निम्‍न वर्धा प्रकल्‍पांतर्गत जमिनीची

पुलगाव येथे खरेदी-विक्रीची सुविधा

            वर्धा,दि.5- निम्‍न वर्धा प्रकल्‍पांतर्गत येणा-या सर्व जमिनीची खरेदी-विक्री संदर्भात निम्‍न वर्धा प्रकल्‍पाचे उर्वरित भूसंपादन वाटाघाटी पद्धतीने, सरळ खरेदी पद्धतीने संबंधीत दस्‍तांची नोंदणीची पुलगाव येथे निबंधक (श्रेणी-1) या कार्यालयात करण्‍यात येणार आहे.

            निम्‍न वर्धा प्रकल्‍पाचे भूसंपादना संदर्भातील दस्‍त नोंदणीची कामे बुधवार दिनांक 6 जानेवारी  रोजी सकाळी 7 ते दुपारी 2 व दुस-या सत्रात रात्री 9 वाजेपर्यंत संपूर्ण दिवस करण्‍यात येणार असल्‍याची माहिती सह जिल्‍हा निबंधक अनुप सांगोडे यांनी दिली.

देवळी येथील आठवडयातून मंगळवार, गुरुवार व तिसरा शनिवारी कार्यालयाची वेळ तात्‍पुरती उक्‍त भूसंपादनाची कामे संपेपर्यंत दुस-या सत्रात म्‍हणजे दुपारी 2.00 ते रात्री 9 वाजेपर्यंत राहणार आहे. मंगळवार, गुरुवार व तिसरा शनिवार या दिवशी पुलगाव येथे दुय्यम निबंधक श्रेणी-1, पुलगाव कार्यालयात पहिले सत्रात म्‍हणजे सकाळी 7.00 ते दुपारी 2 पर्यंत कामकाज सुरु ठेवण्‍यात येत आहे. उपरोक्‍तप्रमाणे भूसंपासदाना संबंधात नोंदणीची कामे पूर्ण होताच देवळी येथील भेट कार्यालय, पूर्ववत सुरु राहील,  असे सह जिल्‍हा निबंध अनुप सांगोडे यांनी कळविले आहे.

00000

प्र.प.क्र. 11                                                                                               दिनांक – 5 जानेवारी 2016

राष्‍ट्रीय मतदार दिवसानिमित्‍त जनजागृती कार्यक्रम

            वर्धा, दि.5- मतदारांना, नवीन मतदारांना लोकशाही प्रक्रियेतील त्‍यांच्‍या सहभागाबद्दल जबाबदारीची जाणीव करुन देण्‍याच्‍या उद्देशाने जिल्ह्यात जनजागृती करण्‍यात येणार आहे. निवडणूक आयोगाच्‍यावतीने 25 जानेवारी रोजी राष्‍ट्रीय मतदार दिवस साजरा करण्‍याचे निश्चित करण्‍यात आले आहे. त्‍यानुषंगाने प्रत्‍येक मतदार केंद्राच्‍या ठिकाणी राष्‍ट्रीय मतदार दिवस उत्साहात साजरा केला जाणार आहे.

            सदर कार्यक्रम मध्‍यवर्ती मतदान केंद्राच्‍या ठिकाणी किंवा परिसरातील शाळा, महाविद्यालय, समाज मंदिर सार्वजनिक सभागृह आदी ठिकाणी आयोजित केले जाणार आहेत.  नव्‍याने नोंदणी केलेल्‍या मतदारांना निमंत्रण पत्रिका देऊन आमंत्रित केले जाणार आहे. या कार्यक्रमात सर्व उपस्थित नवीन मतदारांना प्रतिज्ञा दिली जाणार आहे. नवीन मतदारांना यांचे कार्यक्रमात छायाचित्रे मतदार ओळखपत्र व बिल्‍ले वाटप केले जाणार आहे. मतदार नावनोंदणी  व  मतदान या विषयी उपस्थित मान्‍यवराद्वारे मार्गदर्शन केले जाणार आहे. मतदारांना मतदार यादीचे भाग या ठिकाणी दाखविले जातील. जनजागृतीसाठी महाविद्यालयीन विद्यार्थी, राष्‍ट्रीय सेवा योजना व एनसीसी, स्‍वयंसेवी संस्थाच्यावतीने प्रभातफेरी, दौड, सायकल रॅली अशा कार्यक्रमांचे आयोजन आठवडाभर केले जाणार आहे. पथनाट्य, लोकनृत्‍य इत्‍यादी कार्यक्रमाद्वारे मोहीम प्रशासनामार्फेत राबविण्‍यात येणार आहे.

