पणन महासंघामार्फत प्रतीचे
सोयाबिन खरेदी सुरु
वर्धा, दि 31 (जिमाका) पणन महासंघामार्फत प्रतीचे सोयाबिन खरेदी
आधारभूत दराने सुरु करण्यात आली आहे. शेतक-यांनी या योजनेचा लाभ घ्यावा, असे आवाहन
जिल्हा उपनिबंधक सहकारी संस्था अजय कडू यांनी केले आहे.
जिल्हयात आर्वी, कारंजा, पुलगाव, देवळी, वर्धा,
हिंगणघाट, समुद्रपूर, सिंदी व सेलू येथे सोयाबिन खरेदी केंद्र सुरु करण्यात आले
आहे. यासाठी शेतक-यांनी त्यांच्या जवळच्या खरेदी केंद्रावर किंवा कृषि उत्पन्न
बाजार समिती मध्ये जाऊन ऑनलाईन नोंदणी करावी.
नोंदणी करण्यासाठी शेतक-यांनी 7/12 उतारा, आधार कार्ड व बँकेच्या पहिल्या
पानाची झेरॉक्स सोबत असणे आवश्यक आहे. खरेदी केंद्रावर केंद्र शासनाने निश्चित केलेल्या वैशिष्टया प्रमाणे एफएक्यु
प्रतीचे सोयाबिन आणावे. मालाची चाळणी करुन पुर्णपणे वाळवून ज्यामध्ये आर्द्रता
(ओलावा) 12 टक्के पर्यंत असेल, असाच माल खरेदी केंद्रावर आणावा. शेतक-यांना शेतमाल
खरेदीचा दिनांक व वेळ एस.एम.एस. व्दारे कळविण्यात येईल, जेणे करुन त्यांना
प्रतिक्षा करावी लागणार नाही. शेतमाल खरेदी केल्यानंतर शेतक-यांच्या बँक खात्यात एक आठवडयाच्या आत थेट
रक्कम जमा करण्यात करण्यात येईल, असे जिल्हा उपनिबंधक सहकारी संस्था यांनी कळविले
आहे.
No comments:
Post a Comment