मिनी ट्रॅक्‍टरसाठी बचत गटांनी
15 जानेवारी पर्यंत अर्ज सादर करण्‍याचे आवाहन
वर्धा,दि.13 - सामाजिक न्‍याय व विशेष सहाय्य विभागातर्फे
अनुसूचित जाती व नवबौध्‍द घटकांच्‍या स्‍वयंसहाय्यता बचत गटांनी मिनी ट्रॅक्‍टर व
त्‍याची उपसाधने यांचा पुरवठा करण्‍यात येणार आहे. अनुसूचित जाती व नवबौध्‍द
घटकांच्‍या स्‍वयंसहाय्यता बचत गटांना 90 टक्‍के अनुदानावर 20 मिनी ट्रॅक्‍टर व त्‍याची
उपसाधने जसे कल्‍टीवेटर किवा रोटावेटर व ट्रेलर यांचा पुरवठा करण्‍यात येणार असून
स्‍वयंसहाय्यता बचत गटाकडून दिनांक 15 जानेवारी 2016 पर्यंतअर्ज स्‍वीकारण्‍यात येणार असल्‍याची माहिती समाज कल्‍याण
विभागाचे सहाय्यक आयुक्‍त बाबासाहेब देशमुख यांनी दिले.
अनुसुचित जाती व नवबौध्‍द घटकाचा बचत गट शासकीय
यंत्रणेकडून नोंदणीकृत असावा, तसेच बचत गटाचे नावे बँक खाते आवश्‍यक आहे. अनुसुचित
जाती व नवबौध्‍द घटकाचे किमान 80 टक्‍के सदस्‍य बचत गटात असावेत व हे सर्व सदस्‍य
राज्‍याचे रहीवासी असावे तसेच सर्व सदस्‍यांचे सक्षम प्राधिका-याचे जाती
प्रमाणपत्र, तसेच सर्व सदस्‍याचे रहिवासी पुराव्‍याबाबत अधिवास प्रमाणपत्र, राशन
कार्ड, आधार कार्ड निवडणूक कार्ड असावे.
मिनी ट्रॅक्‍टर व त्‍याची उपसाधने
याच्‍या खरेदीची कमाल मर्यादा रुपये 3 लक्ष 50 हजार आहे. स्‍वयंसहाय्यता बचत गटानी
या कमाल मर्यादेच्‍या 10 टक्‍के स्‍वहीस्‍सा म्‍हणजेच रुपये 35 हजार भरावा लागेल. स्‍वहिस्‍साच्‍या
रक्‍कमेचा धनाकर्ष डीडी स्‍वरुपात महाराष्‍ट्र कृषी उद्योग विकास महामंडळ वर्धा
यांचे नावाने अर्जासोबत दयावा लागेल.या व्‍यतीरीक्‍त स्‍वयंसाहाय्यता बचत गटास
ट्रेलर व ट्रॅक्‍टर यांच्‍या नावाने आर्जासोबत दयावा लागेल. या व्‍यतीरीक्‍त स्‍वयंसाहाय्यता
बचत गटास ट्रेलर व ट्रक्‍टर यांच्‍या आरटीओ कार्यालयातील नोंदणीचा खर्च व तसेच स्‍थानिक
जकात (लागु झाल्‍यास) स्‍वतः बचत
गटाला करावा लागेल .
स्‍वयंसहाय्यता बचत गटांनी यादी समाज
कल्‍याण आयुक्‍तालय, पुणे यांचे कडे सादर करण्‍यात येईल व जिल्‍ह्यातील दिलेल्‍या
उदिष्‍टपेक्षा जादा अर्ज आल्‍यास लॉटरी पध्‍दतीने लाभर्थ्‍याची निवड केली जाईल.
स्‍वयंसहाय्यता बचत गटातील सदस्‍यांची
तपशिलवार यादी तसेच मिनीट्रक्‍टर खरेदीबाबतचा ठराव अर्जा सोबत सादर करावा.
स्‍वयंसहाय्यता बचत गटातील इतर सदस्‍यांनी
मिळणारा मिनीट्रॅक्‍टर आरटीओ कार्यालयातून ज्‍याचे नावे करावयाचे आहे. अशा
प्राधिकृत केलेल्‍या व्‍यक्‍तीबाबत बचतगटातील ठराव व प्राधिकृत केलेल्‍या व्‍यक्‍तीचा
रहीवासी दाखल,लाईट बील,मतदान ओळखपत्र, आधार कार्डची सांक्षाकित छायाप्रती सादर
कराव्‍यात.
तसेच महाराष्‍ट्र शासन सामाजिक न्‍याय
व विशेष सहाय्यक आयुक्‍त समाज कल्‍याण सेवाग्राम रोड, सीव्‍हील लाईन, वर्धा यांचेशी
संपर्क साधावा, असे आवाहन सहाय्यक आयुक्‍त समाज कल्‍याण विभागाचे, बाबासाहेब
देशमुख यांनी केले आहे
000000
No comments:
Post a Comment