राष्ट्रीय पत्रकार दिनाचे आयोजन
जेष्ठ
पत्रकारांचा गौरव
वर्धा
दि.16- विकास प्रक्रियेमध्ये माध्यमांची
भूमिका अत्यंत महत्वाची असून माध्यमांनी सर्वसामान्य जनतेमध्ये असलेल्या विकासाबद्दलची संकल्पना तसेच त्यांचे प्रश्न माध्यमाव्दारे प्रभाविपणे मांडावेत
असे प्रतिपादन जिल्हाधिकारी एन.नवीन सोना यांनी आज व्यक्त केले.
जिल्हाधिकारी
कार्यालयाच्या सभागृहात राष्ट्रीय पत्रकार दिन व स्वर्गिय बाळशास्त्री जांभेकर
जन्मशताब्दी कार्यक्रमाचे आयोजन करण्यात आले होते त्याप्रसंगी मार्गदर्शन
करतांना जिल्हाधिकारी बोलत होते.
जिलहा
माहिती कार्यालय व वर्धा जिल्ह्यातील पत्रकारांतर्फे संयुक्तपणे राष्ट्रीय
पत्रकार दिनाचे आयोजन करण्यात आले होते. यावेळी
महात्मा गांधी विश्व विद्यालयाच्या दूरसंचार व प्रसिध्दी माध्यम
विभागाचे प्रमुख प्रा. डॉ. अनिल के. रॉय ,अप्पर जिल्हाधिकारी संजय भागवत, जिल्हा
माहिती अधिकारी अनिल गडेकर, निवासी उपजिल्हाधिकारी श्री.मेश्राम प्रामुख्याने
उपस्थित होते.
माध्यमांचे
स्वातंत्रय या विषयासंदर्भात बोलतांना जिल्हाधिकारी एन. नवीन सोना म्हणाले की,
विकास प्रक्रियेमध्ये पत्रकारांची भूमिका व सर्वसामान्य जनतेच्या प्रश्नासंदर्भात
असलेली सामाजिक जबाबदारी महत्वाची असून माध्यम क्ष्ेात्रात होत असलेल्या बदलांचा उपयोग प्रभाविपणे पत्रकाराने
करावा. प्रशासनातर्फेही याची निश्चित दखल
घेतली जाईल असा विश्वास त्यांनी व्यक्त केला.
वर्धा
जिल्ह्याच्या विकासासंदर्भात बोलतांना जिल्हाधिकारी म्हणाले की, विकासाच्या
विविध मापदंडात जिल्ह्याचे स्थान कोठे आहे याचा अभ्यास करुण शिक्षण,आरोग्य, दळणवळण
या क्षेत्रात अधिक प्रगतीसाठी माध्यमांचेही सहकार्य घेण्यात येईल. माध्यमांच्या
प्रतिनिधींनी विकासासंदर्भात प्रशासनाला मार्गदर्शन केल्यास त्याचे स्वागत करण्यात
येईल. असे स्पष्ट मत ही यावेळी एन.नवीन
सोना यांनी व्यक्त केले.
माध्यमांचे
स्वातंत्र्य याविषयी बोलतांना महात्मा गांधी हिंदी विश्व विद्यालयाचे प्रा. डॉ.
अनिल के. रॉय यांनी माध्यमासमोरील आव्हाने, पत्रकारांना असलेले स्वातंत्र्य तसेच
जिल्हास्तरावर पत्रकारिता करतांना येणा-या अडचणी यासंदर्भात यावेळी मार्गदर्शन
जेष्ठ पत्रकारांचा सत्कार
राष्ट्रीय
पत्रकार दिन व स्वर्गिय बाळशास्त्री जांभेकर जन्मशताब्दी वर्षानिमित्त वृत्तपत्रक्षेत्रात
केलेले प्रदिर्घ सेवेबद्दल जेष्ठ पत्रकार विनोदबाबम चोरडीया व प्रकाश कथले यांचा
जिल्हाधिकारी एन.नवीन सोना यांच्याहस्ते शाल श्रीफळ व पुष्पगुच्छ देवून गौरव
करण्यात आला.
जेष्ठ
पत्रकार विनादबाबू चोरडीया यांनी माध्यमांमध्ये नवीन तंत्रज्ञानासोबतच बदलत्या
परिस्थितीत असलेली आव्हाने विषद करतांना पत्रकार होण्यासाठी असलेली मुक्त
परिस्थिती आणि पत्रकारांसमोरील आवाहने याविषयी
सविस्तर भूमिका यावेळी व्यक्त केली.
प्रारंभी
जिल्हाधिकारी एन.नवीन सोना यांनी बाळशास्त्री जांभेकर यांच्या फोटोस पुष्पहार
अर्पण करुण अभिवादन केले.
स्वागत
श्रमिक पत्रकार संघाचे अध्यक्ष प्रविण धोपटे,मराठी साहित्य परिषदेचे अनिल मेघे,
संपादक संघाचे दिलीप जैन, व राजू गोरडे,प्रा. राजेंद्र मुंडे आदिंनी प्रमुख
पाहुण्यांचे स्वागत केले. प्रास्ताविक जिल्हा माहिती अधिकारी अनिल गडेकर यांनी
केले. यावेळी राष्ट्रीय पत्रकार दिनाच्या आयोजनाबद्दल माहिती दिली.
कार्यक्रमाचे
संचलन मिलींद आवळे यांनी तर आभार जेष्ठ
पत्रकार आनंद शुक्ला यांनी मानले.
यावेळी सेवाग्राम
आश्रम समितीचे अध्यक्ष मा.म. गडकरी, वर्धा जिल्ह्यातील सर्व पत्रकार, संपादक,
ई-माध्यमांचे प्रतिनिधी,जिल्हा प्रतिनिधी मोठ्यासंखेने उपस्थित होते.
00000
No comments:
Post a Comment