प्रामाणिकपणे रुग्णांची सेवा करण्याचे व्रत अंगीकारा
- रामदास
तडस
Ø इपिलेप्सी शिबिराचे जिल्हा
सामान्य रुग्णालयात उद्घाटन
वर्धा,दि.4- वैद्यकीय सेवा देताना
सर्वप्रथम रुग्णसेवा ही ईश्वर सेवा आहे, लक्षात घेणे महत्त्वाचे आहे. त्यामुळे
रुग्णांची सेवा प्रामाणिकपणे करुन हे व्रत अंगीकारावे, असे आवाहन खासदार रामदास
तडस यांनी केले. जिल्हा सामान्य रुग्णालयात
राष्ट्रीय आरोग्य अभियानांतर्गत मुंबईच्या इपिलेप्सी फाऊंडेशनच्या संयुक्त
विद्यमाने इपिलेप्सी शिबिर पार पडले. यावेळी
उद्घाटक या नात्याने ते बोलत होते.
शिबिराचे उद्घाटन खासदार रामदास तडस
यांच्याहस्ते झाले. कार्यक्रमाला आरोग्य विभागाचे सभापती मिलिंद भेंडे, नगराध्यक्ष
त्रिवेणी कुत्तरमारे, आरोग्य विभागाचे नागपूर मंडळाचे उपसंचालक डॉ. संजय जायस्वाल,
जिल्हा शल्य चिकित्सक डॉ. पुरुषोत्तम मडावी, जिल्हा आरोग्य अधिकारी डॉ.
दुर्योधन चव्हाण, अतिरिक्त जिल्हा शल्य चिकित्सक डॉ. निवृत्ती राठोड,
अस्थिरोग तज्ज्ञ डॉ. अनुपम हिवलेकर, विभाग प्रकल्प व्यवस्थापक डॉ. मनीष नंदनवार,
एनएचएम व इपिलेप्सी फाऊंडेशनचे डॉ. सूर्या उपस्थित होते.
डॉ. सुर्या यांनी इपिलेप्सी विषयी
सविस्तर माहिती दिली. रुग्णांना मिरगी आल्यास बुवाबाजी न करता डॉक्टरांचा सल्ला
घेण्याचे आवाहन केले. आरोग्य सभापती श्री. भेंडे यांनी इपिलेप्सी कॅम्प आयोजित
केल्याबद्दल आरोग्य विभागाचे आभार मानले. डॉ. पुरुषोत्तम मडावी यांनी सामान्य रुगणालयात
असलेल्या सर्व विभागाची माहिती दिली. जननी सुरक्षा योजना अर्श आयुष्य , एनआरसी
ट्रामा केअर युनिट, डायलिसीस युनिट, क्ष किरण विभाग याविषयी देखील त्यांनी माहिती
दिली. सोबत शेतकरी आत्महत्या रोखण्यासाठी प्रेरणा प्रकल्प राबविण्यात येत
असून आतापर्यत 3455 शेतक-याना बाह्यरुग्ण विभागामध्ये तर 41 रुग्णांना आंतररुग्ण
विभागामध्ये सेवा देण्यात आल्याचे प्रास्ताविकात सांगितले. कार्यक्रमाच्या
यशस्वीतेकरीता रुग्णालयातील सर्व वैद्यकीय अधिकारी, जिल्हा आरोग्य अधिकारी
कार्यालयातील कर्मचारी वृंद तसेच एनसीसी
कॅडेट, परिचारिका प्रशिक्षण विद्यालयातील विद्यार्थिंनी यांचे सहकार्य लाभले.
संचालक मॅसन यांनी केले. आभार डॉ. निवृत्ती राठोड यांनी मानले.
शिबिरात एकूण 402 रुग्णांना
मुंबईच्या डॉक्टरांचा सल्ला व उपचार देण्यात आला. यामध्ये 145 पुरुष, 69 स्त्री,
112 लहान मुले, 76 लहान मुलींची तपासणी करण्यात आली. 45 जणांची इसीजी व 17 रुग्णांचे
सीटीस्कॅन करण्यात आले. या शिबिरात वर्धा, चंद्रपूर, यवतमाळ, नागपूर, अमरावती येथील रुग्णांची तपासणी करण्यात आली.
000000
>
No comments:
Post a Comment