            स्‍वातंत्र्यानंतर पाचव्‍यांदा प्रत्‍येक मतदान केंद्रांवर अशा प्रकारचा कार्यक्रम आयोजित करुन मतदारांना व नवीन मतदारांना लोकशाही प्रक्रियेतील त्‍यांच्‍या सहभागाबद्दल, जबाबदारीची जाणीव करुण देण्‍याचा हा प्रयत्‍न राहणार आहे, असे निवडणूक विभागातर्फे कळविण्यात आले आहे.  

             

0000

प्र.प.क्र. 12                                                                                               दिनांक – 5 जानेवारी 2016

डॉ. बाबासाहेब आंबेडकर दलित मित्र पुरस्‍कारासाठी प्रस्‍ताव सादर करा

-         बाबासाहेब देशमुख

             वर्धा,दि.5 - दरवर्षीप्रमाणे यंदाही डॉ. बाबासाहेब आंबेडकर दलित मित्र पुरस्‍कार देण्‍यात येणार आहे. या पुरस्‍कासाठीप्रस्‍ताव दिनांक 25 जानेवारीपर्यंत सादर करावेत,असे आवाहन समाज कल्‍याण विभागाचे सहायक‍ आयुक्‍त बाबासाहेब देशमुख यांनी केले आहे.   

               सामाजिक न्‍याय विभागामार्फत अनुसूचित जाती, विमुक्‍त जाती भटक्‍या जमाती, शारीरिकदृष्ट्या  मनोदुर्बल, अपंग, कृष्‍ठरोगी आदींच्या कल्‍याणासाठी कार्य करणा-या व्‍यक्‍ती  व सामाजिक शिक्षण, आरोग्‍य, शेती, वने, पर्यावरण सहकार, उद्योग, संस्‍कृती, साहित्‍य, अंधश्रद्धा निर्मुलन आदी श्रेत्रात कार्य करणा-या सामाजिक संस्‍थांना यांना प्रत्‍येकवर्षी डॉ. बाबासाहेब आंबेडकर दलित मित्र पुरस्‍कार देण्‍यात येतो. व्‍यक्‍तीसाठी 15 हजार रुपये व सन्‍मानपत्र आणि संस्‍थेकरीता 25 हजार रूपये रोख व सन्‍मानपत्र असे पुरस्‍काराचे स्‍वरुप आहे. या सन 2015-16 पुरस्‍कारासाठी 25 जानेवारीपर्यंत इच्‍छुक व्‍यक्‍ती व संस्‍थांकडून प्रस्‍ताव मागविण्‍यात येत आहेत. अर्जदार व्‍यक्‍तीचे वय पुरुषासाठी किमान 50 वर्ष व स्त्रियांसाठी किमान 40 वर्ष इत‍के असावे. अर्जदार व्‍यक्‍तीचे सामाजिक क्षेत्रात किमान 15 वर्ष व सामाजिक संस्‍थेचे किमान 10 वर्ष कार्य असणे आवश्‍यक आहे. अर्जदार व्‍यक्‍ती खासदार, आमदार, जिल्‍हा परिषद सदस्‍य अथवा कोणतीही पदाधिकारी नसावी. तसेच अर्जदार संस्‍था राजकाणापासून अलिप्‍त असावी.

            पुरस्‍कारासाठी अर्जाचा नमुना व अधिक माहितीसाठी विशेष जिल्‍हा समाज कल्‍याण अधिकारी नवीन प्रशासकीय इमारत, वर्धा या कार्यालयास कामकाजाच्‍या दिवशी कार्यालयीन वेळेत (दूरध्‍वनी क्रमांक 07152-243331) संपर्क साधावा. प्रस्‍ताव तीन प्रतीत सादर करावा. प्रस्‍ताव स्वीकारण्‍याची अंतिम मुदत 25 जानेवारी आहे.  या तारखेनंतर  आलेले प्रस्‍ताव स्वीकारले जाणार नाहीत, असे समाज कल्‍याण विभागाचे सहायक आयुक्‍त बाबासाहेब देशमुख यांनी कळविले आहे.

