रक्षा पेंशन अदालतीसाठीचा

जिल्हा सैनिक कार्यालयात अर्ज उपलब्ध

वर्धा,दि.04– सातारा येथे पीसीडीए (पेंशन) इलाहाबाद यांच्यामार्फत रक्षा पेंशन अदालत एप्रिल 2016 मध्ये आयोजित करण्‍यात आली आहे. त्याकरीता आवश्यक असलेला विहित नमुन्यातील अर्ज जिल्‍हा सैनिक कल्याण कार्यालय, वर्धा येथे उपलब्‍ध आहेत. ज्‍यांना पेंशन संबंधित काही अडचणी असल्‍यास त्‍यांनी कार्यालयीन वेळेत जिल्‍हा सैनिक कल्‍याण अधिकारी फ्ला.ले.धनंजय सदाफळ यांच्याशी संपर्क साधावा, असे आवाहन माजी सैनिक, विधवा, अवलंबिताना करण्यात आले आहे.
माजी सैनिक, विधवा, अवलंबितांना निवृत्‍ती वेतनाबाबत काही समस्‍या असल्यास त्‍यांनी विहित नमुन्यातील अर्जामध्ये आवश्यक कागदपत्रांसह आशिष सेन, पेंशन अदालत अधिकारी, कार्यालय रक्षा लेखा प्रधान नियंत्रक (पेंशन) द्रौपदी घाट, इलाहाबाद यांचेकडे द्वी प्रतीत पाठविणे आवश्‍यक आहे, असेही कळविण्यात आले आहे.  
                                                                         000000

                                  

विधवा महिलांना ऑटोरिक्षा परवाने

वर्धा,दि.04 - आत्महत्याग्रस्त कुटुंबास शासनाकडून तातडीची मदत म्‍हणून 1 लक्ष ऐवढे सानुग्रह अनुदान देण्यात येते. अशा कुटुंबातील कर्ता पुरुष मयत झाल्‍याने परिवारास चरितार्थाचे कायमस्‍वरुपी साधन उपलब्‍ध होण्‍याच्‍या दृष्‍टीने आत्महत्याग्रस्त शेतक-यांच्‍या विधवा महिलांना विशेष बाब म्‍हणून ऑटोरिक्षा परवाने वितरीत  करण्‍याबाबत शासनाने हिंदू-हदय सम्राट शिवसेनाप्रमुख बाळासाहेब ठाकरे निराधार स्‍वावलंबन योजना अंतर्गत परवाने देण्‍यात येणार आहेत. योजनेसाठी पात्र विधवा अर्जदारास ऑटोरिक्षा लायसन्‍स व बॅज असण्‍याच्‍या अटीतून सूट  असल्याचे उप-प्रादेशिक परिवहन अधिकारी विनोद जिचकार यांनी सांगितले आहे.
    इच्‍छुक अर्जदारानी उप प्रादेशिक परिवहन अधिकारी प्रशासकीय इमारत जिल्‍ह‍ाधिकारी कार्यालय परिसर वर्धा येथे ओळखपत्रासह व आवश्‍यक कागदपत्रासह संपर्क करावा, असेही त्यांनी सांगितले आहे.

                                                      00000