महाराष्ट्र शासन
प्रसिध्दी पत्रक जिल्हा माहिती कार्यालय,वर्धा, दि.24ऑक्टोंबर2011
-----------------------------------------------------------------------------------------------
वर्धा, दि.24- सामाजिक न्याय विभागाच्या अंतर्गत डॉ. बाबासाहेब आंबेडकर मागासवर्गिय मुलांचे शासकिय वसतीगृहाचा लोकार्पण सोहळा मुख्यमंत्री पृथ्वीराज चव्हाण यांच्या हस्ते आज थाटात पार पडला.
 |
| देवळी येथील वस्तीगृहाचे लोकार्पण करुन शिलाण्यासाचे उदघाटन प्रसंगी मुख्यमंत्री चव्हाण |
याप्रसंगी सामाजिक न्याय मंत्री शिवाजीराव मोघे, पाणी पुरवठा राज्यमंत्री रणजित कांबळे, पालकमंत्री राजेंद्र मुळक, खासदार दत्ताजी मेघे, जि.प. अध्यक्ष विजय जयस्वाल, जिल्हाधिकारी जयश्री भोज, मुख्य कार्यकारी अधिकारी शेखर चन्न, माजी नगराध्यक्ष शेखर शेंडे, माजी होमगार्ड समादेश प्रविण हिवरे, अधिक्षक अभियंता बळवंत लूंगे, कार्यकारी अभियंता प्रशांत जनबंधू, विभागीय समाज कल्याण अधिकारी माधव वैद्य, समाज कल्याण अधिकारी माधव झोड आदी मान्यवर उपस्थित होते.
मागासवर्गीयाची शैक्षणिक, सामाजिक व आर्थिक उन्नती होऊन त्यांचे राहणीमान सुधारावे व शिक्षणापासून वंचित राहू नये यासाठी तालुका पातळीवर वसतीगृह बांधण्यात येत आहे. देवळी येथे 100 विद्यार्थ्यांसाठी वसतीगृहामध्ये सर्व सोयी उपलब्ध करुन देण्यात आल्या आहेत. यासाठी 4 कोटी 38 लक्ष खर्च आला असल्याचे सांगण्यात आले.
यावेळी अधिकारी व कर्मचारी उपस्थित होते.
0000000
No comments:
Post a Comment