44 वी राज्यस्तरीय हॉलीबॉल स्पर्धा संपन्न
वर्धा,
दिनांक 12 – युवकांनी शैक्षणिक अभ्यासक्रम पूर्ण करतानाच शारिरीक व बौध्दीक
विकासासाठी विविध क्रीडा प्रकारामध्ये सहभागी होवून, नैपुन्य सिध्द करावे, असे
प्रतिपादन राज्याचे अर्थ व नियोजन राज्यमंत्री
तथा जिल्ह्याचे पालकमंत्री राजेंद्र मुळक यांनी केले.
महाराष्ट्र राज्य हॉलीबॉल संघटना व जिल्हा
हॉलीबॉल संघटना यांच्या मान्यते अंतर्गत
दत्ता मेघे आयुविज्ञान संस्था सांवगी (मेघे) आणि एकविरादेवी शिक्षण संस्था यांच्या वतीने
आयोजित राधीकाबाई मेघे स्मृतिप्रीत्यर्थ 44 वी राज्यस्तरीय हॉलीबॉल अजिंक्यपद
स्पर्धा वर्धा येथील पोलीस मुख्यालयाच्या मैदानावर संपन्न झाली. त्याप्रसंगी मार्गदर्शन करतांना
पालकमंत्री श्री. मुळक बोलत होते.
मुलींच्या
गटातील स्पर्धेचे अजिंक्यपद नागपूर जिल्ह्यांनी तर
मुलांच्या मुलांच्या गटामध्येसुध्दा
नागपूर जिल्हा अजिंक्य ठरला आहे. पालकमंत्री राजेन्द्र मुळक यांच्या हस्ते
विजयी संघांना चषक देवून, संघाचा गौरव करण्यात आला.
बक्षिस वितरण संघाच्या अध्यक्षस्थानी दत्ता मेघे आयुर्विज्ञान संस्था
सांवगी (मेघे)चे कुलपती खासदार दत्ता मेघे होते. यावेळी आमदार दादाराव केचे, माजी आमदार सागर मेघे,
नगराध्यक्ष आकाश शेंडे, जिल्हाधिकारी एन.नवीन सोना, अप्पर जिल्हाधिकारी संजय भागवत, उपविभागीय अधिकारी हरीश धार्मिक, राज्य हॉलीबॉल संघटनेचे अध्यक्ष
विजय डांगरे,सचिव बाळासाहेब सुर्यवंशी उपस्थित
होते.
वर्धा
येथील पोलीस मुख्यालयाच्या मैदानावर 7 नोव्हेंबर पासून हॉलीबॉल सामने खेळल्या
गेले असून, या स्पर्धेत महाराष्ट्रातील
35 मुलांच्या संघानी तर 30 मुलींच्या संघानी भाग घेतला होता.
0000000
No comments:
Post a Comment