महसूल
प्रशासन अधिक गतिमान
करण्यासाठी पुढाकार घ्या
- अनूप कुमार
उत्कृष्ट
अधिकारी म्हणून
वैभव
नावडकर, मनोहर चव्हाण
यांचा गौरव
एस. व्ही. हाडके
यांच्या उत्कृष्ट
कामाचा गौरव
महसूल
दिनानिमित्त अधिकारी, कर्मचा-यांचा
सन्मान
वर्धा,
दि. 2: महसूल विभाग हा जिल्हा प्रशासनाचा महत्वाचा
भाग असल्यामुळेच विविध
योजनांच्या अंमलबजावणीच्या समन्वयाची
जबाबदारी या विभागाकडे सोपविण्यात आली आहे. महसूल प्रशासन
अधिक गतिमान करुन जनतेला अधिक जलद सुविधा उपलब्ध करुन द्या असे प्रतिपादन विभागीय आयुक्त अनुपकुमार यांनी केले.
महसूल दिनानिमित्त नागपूर
विभागात उत्कृष्ट काम करणा-या अधिकारी व कर्मचा-यांचा गौरव
विभागीय आयुक्त अनुपकुमार यांच्या हस्ते नागपूर येथे आयोजित कार्यक्रमात करण्यात आला
. त्याप्रसंगी मागदर्शन करतांना
ते बोलत होते.
यावेळी सामाजिक कार्यकर्त्या प्रा. रुपा
कुळकर्णी , नागपूरचे जिल्हाधिकारी
सचिन कुर्वे
, अपर विभागीय आयुक्त संजिव उन्हाळे,
महसूल उपायुक्त जितेंद्र
पापळकर तसेच वरिष्ठ महसूल अधिकारी उपस्थित होते.
वर्धा येथे उपविभागीय अधिकारी म्हणून कार्यरत असतांना वैभव नावडकर यांनी विद्यार्थ्यांना विविध
दाखले देण्यासाठी शाळेमध्ये
विशेष शिबिराचे आयोजन करुन वेळेत दाखले मिळवून दिले होते. नैसर्गिक आपत्तीमध्ये शेतकरी
व घरांच्या नुकसानी संदर्भात
मदतीचे वाटप करतांना सुसूत्रता आणने महसूल वसुली करण्याबाबत विशेष
परिश्रम घेवून दिलेले उद्दिष्ट पूर्ण करणे, न्यायालयीन व दंडाधिकारी कामे वेळेत विहित कार्यपद्धतीने हाताळतांनाच जनतेची
कामे करण्यासाठी विशेष
परिश्रम घेतल्याबद्दल उपविभागीय
महसूल अधिकारी वैभव नावडकर यांचा उत्कृष्ट अधिकारी म्हणून विभागीय आयुक्त अनूप कुमार यांनी प्रशस्तीपत्र व पुष्पगुच्छ देवून गौरव केला आहे.
आर्वी येथील तहसिलदार मनोहर चव्हाण यांना तहसिलदार संवर्गात
15.16 या वर्षात संपूर्ण विभागात स्वयंस्पूर्तीने पुढाकार घेवून महसूल सेवांचा लाभ जनतेला दिल्या बद्दल तसेच महसूली वसुली करण्याबाबत केलेल्या विशेष
परिश्रमाबद्दल विभागीय आयुक्तांनी चव्हाण यांचा प्रशस्तीपत्र व पुष्पगुच्छ देवून
गौरव केला आहे. प्रशासनामध्ये तंत्रानाचा वापर
तसेच टंचाई व नैसर्गिक आपत्ती काळात केलेल्या कार्याची दखल घेवून त्यांचा गौरव करण्यात आला आहे.
जिल्हाधिकारी कार्यालयातील एस. व्ही. हाडके, यांना लघुलेखक संवर्गात त्यांनी केलेल्या उत्कृष्ट कार्याबद्दल उत्कृष्ट कर्मचारी म्हणून गौरविण्यात आले आहे. तलाठी
संवर्गात देवळी तहसील कार्यालयाने एस. एम. पवार, शिपाई संवर्गात जिल्हाधिकारी
कार्यालयातील सलिम शेख , वसंता पिसे, या कर्मचा-यांचा विभागीय आयुक्त अनूप कुमार यांनी गौरव केला आहे.
निवासी उपजिल्हाधिकारी वैभव
नावडकर यांनी महसूल प्रशासनामध्ये कार्यरत असतांना केलेल्या वैशिष्ट्यपूर्ण उपक्रमाची माहिती दिली.
प्रारंभी महसूल उपआयुक्त जितेद्र पापळकर यांनी स्वागत करुन प्रास्ताविक भाषणात महसूल दिन व महिलांच्या सबळीकरणासाठी
विभागात महिनाभर राबविण्यात येणा-या उपक्रमांची माहिती दिली.
*****
No comments:
Post a Comment