सार्वजनिक ग्रंथालयाच्या अर्थ साहाय्य
योजनांसाठी संकेतस्थळावर
माहिती उपलब्ध
Ø प्रस्ताव 25 फेब्रुवारीपर्यंत
सादर करण्याचे आवाहन
वर्धा,
दि.08– भारत सरकारच्या सांस्कृतिक कार्य विभागांतर्गत राजा राममोहन रॉय ग्रंथालय
प्रतिष्ठान, कोलकाता अंतर्गत शासनमान्य सार्वजनिक ग्रंथालयांसाठी कार्यान्वित
असलेल्या अर्थसाहाय्याच्या समान निधी व असमान निधी योजनांमधून ग्रंथालय
संचालनालय, मुंबई यांच्यामार्फत दरवर्षी अर्थसाहाय्य देण्यात येते. या योजनांसाठीचे नियम, अटी व अर्जाचा नमुना www.rrrlf.gov.in या प्रतिष्ठानच्या
संकेतस्थळावर उपलब्ध आहे. इच्छुक ग्रंथालयांनी समाननिधी, असमाननिधी योजनेसाठी विहित पद्धतीत आवश्यक कागदपत्रांसह
इंग्रजी, हिंदी भाषेमधील प्रस्ताव तीन प्रतीत जिल्हा ग्रंथालय अधिकारी
कार्यालयास दिनांक 25 फेब्रुवारीपर्यंत पोहचतील, अशा बेताने पाठवावेत, असे आवाहन, ग्रंथालय संचालक किरण गं. धांडोरे यांनी केले आहे.
राज्य शासनाच्या 50 टक्के व प्रतिष्ठानच्या
50 टक्के अर्थसहाय्यामधून असणा-या समान निधी योजनेंतर्गत परिसंवाद, चर्चासत्रे व
कार्यशाळा प्रशिक्षण वर्गाचे आयोजन व ग्रंथप्रदर्शने व वाचनसंस्कृती रुजविण्यासाठीचे
उपक्रमासाठी, सार्वजनिक ग्रंथालयांना
इमारत विस्तार, बांधणीसाठी, फिरते ग्रंथालयांसाठी अर्थसहाय्य देण्यात येते. तर असमान
निधी योजनेंतर्गत ग्रंथालय सेवा देणा-या स्वयंसेवी संस्थांना ग्रंथ, साधन
साम्रगी, फर्निचर, इमारत बांधकाम व इमारत विस्तार यासाठी अर्थ साहाय्य , सार्वजनिक
ग्रंथालयातील बाल, महिला, जेष्ठ नागरिक, नव साक्षर, स्वतंत्र स्पर्धा परीक्षा
विभाग आदी साठी अर्थसहाय्य , प्रतिष्ठानच्या साहाय्याने बाल विभाग स्थापन करण्यासाठी
सार्वजनिक ग्रंथालयांना अर्थसाहाय्य, महोत्सवी
वर्ष जसे 50, 60, 75, 100, 125 आणि 150 वे वर्ष साजरे करण्यासाठी अर्थसाहाय्य, शारीरिकदृष्ट्या
विकलांग व्यक्तीसाठी विभाग स्थापन करण्यासाठी ग्रंथालयांना अर्थसाहाय्य देण्यात
येते.
याबाबत
अधिक माहितीसाठी प्रतिष्ठानच्या संकेतस्थळावर, जिल्हा ग्रंथालय अधिकारी कार्यालयाशी
संपर्क साधावा, असेही त्यांनी कळविले आहे.
000000
No comments:
Post a Comment