                                                                         00000       

सावंगी (मेघे) पोलीस स्‍टेशनच्‍या कार्यक्षेत्रात 40 गावांचा समावेश

Ø   हद्दनिश्चितीची अधिसूचना जारी

Ø  रामनगर पोलीस स्‍टेशन अंतर्गत 34 भाग

          

वर्धा,दि.5- रामनगर व सावंगी (मेघे) या दोन नविन पोलीस स्‍टेशनच्‍या निर्मितीनंतर या दोन्‍ही पोलीस स्‍टेशनचे कार्यक्षेत्र निश्चित करण्‍यात आले आहे. पोलीस स्‍टेशनच्‍या कामांच्‍यादृष्‍टीने हद्द निश्चितीची अधिसूचना जारी करण्‍यात आल्‍याची माहिती जिल्‍हा पोलीस अधिक्षक अंकित गोयल यांनी दिली.

            वर्धा शहर पोलीस स्‍टेशनचे विभाजन करुन नवनिर्मित रामनगर ठाण्‍यात पूर्वेकडील 55 भागाचा   

           एरीया असून रामनगर ठाण्‍याच्‍या अंतर्गत 34 एरीया भूभाग आहे.

                        सेवाग्रामचे विभाजन काम नवनिर्मित सावंगी (मेघे) मध्‍ये पुलगाव येथील दोन गावे, देवळी  

           येथील चार गावे, खरांगणा येथील पाच गावे व सेवाग्रामची 29 गावे असे 40 गावे जोडण्‍यात  

           आली आहेत.

            पोलीस स्‍टेशन कार्यक्षेत्र निश्चित केल्‍यानंतर खरांगणा पोलीस स्‍टेशन अंतर्गत 73 गावे, देवळी 52

            गावे, पुलगाव 72 गावे तर सेवाग्राम पोलीस स्‍टेशन अंतर्गत 30 गावांची हद्द निश्चित करण्‍यात

           आली आहे.

000000

सातारामध्ये राज्यस्तरीय वक्तृत्त्व, प्रश्नमंजूषा स्पर्धा

            

           वर्धा, दि.2 -   महाविद्यालयीन विद्यार्थ्यांसाठी रयत शिक्षण संस्‍थेच्‍या कर्मवीर विद्या प्रबोधिनीतर्फे दिनांक 21 ते 23 जानेवारी कालावधीत राज्‍यस्‍तरीय आंतरमहाविद्यालयीन वक्‍तृत्त्व स्‍पर्धा आणि दिनांक 7 ते 9 जानेवारी दरम्यान राज्यस्‍तरीय आंतरमहाविद्यालयीन प्रश्‍नमंजूषा स्‍पर्धांचे यशवंतराव चव्‍हाण इस्टिंट्यूट ऑफ सायन्‍स, सातारा येथे आयोजन केलेले आहे.

            या स्‍पर्धांची माहितीपत्रके रयत शिक्षण संस्‍थेच्‍या www.rayatshikshan.edu व www.erayat.org या संकेतस्थळावर उपलब्‍ध आहेत. माहितीपत्रकात स्‍पर्धेविषयीचे नियम अटी व तपशील देण्यात आलेला आहे. स्‍पर्धांच्‍या प्रवेशिका स्‍वीकारण्‍याची अंतिम तारीख वक्‍तृत्‍व स्‍पर्धेसाठी दिनांक 16 जानेवारी असून प्रश्‍नमंजुषा स्‍पर्धेसाठी दिनांक 5 जानेवारी आहे. स्‍पर्धेकांनी अधिक माहितीसाठी सातारा येथील कर्मवीर विद्या प्रबोधिनी (फोन नं. 02162-2310074) या वर संपर्क साधावा, असे संस्थांनी कळविले आहे.

