मतदानाच्‍या दिवशी स्‍थानिक सुट्टी रद्द

वर्धा, दि.3- राज्‍य निवडणूक आयोग, मुंबई यांचे दि. 2 डिसेंबर 2011 रोजीचे आदेशान्‍वये सुधारित निवडणूक कार्यक्रमानुसार नगर परिषद मतदान रविवार दि. 11 डिसेंबर 2011 ला होणार असल्‍यामुळे गुरुवार दिनांक 8 डिसेंबर 2011 रोजी नगर परिषद क्षेत्राकरीता दिलेली स्‍थानिक सुट्टी रद्द करण्‍यात येत आहे. याची सर्व संबंधीतांनी नोंद घ्‍यावी. असे जिल्‍हाधिकारी वर्धा कळवितात.

                             00000

कृषि मंत्री राधाकृष्‍ण विखे पाटील यांचा दौरा

      वर्धा, दि.3- कृषी व पणन मंत्री राधाकृष्‍ण विखे पाटील यांचे बल्‍लारपूर येथून हेलीकॅप्‍टरने सायंकाळी 4.10 वाजता वर्धा हॅलीपॅडवर आगमन व त्‍यानंतर सायंकाळी 4.15 वाजता वर्धा सभा स्‍थळ येथे आगमन व प्रचार सभेस उपस्थिती. सायंकाळी 5.15 वाजता वर्धा येथून मोटारीने कामठी जि. नागपूरकडे प्रयाण करतील.

                             0000

नगर परिषदेच्‍या निवडणुकीसाठी संपर्क अधिकारी नियुक्‍ती

               

      वर्धा,दि.3-राज्‍य निवडणुक आयोग यांचे आदेशान्‍वये जिल्‍ह्यातील वर्धा, हिंगणघाट, आर्वी, पुलगाव, देवळी व सिंदी रेल्‍वे या नगर परिषदांचया सार्वत्रिक निवडणूकीसाठी जिल्‍हाधिकारी जयश्री भोज यांनी संपर्क अधिकारी नियुक्‍त केलेले आहे.

     संपर्क अधिका-यामध्‍ये  अप्‍पर जिल्‍हाधिकारी संजय भागवत यांच्‍याकडे नगर परिषद वर्धा व नगर परिषद हिंगणघाट, उपजिल्‍हाधिकारी जे.बी.संगीतराव यांच्‍याकडे नगर परिषद सिंदी (रे) व नगर परिषद आर्वी व उपजिल्‍हाधिकारी आर.बी.खजांची यांच्‍याकडे नगर परिषद देवळी व नगर परिषद पुलगाव या निवडणूक क्षेत्राचा समावेश असून, त्‍यांना नेमून दिलेल्‍या नगर परिषदेच्‍या निवडणुक विषयी वेळोवेळी सर्व कामाचा आढावा घेऊन अहवाल जिल्‍हाधिकारी यांना सादर करावा. असे आदेशात नमूद आहे.

                        000000

फिरते नांव नोंदणी पथकाचा दौरा

   वर्धा,दि.3- जिल्‍हा रोजगार व स्‍वयंरोजगार मार्गदर्शन केंद्र, वर्धा या कार्यालयाचे फिरते नांव नोंदणी पथक माहे डिसेंबर 2011 मध्‍ये खालील नमुद ठिकाणी दिलेल्‍या तारखांना भेटी देऊन नांव नोंदणीचे काम करतील. खालील उमेदवारांना शैक्षणिक पात्रतेच्‍या मुळ प्रती, जातीचे मुळ प्रमाणपत्र सोबत आणणे आवश्‍यक आहे. करीता इच्‍छूक उमेदवारांनी आपल्‍या नावाची नोंदणी सकाळी 11 ते सायंकाळी 5 वाजेपर्यंत हजर राहून नोंदणी करुन घ्‍यावी.

     दि. 6 डिसेंबर 2011 रोजी पंचायत समिती, आष्‍टी, दि. 7 डिसेंबर 2011 रोजी पंचायत समिती, कारंजा, दि. 10 डिसेंबर 2011 रोजी पंचायत समिती, आर्वी, दि. 12 डिसेंबर 2011 रोजी पंचायत समिती, सेलु, दि.15 डिसेंबर 2011 रोजी पंचायत समिती, समुद्रपुर, दि.16 डिसेंबर 2011 रोजी पंचायत समिती, हिंगणघाट, दि. 18 डिसेंबर 2011 रेाजी नगर परिषद, पुलगांव आणि दि. 19 डिसेंबर 2011 रोजी पंचायत समिती, देवळी येथे उमेदवा-यांच्‍या नावाची नोंदणी करण्‍यात येईल.असे जिल्‍हा रोजगार व स्‍वयंरोजगार मार्गदर्शन केंद्र, वर्धा यांनी  कळविले आहे.

ध्‍वजदिन निधी संकलनाचा शुभारंभ 7 डिसेंबर रोजी

    वर्धा,दि.3-सशस्‍त्र सेना ध्‍वजदिन निधी 2011 संकलन शुभारंभ कार्यक्रम जिल्‍हाधिकारी जयश्री भोज यांचे अध्‍यक्षतेखाली विकास भवन, वर्धा येथे बुधवार दि.7 डिसेंबर 2011 रोजी दुपारी 12 वाजता आयोजित केलेला आहे.

   या कार्यक्रमाला मोठ्या संख्‍येने उपस्थित राहावे, असे आवाहन जिल्‍हा सैनिक कल्‍याण अधिकारी,वर्धा यांनी केले आहे.

सहाय्यक आयुक्‍त समाज कल्‍याण हे सुधारित पदनाम

     वर्धा,दि.3- सामाजिक न्‍याय व विशेष सहाय्य विभागा अंतर्गत विशेष जिल्‍हा समाज कल्‍याण अधिकारी या विद्यमान नावाने असलेल्‍या पदनामामध्‍ये शासनाने निर्गमीत केलेल्‍या आदेशान्‍वये सुधारणा केलेली असून आता सुधारित पदनाम सहाय्यक आयुक्‍त, समाज कल्‍याण असे करण्‍यात आले आहे. संबधितांनी यासुधारित पदनामाची नोंद घ्‍यावी. असे सहाय्यक आयुक्‍त , समाज कल्‍याण ,वर्धा कळवितात.

मुख्‍यमंत्री पृथ्‍वीराज चव्‍हाण यांचा दौरा कार्यक्रम

   वर्धा,दि.3- महाराष्‍ट्राचे मुख्‍यमंत्री पृथ्‍वीराज चव्‍हाण यांचे दिनांक

4 डिसेंबर 2011 रेाजी दुपारी 4.10 वाजता बल्‍लारपूरहून हेलिकॅप्‍टरनी वर्धा हेलीपॅड येथे आगमन, दुपारी 4.15 वाजता सभास्‍थळ येथे आगमन व निवडणूक प्रचार सभेस उपस्थिती. सायंकाळी 5.15 वाजता वर्धा येथून मोटारने कामठी जि. नागपूरकडे प्रयाण करतील.