·
26 जुन सामाजिक न्‍याय दिन
·
राजर्षी छत्रपती शाहू महाराज जन्‍मदिन
·
शिष्‍यवृत्‍ती व घरकुलाचे वाटप
वर्धा
दि.22- राजर्षी छत्रपती शाहू महाराजांचा जन्‍मदिवस सामाजिक न्‍याय दिन म्‍हणून
साजरा करण्‍यात येणार आहे.पालकमंत्री राजेन्‍द्र मुळक यांच्‍या हस्‍ते 26 जून रोजी
सकाळी 9 वाजता सामाजिक न्‍याय दिनाचे उदघाटन
सेवाग्राम रोडवरील सामाजिक भवन येथे आयोजित करण्‍यात आले आहे. या कार्यक्रमास पाणीपुरवठा व स्‍वच्‍छता तसेच
सार्वजनिक बांधकाम राज्‍यमंत्री रणजीत कांबळे,खासदार दत्‍ता मेघे, आमदार सुरेश देशमुख, अशोक शिंदे, दादाराव केचे, जिल्‍हा
परिषदेचे अध्‍यक्ष ज्ञानेश्‍वर ढगे, नगराध्‍यक्ष आकाश शेंडे, जिल्‍हाधिकारी श्रीमती
जयश्री भोज, जिल्‍हा पोलीस अधिक्षक अविनाश कुमार ,मुख्‍य कार्यपालन अधिकारी शेखर
चन्‍ने आदी उपस्थित राहणार आहे.
सामाजिक न्‍याय दिनानिमित्‍त लाभार्थ्‍यांना शिष्‍यवृत्‍ती,घरकुल
आदी वाटप करण्‍यात येणार आहे. यावेळी जिल्‍हा परिषदेचे उपाध्‍यक्ष संजय कामनापुरे,
महिला व बालकल्‍याण सभापती निर्मलाताई बिजवे,शिक्षण व आरोग्‍य समितीचे सभापती प्रा. उषाकिरण थुटे,समाजकल्‍याण सभापती
नंदकिशोर कंगाले आदि उपस्थित राहणार आहे.
राजर्षी छत्रपती शाहू महाराज जन्‍मदिन व सामाजिक न्‍याय दिन
कार्यक्रमास उपस्थित राहण्‍याचे आवाहन सहाय्यक आयुक्‍त, समाजकल्‍याण किशोर भोयर व
जिल्‍हा समाजकल्‍याण अधिकारी जया राऊत यांनी केले आहे.
0000
No comments:
Post a Comment