                                                                  00000

जवाहर नवोदय विद्यालयाची 9 जानेवारीला परीक्षा

Ø प्रवेश पत्र तालुकानिहाय वितरीत

      वर्धा,दि.01- जवाहर नवोदय विद्यालयाची प्रवेश परीक्षा शनिवार, दिनांक 9 जानेवारी रोजी सकाळी 11 वाजता जिल्‍ह्यातील प्रत्‍येक तालुक्‍यात होणार आहे. सर्व तालुक्‍यात एकुण 22 परीक्षा केंद्र आहेत. प्रत्‍येक तालुक्‍यातील निवड चाचणी परीक्षेला बसलेल्‍या विद्यार्थ्‍यांचे प्रवेश पत्र प्राचार्य, जवाहर नवोदय विद्यालय, सेलू काटे, वर्धा यांच्‍याकडून गटशिक्षणाधिकारी,पंचायत समिती,शिक्षण विभाग येथे तालुक्‍यानिहाय पोहचविण्‍यात आले आहेत. तरी संबधित पालकांनी याची दखल घ्‍यावी. ज्‍या विद्यार्थ्‍याना प्रवेश पत्र मिळाले नसेल त्‍यांनी दिनांक 7 जानेवारीपर्यंत सेलू काटे येथील जवाहर नवोदय विद्यालयाच्‍या प्राचार्यांशी संपर्क साधावा, असे आवाहन विद्यालयातर्फे करण्‍यात आले आहे.

                                                                000000     

                                                                          

                            तूर,उडीदसाठी भारतीय खाद्य महामंडळ नोडल एजन्‍सी

         वर्धा,दि.01 - शेतक-यांकडून तूर, उडीद खरेदी करण्‍यासाठी भारतीय खाद्य महामंडळाला नोडल एजन्‍सी म्‍हणून समाविष्‍ट केले आहे. महामंडळ तूर,उडीद राज्‍य सरकारीची संस्‍था महाराष्‍ट्र स्‍टेट को-ऑपरेटीव्‍ह मार्केटिंग फेडरेशनद्वारा खरेदी करत आहे. खरेदी करण्‍यासाठी स्‍वच्‍छ उत्‍पादन मंडीत आणणे. भारतीय अन्‍न महामंडळ लिलावामध्‍ये सहभाग घेईल. जेणेकरुन शेतक-यांना त्‍यांच्‍या उत्‍पादनाला चांगला भाव मिळेल. शेतक-यांनी 7/12 उतारा, बँक खाते माहिती घेऊन यावे जणेकरुन पैसे  RTGS  द्वारा किंवा क्रॉस चेक द्वारा अदा करता येतील. खरेदीला मिळणा-या प्रतिसादावरुन आणखी मंडी निवडल्‍या जातील, असे महामंडळातर्फे कळविण्‍यात आले आहे.

                भारतीय अन्‍न महामंडाळाव्‍दारे खाली दिलेल्‍या दर्जाची तूर आणि उडीद खरेदी केली जाईल.

         उडीद -

अ.क्र.	अपवर्तक	कमाल मर्यादा
1	बाह्य पदार्थ	दाण्‍यांच्‍या वजनाच्‍या 2.00टक्‍के
2	मिश्र पदार्थ	दाण्‍यांच्‍या वजनाच्‍या 3.00  टक्‍के
3	अन्‍नधाण्‍याचे दाणे	दाण्‍यांच्‍या वजनाच्‍या 1.00  टक्‍के
4	खराब,किंचित खराब	दाण्‍यांच्‍या वजनाच्‍या 3.00  टक्‍के़
5	तुटलेले, विभागलेले, साल नसलेले	दाण्‍यांच्‍या वजनाच्‍या 3.00  टक्‍के़
6	पोखरलेली डाळ	दाण्‍यांच्‍या वजनाच्‍या 3.00  टक्‍के़
7	आर्द्रता	दाण्‍यांच्‍या वजनाच्‍या 12.0  टक्‍के़
8	अपरीपक्‍व आणि आकसलेले	दाण्‍यांच्‍या वजनाच्‍या 3.00  टक्‍के़

             

 

