फोन करा झाडे लावा

                महाराष्ट्र शासन

प्र.प.क्र.307  जिल्हा माहिती कार्यालय,वर्धा   दि.6 जुलै 2011 

----------------------------------------------------------------------------

    फोन करा झाडे लावा

     वर्धा,दि,6- दि. 5 जून ते 15 जुलै या वनमहोत्सव कालावधीमध्ये आपल्या शहरात मोठ्या प्रमाणावर वृक्ष लागवड कार्यक्रम राबविण्याचे काम सामाजिक वनीकरण विभागाने, राष्ट्रीय हरीत सेनेच्या शिक्षण विद्यार्थ्यांमार्फत राबविण्याचे योजिले आहे.

     या कार्यक्रमा अंतर्गत आपण फक्त दुरध्वनी संपर्क करुन लागवड करावयाच्या पाच वृक्षाची नावे संपर्क साधण्यास सक्षम अशा व्यक्तीचे मार्फत नोंदवू शकतात. मागणी नोंदवीतांना आपले नांव,राहण्याचा पत्ता, दूरध्वनी क्रमांक असवश्यक असून पाच वृक्षांची नांवे संबंधीत राष्ट्रीय हरीत सेनेचे शिक्षक व स्वयंसेवक अथवा लागवड अधिकारी वर्धा यांना कळवावे.नोंदविलेल्या यादीचा प्रभाग निहाय विभागणी करुन आपली रोपे आपल्या परिसरातील राष्ट्रीय हरीत सेनेचे विद्यार्थ्यांमार्फत घरपोच पाठविण्यात येईल.करतील.

     तत्पूर्वी आपण आपल्या लागवड क्षेत्रात 4 मीटर अंतरावर 30x30x30 से.मी. किलो आकारमानाचे खड्डे खोदुन त्यात भरण्यासाठी सुपीक माती,शेनखत अथवा गांढूळ खत 1/2 किलो प्रती खड्डा अथवा रासायनिक खते डीएपी 50 ग्रॅम प्रती खड्डा याप्रमाणे पुर्व तयारी करुन ठेवणे आवश्यक आहे.

            लागवड करण्यास सवलतीचे दरात पुढील रोपे उपलब्ध करुन दिली जाते. तसेच आवळा, सिताफळ, जांभुळ, कडूनिंब 5 रु. प्रतीरोप, गुलमोहर, पेलटोफॉर्म, कांचन  10 रु. प्रती रोप उपलब्ध आहेत. सदर कार्यक्रम 10 जुलै ते 31 जुलै पर्यंत कार्यान्वीत राहील.मोठ्या प्रमाणात वृक्ष लागवड करण्यात यावी.आवाहन सामाजिक वनीकरण विभागाचे उपसंचालक पी.एस.पवार यांनी केले आहे.

                         00000