
भावना भोयर व जिल्हा रुग्णालय येथील कर्मचारी उपस्थित होते. तपासणी शिबिर 11
फेब्रुवारीपर्यंत राबविण्यात येणार आहे.
रुग्णालय परिसरात तंबाखूजन्य
पदार्थाचे सेवन करणार नाही व इतराना करु देणार नाही याची शपथ जिल्हा शल्य चिकित्सक
यांच्या उपस्थितीत सर्वांनी घेतली. कर्करोगाची 147 रुग्णांची तपासणी
करण्यात आली तसेच एकूण व्हीआए तपासणी 27,
संशयित गर्भाशय कर्करोग रुग्ण 3, संशयित स्तन कर्करोग रुग्ण 1, संशयित तोंडाचा
कर्करोग रुग्णाची तपासणी करण्यात आली.
तपासणी शिबिरामध्ये कर्करोगाविषयी
समुपदेशन, 30 वर्षावरील व्यक्तीना कर्करोगाविषयी माहिती, कर्करोगाची कारणे, त्यामुळे
होणा-या गुंतागुंती या बद्दल लोकांना शास्त्रीय माहितीच्या आधारे मार्गदर्शन
करण्यात येतआहे. जिल्ह्यातील विविध
आरोग्य संस्थांतर्गत जनजगृती शिबिर, धुम्रपान विरोधी दिनानिमित्त, गरोदर मातांसाठी
रक्तदाब तपासणी आदी शिबिरे आयोजित करण्यात येणार आहे. सदर शिबिरादरम्यान त्यांना
रक्तदाबाविषयी माहिती देण्यात येणार
आहे. आरोग्यदायक सवयी, आरोग्य जीवन जगण्याबाबतची माहिती देण्यात येणार आहे. परिपूर्ण
व आरोग्यदायी आहाराविषयी माहिती देण्यात येणार आहे. शिबिरादरम्यान निश्चित
झालेल्या रुगणांना मोफत औषधोपचार देण्यात येणार आहे. शिबिरादरम्यान निश्चित
निदान झालेल्या रुग्णांना गुंतागुंत आढळल्यास त्यांना योग्य त्या वैद्यकीय
तपसण्याकरुन आवश्यकता असल्यास संदर्भित करण्यात येणार आहे.
एनसीडी कार्यक्रमांतर्गत जिल्हा
सामान्य रुग्णालयात रुग्णालयाची
मोफत वैद्यकीय तपासणी, वेगवेगळ्या विषयावर मोफत समुपदेशन, रुग्णांची निर्मिती
क्षमता घडवून आणण्यासाठी प्रयत्न करणे, गृहभेटीद्वारा रुग्णांना वेळोवेळी मदत व
मार्गदर्शन करणे, संदर्भ सेवा देणे, समुपदेशनाच्या माध्यमातून त्यांना
आरोगयदायी पर्याय स्वीकारण्यास सूचविणे, काय खावे- किती खावे याचे महत्त्व
समजावून सांगणे, तंबाखू,मद्यपान,अहितकारी,
आहार यांच्याविरुद्ध समुदायाला एकत्र आणणे. घरातच असणा-या, बिछान्याला
खिळलेल्या वयस्कर व्यक्तीसांठी दक्षता आणि निगा पुरवण्यासाठी स्थानिक भेटी,
आरोग्यदायी अवस्थेत वृद्धावस्थेशी निगडीत आरोग्य शिक्षण, उच्च जोखमी असलेल्या
व्यक्तिंना वैद्यकीय अधिकारी यांच्याकडे किंवा रुग्णालयामध्ये पाठविण्यासाठी
आधार देणे या सुविधा देण्यात येतात, असेही सामान्य रुग्णालयाच्या जिल्हा
शल्यचिकित्सकांनी यावेळी सांगितले.
0000000
No comments:
Post a Comment