      तूर-

अ.क्र.	अपवर्तक	कमाल मर्यादा
1	बाह्य पदार्थ	दाण्‍यांच्‍या वजनाच्‍या 2.00टक्‍के
2	मिश्र पदार्थ	दाण्‍यांच्‍या वजनाच्‍या 3.00  टक्‍के
3	अन्‍नधाण्‍याचे दाणे	दाण्‍यांच्‍या वजनाच्‍या 1.00  टक्‍के
4	खराब,किंचित खराब	दाण्‍यांच्‍या वजनाच्‍या 3.00  टक्‍के़
5	तुटलेले, विभागलेले, साल नसलेले	दाण्‍यांच्‍या वजनाच्‍या 3.00  टक्‍के़
6	पोखरलेली डाळ	दाण्‍यांच्‍या वजनाच्‍या 3.00  टक्‍के़
7	आर्द्रता	दाण्‍यांच्‍या वजनाच्‍या 12.0  टक्‍के़
8	अपरीपक्‍व आणि आकसलेले	दाण्‍यांच्‍या वजनाच्‍या 3.00  टक्‍के़

                                                            

                                                                                 00000

उत्‍कृष्‍ठ पत्रकारिता पुरस्‍कारासाठी

31 जानेवारी पर्यंत प्रवेशिका स्‍वीकारणार

·        स्‍वच्‍छताविषयक लिखानाला विशेष पुरस्‍कार

·        राज्‍य व विभागीय स्‍तरावर पुरस्‍कार

·        सोशल मीडिया साठीही पुरस्‍कार

          वर्धा, दिनांक 01 -  उत्‍कृष्‍ठ पत्रकारिता, उत्‍कृष्‍ठ लेखन, दूरचित्रवाणी वृत्‍तकथा, उत्‍कृष्‍ठ छायाचित्रकार सोशल मीडिया वरील लिखानासोबत प्रथमच स्‍वच्‍छ महाराष्‍ट्र जनजागृती अभियानाबाबत केलेल्‍या लिखाणासाठी राज्‍य शासनाचा उत्‍कृष्‍ठ पत्रकारिता पुरस्‍कार 2015 स्‍पर्धा जाहीर झाली आहे. मराठी, इंग्रजी, हिंदी व उर्दू या भाषेतील लिखानासाठी पुरस्‍कार आहेत.

            उत्‍कृष्‍ठ पत्रकारिता पुरस्‍कारासाठी दिनांक 1 जानेवारी 2015 ते 31 डिसेंबर 2015 पर्यंतच्‍या कालावधीत प्रसिध्‍द झालेल्‍या लेखनाच्‍या प्रवेशिका 31 जानेवारी 2016 पर्यंत मागविण्‍यात  येत आहे. या पुरस्‍कारासाठी जिल्‍हा माहिती कार्यालय, वर्धा येथे प्रवेशिका उपलब्‍ध आहेत. तसेच dgipr.maharashtra.gov.in, www.maharashtra.gov.in, www.mahanews.gov.in या संकेत स्‍थळावर अर्जाचे नमुने उपलब्‍ध आहेत. उत्‍कृष्‍ठ पत्रकारिता पुरस्‍कारासाठीच्‍या प्रवेशिका जिल्‍हा माहिती अधिकारी, वर्धा येथे स्‍वीकारण्‍यात येतील. या स्‍पर्धामध्‍ये पत्रकारांनी तसेच छायाचित्रकारांनी सहभागी व्‍हावे, असे आवाहन माहिती व जनसंपर्क विभागातर्फे करण्‍यात आले आहे.    

