मतदार याद्या प्रसिध्दीची सुचना

महाराष्ट्र शासन

प्र.प.क्र.3०८   * जिल्हा माहिती कार्यालय,वर्धा   दि.७ जुलै 2011 

-----------------------------------------------------------------------

                       मतदार याद्या प्रसिध्दीची सुचना

वर्धा,दि.7- महाराष्ट्र सहकारी संस्था अधिनियम 1960 व महाराष्ट्र विनिर्दीष्ट सहकारी संस्थेच्या समित्यावरील निवडणूक नियम 1971 मधील नियम 4 ते 5 नुसार समुद्रपूर सहकारी शेतकी खरेदी विक्री समिती मर्या. समुद्रपूर ता. समुद्रपूर जि. वर्धा या विनिर्दीष्ट सहकारी संस्थेच्या निवडणूकी करीता मतदारांच्या प्रारुप याद्या तयार करुन दिनांक 12 जुलै 2011 (मंगळवार) रोजी प्रसिध्द करण्यात येतील.

 या मतदार यादीची प्रत तपासणीसाठी जिल्हाधिकारी, वर्धा यांचे कार्यालय (निवडणूक विभाग), जिल्हा उपनिबंधक, सहकारी संस्था, वर्धा यांचे कार्यालय, आणि व्यवस्थापक, समुद्रपूर तहसील सहकारी शेतकी खरेदी विक्री समिती मर्या.समुद्रपूर, ता. समुद्रपूर, जि. वर्धा  या  ठिकाणी उपलब्ध आहे.

मतदार यादीमध्ये जर नावे समाविष्ट करावयाची असतील किंवा नावाबाबत हरकत, आक्षेप घ्यावयाचा असेल किंवा यादीमधील नोंदीबाबत फेरफार  अथवा दुरुस्ती सुचवावयाची असेल तर तसा दावा किंवा आक्षेप जिल्हाधिकारी, वर्धा निवडणूक विभाग यांचेकडे दिनांक 10 ऑगस्ट 2011 (बुधवार) पर्यंत लेखी सादर करावा.

 पोष्टाने पाठवावयाचा असल्यास तसा प्रत्येक दावा किंवा आक्षेप महाराष्ट्र सहकारी संस्थेच्या समित्यावरील निवडणूक नियम 1971 च्या नियम 6 च्या तरतुदीनुसार दिनांक 10 ऑगस्ट 2011 पर्यंत मिळेल अशा रितीने पाठवावा. यानंतर आलेला दावा किंवा आक्षेप विचारात घेतला जाणार नाही याची नोंद घ्यावी. असे जिल्हाधिकारी,वर्धा यांनी कळविले आहे.

                    00000