जात पडताळणी अर्ज करण्यासाठी मुदतवाढ

                      महाराष्ट्र शासन

प्रसिध्दी पत्रक       जिल्हा माहिती कार्यालय,वर्धा    दि.11/11/2011

---------------------------------------------------------------------

           जात पडताळणी अर्ज करण्यासाठी मुदतवाढ

 वर्धा,दि.11-सामाजिक न्याय व विशेष सहाय्य विभागाचे उपसचिव, मुंबई यांचे दि. 24 ऑक्टोंबर 2011 अन्वये जानेवारी  ते मार्च 2012 या कालावधीत होणा-या वर्धा जिल्ह्यातील स्थानिक स्वराज्य संस्थाच्या निवडणुकीकरीता (जिल्हा परिषद पंचायत समिती) राखीव प्रभागातुन निवडणूक लढवू ईच्छीणा-या अनुसूचित जाती, विमुक्त जाती व भटक्या जमाती,इतर मागासवर्गीय तसेच विशेष मागासवर्ग  या प्रवर्गातील मागासवर्गीय उमेदवाराच्या जाती प्रमाणपत्र पडताळणीचे प्रस्ताव विहित नमुन्यात आवश्यक त्या कागदपत्रासह पुराव्यासह जिल्हाधिकारी, कार्यालय, वर्धा येथे 15 नोव्हेंबर 2011 पर्यंत स्विकारण्यासाठी सादर करावेत अशी मुदतवाढ देण्यात आली आहे. संबंधीतांनी मुदतीच्या आत प्रस्ताव सादर करावेत. असे विशेष जिल्हा समाज कल्याण अधिकारी,वर्धा यांनी कळविले आहे.

                        00000