महाराष्ट्र शासन
प्र.प.क्र.305 जिल्हा माहिती कार्यालय,वर्धा दि.6 जुलै 2011
-----------------------------------------------------------------
कृषीभुषण पुरस्कार प्राप्त डॉ. नंदकिशोर तोटे
यांचा जिल्हाधिका-यांचे हस्ते सत्कार
यावेळी जिल्हा परिषदेचे उपाध्यक्ष सुनिल राऊत, मुख्य कार्यपालन अधिकारी लिना बन्सोड, निवासी उपजिल्हाधिकारी राजेश खवले, जिल्हा कृषि अधिक्षक बि.एस.बराते, सोहम पंड्या, अनिल मेघे आदि मान्यवर उपस्थित होते.
1 जुलै 2011 रोजी महाराष्ट्र शासनाच्या वतीने छत्रपती क्रिडा संकुल पुणे येथे मुख्यमंत्री पृथ्वीराज चव्हाण, उपमुख्यमंत्री अजितदादा पवार व कृषि मंत्री राधाकृष्ण विखे पाटील यांच्या प्रमुख उपस्थितीत कृषिभूषण डॉ. नंदकिशोर तोटे यांचा सपत्निक सत्कार करण्यात आला. मान्यवरांच्या हस्ते त्यांना स्मृती चिन्ह व पुष्पगुच्छ देवून सन्मानित करण्यात आले.
2006 चा कृषिभूषण व 1994 चा शेतीनिष्ठ हे महाराष्ट्र शासनाचे कृषि पुरस्कार प्राप्त डॉ. नंदकिशोर तोटे ह्यांनी पारंपरागत शेतीत बदल घडवून आणण्याचा प्रयत्न केला. अनेक प्रकारचे प्रयोग त्यांनी आपल्या शेतीतून महाराष्ट्र व विदर्भाच्‍या शेतक-यांपर्यंत पोहचविले आहे. प्रगत शेती करण्याकरीता युरोप राष्ट्राचा विदेश दौराही त्यांनी केलेला आहे. ते शेतीनिष्ठ व प्रयोगशिल शेतकरी आहेत.
शेतकरी सुखी व्हावा त्याला त्याच्या घामाचा योग्य मोबदला कसा मिळविता येईल त्याकरीता शेतीच्या विकासासाठी त्यांनी केलेले प्रयोग ह्यांचे मार्गदर्शन टि.व्ही., वर्तमान पत्र व कृषि विभागाच्या मार्गदर्शन शिबिरातून ते नेहमी करीत असतात. व शेतीवर भेट देणा-या शेतक-यांना योग्य माहिती देऊन त्यांचे समाधान करतात.
00000
No comments:
Post a Comment