वर्धा, दि.20- जिल्‍हा माहिती अधिकारी यांनी दिनांक 29 फेब्रुवारी 2012 च्‍या पत्रान्‍वये लोकराज्‍य मासिक वार्षिक वर्गणीदार करण्‍यासाठी आदिवासी अनुसूचित जमातीच्‍या इयत्‍ता 10 वी ते पदवीधर शेक्षणिक पात्रतेच्‍या एकूण 3500 उमेदवारांची नांव व संपूर्ण पत्‍यासह यादीची मागणी या कार्यालयाकडे केली होती. त्‍यास अनुसरुन या कार्यालयाने यदिनांक 16 मार्च 2012 रोजी या कार्यालयाच्‍या पदावरील 10 वी ते पदवीधर शैक्षणिक पात्रतेच्‍या 1973 उमेदवारांची नाव व पत्‍याची यादी जिल्‍हा माहिती कार्यालयास सादर केली आहे.
अशी यादी तयार करण्‍यासाठी रिक्‍त पदासाठी पाठवणी करण्‍याच्‍या ऑप्‍शनमधून यादी तयार तयार करणे आवश्‍यक असल्‍यामुळे या ऑप्‍शनमधून ही यादी तयार करुन जिल्‍हा माहिती कार्यालयास सादर केलेली आहे. आणि त्‍यामुळे सद्याच्‍या प्रचलित सुविधेनुसार यादीतील ज्‍या उमेदवारांचे मोबाईल नंबर्स या कार्यालयाकडे नोंद आहेत. त्‍या उमेदवारांना रीडर पदासाठी शिफारस असे एसएमएस आलेले आहेत.
संबंधित उमेदवारांनी हा एसएमएस संदेश नोकरीच्‍या शिफारसीसाठी नसून लोकराज्‍य मासिकाच्‍या सदस्यत्वासाठी आहे याची नोंद घ्‍यावी. असे सहाय्यक संचालक, जिल्‍हा रोजगार व सवयंरोजगार मार्गदर्शन केंद्र, वर्धा हे कळवितात.
000000000
No comments:
Post a Comment