राज्‍यस्‍तर पुरस्‍कार

आचार्य बाळशास्‍त्री (मराठी) जांभेकर पुरस्‍कार 51 हजार रुपये, मानचिन्‍ह व प्रशस्‍तीपत्र, अनंत गोपाळ शेवडे पुरस्‍कार (इंग्रजी) 41 हजार रुपये, मानचिन्‍ह व प्रशस्‍तीपत्र, बाबूराव विष्‍णू पराडकर पुरस्‍कार (हिंदी) 41 हजार रुपये, मानचिन्‍ह व प्रशस्‍तीपत्र तसेच (उर्दू) मौलाना अबुल कलाम आझाद पुरस्‍कार 41 हजार रुपये, मानचिन्‍ह व प्रशस्‍तीपत्र, शासकीय गट (मराठी) यशवंतराव चव्‍हाण पुरस्‍कार 41 हजार रुपये, मानचिन्‍ह व प्रशस्‍तीपत्र, उत्‍कृष्‍ट दूरचित्रवाणी वृत्‍तकथा पुरस्‍कार 41 हजार रुपये, मानचिन्‍ह व प्रशस्‍तीपत्र, तोलाराम कुकरेजा उत्‍कृष्‍ट वृत्‍तपत्र छायाचित्रकार पुरस्‍कार 41 हजार रुपये मानचिन्‍ह व प्रशस्‍तीपत्र, केकी मूस उत्‍कृष्‍ट छायाचित्रकार पुरस्‍कार शासकीय गट 41 हजार रुपये, मानचिन्‍ह व प्रशस्‍तीपत्र, सोशल मीडीया पुरस्‍कार 41 हजार रुपये, मानचिन्‍ह व प्रशस्‍तीपत्र, स्‍वच्‍छ महाराष्‍ट्र जनजागृती पुरस्‍कार 41 हजार रुपये, मानचिन्‍ह व प्रशस्‍तीपत्र  हे राज्‍यस्‍तरावरील पुरस्‍कार आहेत.

            पुरस्‍कारामध्‍ये विभागीय पुरस्‍कारामध्‍ये नागपूर विभागासाठी ग.त्र्यं माडखोलकर  पुरस्‍कार 41 हजार  व मानचिन्‍ह व प्रशस्‍तीपत्र तसेच अमरावती विभागासाठी लोकनायक बापूजी अणे पुरस्‍कार आहे.

            पुरस्‍कारांसाठी पत्रकारांची मागील 5 वर्षाची कामगिरी, त्‍यांची सामाजिक बांधिलकी, शासनाच्‍या विकास विषयक कामाच्‍या प्रसिध्‍दीसाठी, जनतेमधील विकास विषयक जाणिव जागृतीसाठी त्‍यांनी केलेले प्रयत्‍न आणि पुरस्‍कार देण्‍यात येणा-या वर्षातील त्‍यांची कामगिरी याचाही विचार केला जाईल.

            पुरस्‍कारासाठी पाठवावयाच्‍या प्रवेशिकेसोबत मूळ लिखाणाचे कात्रण त्‍याच्‍या 2 प्रतीसह पाठवावे लागेल. लिखाणावर लेखकाचे नाव नसल्‍यास, ज्‍या नियतकालिकात हा लेख प्रसिध्‍द झाला असेल, त्‍या नियतकालिकाच्‍या संपादकांचा दाखला जोडलेल्‍या प्रवेशिकांचाच विचार केला जाईल.

सोशल मीडिया पुरस्‍कार

            संकेतस्‍थळे ब्‍लॉग व सोशल मीडियातील प्रसारित मराठी भाषेतील वृत्‍तपत्रकारिता त्‍या स्‍पर्धेत संकेतस्‍थळ विषयक मजकुरासाठी आहे, ब्‍लॉग व सोशल मीडिया वृत्‍तपत्रकारिताविषयक, पत्रकारिता ही स्‍पर्धेच्‍या संबधित प्रभावी वापर करणा-या पत्रकारितेच्‍या क्षेत्रातील व्‍यक्‍तींना सहभाग घेता येईल. स्‍वतंत्र ब्‍लॉगद्वारे लेखन केलेले असल्‍यास ब्‍लॉगला किमान एक वर्ष झालेले असावे. वर्षातील असावी त्‍याचप्रमाणेपत्रकारिताविषयक संकेतस्‍थळ हे अधिकृत असावे व त्‍यावर सोशल मीडियाचा वापर/ वृत्‍त, प्रवेशिका या विकास करताना केंद्र शासनाने विहित केलेल्‍या मार्गदर्शक सूचनांचा अवलंब केलेला असावा प्रवेशिका पाठविताना अर्जदाराने पत्रकारिताविषयक लेखन  सोशल मीडियाद्वारे करण्‍यात आलेले लेखन व ते कोणत्‍या तारखेस प्रसारित झाले त्‍यांच्‍या मुद्रित प्रती सादर करावयाच्‍या आहेत.

