वर्धा, दिनांक 17- वाहनांच्‍या
विंडस्क्रिन व खिडकीच्‍या काचांना ब्‍लॅक
फिल्‍म बसविलेल्‍या वाहनावर कारवाई करण्‍यासाठी विशेष मोहीम राबविण्‍यात येत असून, अशा
वाहनाविरुध्‍द वायुवेग पथकामार्फत कडक कारवाई करण्‍यात येणार असल्‍याची माहिती
प्रादेशिक परिवहन अधिकारी विजय चव्‍हाण
यांनी दिली.
वाहनांच्‍या विंडस्क्रिन व
खिडकांच्‍या काचेवर बसविण्‍यात येणा-या ब्‍लॅक फिल्‍मच्‍या वापरास आळा बसविण्‍यासाठी सर्वोच्‍च न्‍यायालयाने दिलेल्‍या निर्देशानुसार विशेष तपासणी मोहीम जिल्‍ह्यात
राबविण्‍यात येणार आहे.
वाहन उत्‍पादकाने वाहनाचे उत्‍पादन करताना केन्‍द्रीय
मोटार वाहन नियमानुसार विहित केल्‍याप्रमाणे पारदर्शकता असणा-या काचा पुढील व मागील
विंडस्क्रिन व साईडच्‍या खिडक्‍यांना
बसविणे आवश्‍यक आहे. तथापि कोणतीही ब्‍लॅक
फिल्‍म, पेन्‍ट अथवा इतर मटेरीयल चिकटविता येणार नाही.
वाहनाची नोंदणी , योग्‍यता प्रमाणपत्राचे
नुतनीकरण व परिवहनेतर संवर्गातील वाहनाच्‍या
नोंदणी प्रमाणपत्राचे नुतणीकरणाचे वेळेस काचांवर फिल्‍म चिकटवली जाणार नाही तसेच विक्री
करतानाही काचांवर फिल्‍म लावण्‍यात येणार नाही याची
वितरकांनी खबरदारी घ्‍यावी.
अती महत्‍वाच्‍या व्‍यक्‍तींच्‍या वाहनांच्‍या विंडस्क्रिन व
खिडक्‍यांच्‍या काचांवर ब्‍लॅक फिल्‍मचा वापर करण्‍यासाठी परवानगी देऊन केन्‍द्रीय मोटार वाहन नियम 1989
मधील नियमात सुट देण्‍याच्‍या अनुषंगाने
प्रमाणपत्र देण्‍यासाठी अप्‍पर मुख्‍य सचिव (गृह) यांच्‍या अध्‍यक्षतेखाली
समिती गठीत करण्‍यात आली आहे. त्‍यानुसार प्रस्‍ताव समितीसमोर
सादर करावयाचा असल्‍याची माहितीही
उपप्रादेशिक अधिकारी विजय चव्‍हाण यांनी दिली.
000000
No comments:
Post a Comment