ग्रंथोत्सव व सांस्कृतिक महोत्सव 27 जानेवारीपासून
Ø एकाच
ठिकाणी ग्रंथप्रेमींना विविध ग्रंथ होणार उपलब्‍ध
Ø तीन
दिवस साहित्यिक कार्यक्रमांची रेलचेल
Ø दूर्मिळ
ग्रंथाचीही वर्धेकरांना मेजवाणी
वर्धा, दिनांक 13 – मराठी भाषेची गोडी निर्माण व्‍हावी. मराठी
भाषेचे संवर्धन व्‍हावे. ग्रामीण भागातील लोकांसह शहरी लोकांमध्‍ये वाचनाची आवड
निर्माण होऊन वाचन संस्कृती वाढावी, या उद्देशाने ग्रंथोत्‍सवाचे आयोजन दिनांक 27,28
व 29 जानेवारी 2016 रोजी सत्यनारायण बजाज सार्वजनिक वाचनालयात करण्‍यात आले आहे.
अपर जिल्हाधिकारी
राजलक्ष्मी शाह यांच्या दालनात ग्रंथोत्सव 2016 च्या आयोजनाबाबत बैठक पार पडली.
बैठकीस सत्यनारायण बजाज सार्वजनिक वाचनालयाचे गजानन कोटेवार, विदर्भ साहित्य
संघाचे संजय इंगळे तिगावकर, जिल्हा नियोजन अधिकारी प्रकाश डायरे, जिल्हा माहिती
अधिकारी अनिल गडेकर, जिल्हा ग्रंथालय अधिकारी अस्मिता मंडपे यांची उपस्थिती
होती.
मराठी भाषा
विभाग, महाराष्‍ट्र राज्‍य साहित्य आणि संस्कृती मंडळ, ग्रंथालय संचालनालय,
जिल्हा ग्रंथालय अधिकारी कार्यालय यांच्या संयुक्त विद्माने ग्रंथोत्‍सवाचे आयोजन
करण्‍यात आलेले आहे. ग्रंथोत्सव दि. 27 ते 29 जानेवारी या कालावधीत प्रभावी वाचन
माध्यमे, ग्रंथाने मला काय दिले?, वाचन संस्कृती, काव्यवाचन,
कथाकथन, एकपात्री प्रयोग आदी कार्यक्रमांसह सांस्कृतिक
कार्यक्रम आयोजित करण्‍यात आले आहेत. विविध कार्यक्रमांसह राज्‍यातील विविध दूर्मिळ
पुस्‍तकांचे स्‍टॉल्‍स एकाच ठिकाणी उपलब्‍ध होणार आहेत.
ग्रंथोत्‍सवाची
सुरुवात दिनांक 27 जानेवारी रोजी ग्रंथदिडीने होणार असून ग्रंथदिडी जिल्हा
ग्रंथालय अधिकारी कार्यालयापासून निघणार आहे. तर ग्रंथदिंडीचा समारोप सत्यनारायण
बजाज सार्वजनिक वाचानालयात होणार आहे. ग्रंथदिंडीत विविध शाळांचे विद्यार्थी व
शिक्षक सहभागी होणार आहेत. या ग्रंथोत्‍सवात
नागरिकांसह ग्रंथ विक्रेत्‍यांनी मोठ्याप्रमाणात सहभागी होऊन ग्रंथ महोत्‍सवाचा
लाभ घ्‍यावा. अधिक माहितीसाठी जिल्हा ग्रंथालय अधिकारी कार्यालयाशी संपर्क साधावा,
असे आवाहन अपरजिल्‍हाधिकारी राजलक्ष्मी शाह यांनी केले आहे.
00000
No comments:
Post a Comment