Friday 24 August 2012

सोशालिस्‍ट चौकात वाहतुकीस अडथडा अधिसुचना जारी


  
वर्धा, दि. 24 – सोशालीस्‍ट चौक हा बजाज चौक ते नागपूरकडे जाणारा मुख्‍य रस्‍ता असल्‍याने त्‍या ठिकाणी वाहतुकीची कोंडी होऊ नये  व रहदारीस कुठल्‍याही प्रकारचा अडथडा होऊ नये म्‍हणून  वाहतुकीचे  सुनियोजीत रीतीने  नियमन करण्‍याकरीता  मुंबई पोलीस अधिनियम 1951 चे कलम 33 (1) (ब) अन्‍वये  जिल्‍हा पोलीस अधिक्षक अविनाशकुमार यांनी आज अधिसुचना जारी केली आहे. या अधिसुचनेची अंमलबजावनी दिनांक 1 सप्‍टेंबर 2012 पासून अंमलात येणार आहे.  
 सोशालिस्‍ट चौक येथे कामगारांच्‍या उभे राहणा-या वाहतुकीस अडथडा निर्माण होत असल्‍याने  ते यापुढे भाजी मार्केट (बजाज चौक) च्‍या पाठीमागे रोडवर, वर्धा अर्बन बँकेच्‍या समोरील रोडवर , शास्‍त्री चौक ते पँथर चैाक ते जयभीम चौक कडे जाणा-या राष्‍ट्रभाषा रोडवर उभे राहू शकतात.
          जिल्‍हा पोलीस अधिक्षक अविनाशकुमार यांनी  आज जारी केलेल्‍या  अधिसूचनेची अंमलबजावनी  दिनांक 1 सप्‍टेंबर 2012  पासून करण्‍यात येत असून, या आदेशाचे उल्‍लंघन केल्‍यास कायदेशिर कारवाई करण्‍यात येईल. असेही या अधिसुचनेत स्‍पष्‍ट केले आहे.
                                                0000000       

No comments:

Post a Comment