स्‍वच्‍छ महाराष्‍ट्र जनजागृती पुरस्‍कार

स्‍वच्‍छ भारत अभियान तसेच स्‍वच्‍छ महाराष्‍ट्र अभियानासंदर्भात लोकांमध्‍ये स्‍वच्‍छताविषयक जनजागृती करणा-या पत्रकारांसाठीही स्‍पर्धा जाहीर करण्‍यात येत आहे. यास्‍पर्धेत मराठी, हिंदी, इंग्रजी, उर्दू भाषेतील वृत्‍तपत्रांमध्‍ये लिखाण करणा-या पत्रकारांना तसेच ईलेक्‍ट्रॉनिक्‍स मिडीया मधील पत्रकारांना सहभागी होता येईल. स्‍वच्‍छ भारत अभियान, स्‍वच्‍छ महाराष्‍ट्र अभियान, महाराष्‍ट्र स्‍वच्‍छता अभियान (नागरी), संत गाडगेबाबा ग्रामस्‍वच्‍छता अभियान, हागणदारी मुक्‍त गाव योजना, घनकचरा व्‍यवस्‍थापन, सांडपाणी व्‍यवस्‍थापन, घनकच-या मधून बायोगॅसची तसेच विजेची निर्मिती, हात धुवा मोहीम इत्‍यादीबाबत लिखाण केलेले असावे. शासनस्‍तरावरुन राबविण्‍यात येत असलेल्‍या स्‍वच्‍छता विषयक विविध योजनांची प्रसिध्‍दी, स्‍वच्‍छता अभियानात लोकसहभाग वाढविण्‍यासाठी लिखाणाद्वारे करण्‍यात आलेले प्रयत्‍न, स्‍वच्‍छतेचे महत्‍व पटविण्‍यासाठी करण्‍यात आलेले जनजागृतीपर लेखन इत्‍यादींचा या पुरस्‍कार स्‍पर्धेत अंतर्भाव होईल.

00000

                                                               

शिष्‍यवृत्‍ती ऑनलाईन अर्जासाठी मुदतवाढ

         

वर्धा, दिनांक 01 -  भारत सरकार शिष्‍यवृत्‍ती योजने अंतर्गत सन 2015-16 या शैक्षणिक वर्षाचे शिष्‍यवृत्‍तीचे अर्ज भरण्‍याची मुदत शासनाने दिनांक 15 जानेवारी 2016 पर्यंत वाढविलेली आहे. तरी संबंधित विद्यार्थ्‍यांनी शिष्‍यवृत्‍तीचे अर्ज मुदतीत भरुन महाविद्यालयास सादर करावे, दिलेल्‍या मुदतीत विद्यार्थ्‍यांनी आपले आवेदनपत्र ऑनलाईन पध्‍दतीने सादर न केल्‍यास त्‍याची सर्वस्‍वी जबाबदारी संबंधीत विद्यार्थ्‍यांची व महाविद्यालय प्रमुखाची राहील याची नोंद घ्‍यावी, समाज कल्‍याण विभागाचे सहाय्यक आयुक्‍त बाबासाहेब देशमुख यांनी आहे.

000000

वर्धा जिल्‍ह्यात कलम 37 (1) 3 जारी

      वर्धा,दि 1 - जिल्‍ह्यात शांतता व सुव्‍यवस्‍था अबधित राहावी यासाठी जिल्‍हा दंडाधिकारी तथा जिल्‍हाधिकारी आशुतोष सलिल यांना प्रदान केलेल्‍या अधिकारान्‍वये मुंबई पोलिस अधिनियम 1951 चे कलम 37(1) 3 जारी केले आहे. या कलमाचा अंमल दिनांक 3 जानेवारी पर्यंत राहणार असून या कलमाचा भंग करणा-या व्‍यक्‍तीविरुद्ध कायदेशीर कारवाई करण्‍यात येईल,असेही आदेशात नमूद करण्‍यात आले आहे.

