वर्धा,दि.31– सन 2012-13
या वर्षासाठी अध्‍यापक शिक्षण पदविका प्रथम वर्षाच्‍या शासकीय कोट्यातील आवेदन
पत्राची विक्री दि. 17 मे ते 7 जून 2012
पर्यंत वाढविण्‍यात आली असून आवेदनपत्र स्विकृती दि. 8 जून 2012
पर्यंत स्विकारण्‍यात येणार आहे.
आवेदनपत्राची विक्री व स्विकृती जिल्‍हा
शिक्षण व प्रशिक्षण संस्‍था, जिल्‍हा समान्‍य रुग्‍णालयामागे वर्धा येथे सकाळी 10 ते सायंकाळी 5 या वेळेत
सुरु राहील. आवेदनपत्राची विक्री व स्विकृती सुटीच्‍या दिवशी सुध्‍दा सुरु राहील.
इयत्‍ता 12 वी मध्‍ये किमान 50 टक्‍के
गुणांसह उत्‍तीर्ण असलेले खुल्‍या प्रवर्गातील उमेदवार तसेच किमान 45 टक्‍के
गुणांसह उत्‍तीर्ण असलेला मागासवर्गीय उमेदवार प्रवेशासाठी पात्र असतील. किमान
कौशल्‍यावर आधारित अभ्‍यासक्रम एमसीव्‍हीसी तील कृषी गटातील हार्टीकल्‍चर व क्रॉप
सायन्‍स तसेच आरोग्‍य व वैद्यकीय सेवा गटातील क्रेंच अॅन्‍ड प्रिस्‍कुल हे विषय
घेऊन 12 वी उत्‍तीर्ण विद्याथी प्रवेशास पात्र असणार आहे. तसेच महाराष्‍ट्राचा
अधिवासी असलेला सी.बी.एस.सी. किंवा अय.सी.एस.ई. किंवा नॅशनल ओपन स्‍कुल बोर्ड ची
परीक्षा उत्‍तीर्ण विद्यार्थी महाराष्‍ट्र राज्‍याचा अधिवासी असल्‍याचे त्‍या जिल्‍ह्याच्‍या
जिल्‍हाधिकारी यांचे प्रमाणपत्र असणे आवश्‍यक असेल. आवेदनपत्राची माहिती
पुस्तिकेसह किंमत खुल्‍या प्रवर्गातील उमेदवारांसाठी रु. 200 असून, मागासवर्गीय
उमेदवारांसाठी रु. 100 आहे. मागासवर्गीय उमेदवारांनी आवेदन पत्र विकत घेतांना जात
प्रमाणपत्राची प्रत दाखविणे आवश्‍यक राहील. असे प्राचार्य, जिल्‍हा शिक्षण व
प्रशिक्षण संस्‍था ,वर्धा कळवितात.
00000
No comments:
Post a Comment