जिल्हास्तरीय शालेय क्रीडा स्पर्धेचे आयोजन

महाराष्ट्र शासन

प्र.प.क्र.3०9   *         जिल्हा माहिती कार्यालय,वर्धा   दि.७ जुलै 2011 

------------------------------------------------------------------------------------------

      जिल्हास्तरीय शालेय क्रीडा स्पर्धेचे आयोजन

वर्धा, दि. 7- क्रीडा व युवक सेवा संचालनालय,जिल्हा क्रीडा परिषद व जिल्हा क्रीडा अधिकारी कार्यालया मार्फत सन 2011-2012 या सत्रातील शालेय क्रीडा स्पर्धेचे आयोजन तालुका पासून जिल्हास्तरापर्यंत शालेय, ग्रामीण, महिला व केंद्रशासन पुरस्कृत क्रीडा स्पर्धा 27 जुलै 2011 पासुन सुरु होणार आहेत. स्पर्धेचा प्रारंभ सुब्रतो कप फुटबॉल क्रीडा स्पर्धे पासुन होणार आहे.

तालुका निहाय प्रवेश फी भरण्याची अंतिम तारीख व सभा दिनांक पुढील प्रमाणे आहे. वर्धा, देवळी, सेलू तालुक्यासाठी सभा दिनांक 15 जुलै 2011 रोजी असून प्रवेश फी भरण्याची अंतिम  दि. 21 जुलै 2011 आहे. हिंगणघाट, समुद्रपूर तालुक्यासाठी सभा दि. 16 जुलै 2011 रोजी असून प्रवेश फी भरण्याची अंतिम  दि. 22 जुलै 2011 आहे.आर्वी, आष्टी तालुक्यासाठी सभा दि. 18 जुलै 2011 रोजी असून प्रवेश फी भरण्याची अंतिम  दि. 25 जुलै 2011 आहे. कारंजा तालुक्यासाठी सभा दि. 18 जुलै 2011 रोजी प्रवेशफी भरण्याची अंतिम दि. 26 जुलै 2011 आहे.

त्या अनुषंगाने सर्व शाळांनी खालील प्रमाणे तालुका निहाय प्रवेश फी जिल्हा क्रीडा अधिकारी कार्यालय,वर्धा येथे जमा करुन आपला प्रवेश निश्चित करावा. तसेच ज्या शाळांना याबाबत परिपत्रक प्राप्त झाले नसेल त्यांनी कार्यालयाशी संपर्क साधून, आपले परिपत्रक प्राप्त करुन घ्यावे तसेच अधिक माहिती करीता जिल्हा क्रीडा अधिकारी कार्यालय येथे कार्यालयीन कामकाजाचे वेळेत संपर्क साधावा, असे जिल्हा जिल्हा क्रिडा अधिकारी वर्धा यांनी कळविले आहे.

                        000000