000000

परिश्रमातूनच यशाचा मार्ग सापडतो

                   - सुधीर मुनगंटीवार

Ø स्‍पर्धा परीक्षेसाठी जिल्‍हा ग्रंथालयात सुसज्ज सुविधा

Ø वैशिष्‍ट्यपूर्ण योजनेतून 1 कोटी 70 लक्ष रुपयांचा प्रस्‍ताव मंजूर

Ø पालकमंत्री सुधीर मुनगंटीवार यांचे केले अभिनंदन 

Ø

     वर्धा दि. 29 –  स्‍पर्धा परीक्षांच्‍या माध्‍यमातून यशाचा मार्ग निवडताना मेहनत व परिश्रमाची

जोड दिली तरच आपण यशस्‍वी होऊ शकतो,  असा सल्‍ला राज्‍याचे अर्थ व नियोजन तथा पालकमंत्री सुधीर मुनगंटीवार यांनी दिला.

             वर्धा येथील जिल्‍हा शासकीय ग्रंथालयात स्‍पर्धा परीक्षा केंद्रासाठी जिल्‍हा नियोजन समितीच्‍या वैशिष्‍ट्यपूर्ण योजनेमध्‍ये 1 कोटी 70 लक्ष रुपयांच्‍या निधी उपलब्‍ध करून दिल्‍याबद्दल बिरसा मुंडा फाऊंडेशन यांच्यातर्फे  पालकमंत्री सुधीर मुनगंटीवार यांचा सत्‍कार करण्‍यात आला. यावेळी आमदार डॉ. पंकज भोयर व जिल्‍हाधिकारी आशुतोष सलील यांनी स्‍पर्धा परीक्षा केंद्र सुरु करण्‍यासाठी पुढाकार घेतल्‍याबद्दल त्‍यांचेही आभार फाऊंडेशनने व्‍यक्‍त केले.

            विश्रामगृहाच्‍या परिसरात आयोजित या कार्यक्रमात बोलताना पालकमंत्री  सुधीर मुनगंटीवार म्‍हणाले की, लोकसंख्‍येच्‍या प्रमाणात विदर्भ व मराठवाड्यातील तरुणांना नोकरीच्‍या संधी उपलब्‍ध होत नसल्‍याबद्दल मख्‍यमंत्री देवेंद्र फडणवीस यांनी माझ्या अध्‍यक्षतेखाली समिती नियुक्‍त केली होती. या समितीच्‍या माध्‍यमातून विदर्भ मराठवाडयातील लोकसंख्‍येच्‍या प्रमाणात राज्य सेवा परीक्षेच्या माध्यमातून भरण्यात येणा-या नोक-यांमध्‍ये या भागातील भरती होते किंवा काय या संदर्भात  सखोल अभ्‍यास केल्‍यानंतर या संदर्भातील शासन निर्णय  काढण्‍यात येणार असल्‍याची माहिती यावेळी त्‍यांनी दिली.

            विदर्भ व मराठवाड्यातील तरुणांनी प्रशासकीय सेवेत भरती, निवड होण्‍यासाठी स्‍पर्धा परीक्षेची तयारी करावी. शासनातर्फे आवश्‍यक त्या सुविधा उपलब्‍ध करुन देण्‍यात येतील. परंतु विद्यार्थ्‍यांनी परिश्रम व चिकाटीने यशाचा मार्ग मिळवावा, असे आवाहनही पालकमंत्री सुधीर मुनगंटीवार यांनी यावेळी केले.

              जिल्‍हा नियोजन समितीच्या निधीमधून 1 कोटी 70 लक्ष रुपयांची तरतूद शासकीय जिल्‍हा ग्रंथालयासाठी करण्‍यात आली आहे. यामध्‍ये सुसज्ज अशी अभ्यासिका,  स्‍पर्धा परीक्षेसाठी उपयुक्‍त अशी पुस्‍तके उपलब्‍ध करुन देण्‍यात येणार आहेत. या कार्यक्रमास आमदार डॉ. भोयर व जिल्‍हाधिकारी आशुतोष सलील यांचा सत्‍कार फाऊंडेशनतर्फे करण्‍यात आला. यावेळी आमदार सुधीर कुणावार, जिल्हा परिषदेचे आरोग्य व शिक्षण सभापती मिलिंद भेंडे

यांचीही उपस्थिती होती. 

                                                                               00000