महाराष्ट्र शासन
प्रसिध्दी पत्रक जिल्हा माहिती कार्यालय,वर्धा दि.25 ऑगस्ट 2011
--------------------------------------------------------------------------
वर्धा, दि. 25- चंद्रपूर येथे दि. 22 ते 28 सप्टेंबर 2011 या कालावधीत सैन्य भरती रॅलीचे आयोजन करण्यात आले आहे.
ही भरती बुलढाणा जिल्हा वगळून विदर्भातील सर्व जिल्ह्यासाठी आहे. यामध्ये सोल्जर नर्सींग असिस्टंट, सोल्जर जी. डी, सोल्जर टेक्नीकल, सोल्जर ट्रेड्समेन, सोल्जर क्लर्क व ट्रेड्समेन या पदांकरीता होत आहे.
दि. 22 सप्टेंबर 2011 रोजी चंद्रपूर व गडचिरोली या जिल्ह्यातील युवकांसाठी, दि. 23 सप्टेंबर 2011 रोजी अकोला व वाशीम, 24 सप्टेंबर 2011 रोजी गोंदिया व भंडारा, 25 सप्टेंबर 2011 रोजी नागपूर व वर्धा, 26 सप्टेंबर 2011 रोजी अमरावती व यवतमाळ या जिल्ह्यातील युवकांसाठी चाचणी होणार आहे.
तसेच एनसीसी सर्टिफिकेट धारक, सेवारत सैनिकांचे पाल्य, माजी सैनिकांचे पाल्य, युध्द विधवांचे पाल्य व राज्य पातळीवर व राष्ट्रीय पातळीवर खेळलेले खेळाडू यांचेसाठी 27 सप्टेंबर 2011 रोजी सर्व ट्रेडसाठी भरती प्रक्रिया घेण्यात येणार आहे. दि.28 सप्टेंबर 2011 रोजी महाराष्ट्रातील सर्व जिल्ह्यातील युवकांसाठी सोल्जर नर्सींग असिस्टंट व सोल्जर टेक्नीकल पदांकरीता चाचणी होणार आहे. वैद्यकीय परिक्षा 23 सप्टेंबर 2011 पासून सकाळी 6 वा.पासून घेण्यात येणार आहे. उमेदवारांनी वैद्यकीय परिक्षेसाठी येण्यापुर्वी कानातील मळ काढून कान स्वच्छ करावेत. उमेदवार हा नॉक नी, हायड्रोसील, कलर आंधळेपणा, कार्डीयक मरमर, ओटिटीए मिडीया, स्टॅमरींग, मेंटल बॅकवर्डनेस, शारिरिक डिफॉर्माटिस, लेप्रोसी या रोगांपासून मुकत असावा.
सोल्जर जी.डी. (महार), सोल्जर जी.डी.(शेड्युल ट्राईब) साठी वयोमर्यादा 17 वर्षे 6 महिने ते 21 वर्षे अशी असून, सोल्जर टेक्नीकल, सोल्जर टेक्नीकल (नर्सींग असिस्टन्ट), सोल्जर (क्लर्क किंवा स्टोअर किपर), सोल्जर (ट्रेड्समॅन) हाऊस किपर व मेस किपर या पदासाठी 17 वर्ष 6 महिने ते 23 वर्षे अशी वर्यामर्यादेची अट आहे.
सोल्जर जी.डी.(महार) करीता शैक्षणिक पात्रता 45 टक्के गुणासह ( 32 टक्के गुण प्रत्येक विषयात) दहावी परिक्षा उत्तीर्ण असने आवश्यक आहे. सोल्जर जी.डी.(शेड्युल ट्राईब) करीता 8 वी पास आवश्यक, सोल्जर नर्सींग असिस्टंट करीता 12 वी उत्तीर्ण ( फिजीक्स, केमेस्ट्री व बॉयलॉजी मध्ये 50 टक्के सरासरी व 40 टक्के प्रत्ये विषयात) किंवा बि.एस.सी. डिग्री (बॉटनी किंचा झुलॉजी किंवा बायोसायन्स) आणि इंग्रजी पास, सोल्जर टेक्निकल करीता 12 वी उत्तीर्ण( फिजीक्स, केमेस्ट्री व गणीत), सोल्जर क्लर्क व स्टोअरकिपर साठी 12 वी उत्तीर्ण (आर्टस, कॉमर्स किंवा सायन्स मध्ये 50 टक्के सरासरी व 40 टक्के प्रत्येक विषयात), तसेच 10 वी किंवा 12 वी मध्ये गणित आणि ईंग्लीश किंवा अकाऊंट किंवा बुक किपिंग मध्ये 40 टक्के गुण आवश्यक आहे. सफाईवाला व मसालची करीता 8 वी इयत्ता पास, ट्रेंडसमेन (सफाईवाला व मसालची) सोडून इतर ट्रेड करीता 10 वी पास व आयटीआय पात्रता धारकांसाठी एनसीटीव्हिटी चे प्रमाणपत्र असणे आवश्यक आहे.
सोल्जर जी.डी.महार या ट्रेड करीता शारिरीक पात्रता उंची 168 सें.मी. वजन 50 कि.ग्रॅ. छाती 77 सें.मि. (फगवून 82 सें.मि.) आवश्यक आहे. सोल्जर जी.डी. (शेड्युल ट्राईब) साठी उंची 162 सें.मी. वजन 48 कि.ग्रॅम, छाती 77 से.मी. (फूगवून 82 से.मि.) तर सोल्जर टेक्नीकल, सोल्जर नर्सींग असिस्टंट साठी उंची 167 सें.मी. छाती 77 सेंमि. फूगवून 82 सें.मी.) तर सोल्जर टेक्नीकल, सोल्जर नर्सींग असिस्टंट या पदासाठी उंची 167 सें.मी. छाती 77 सें.मी (फूगवून 82 से.मी.) वजन 50 कि.ग्रॅ. तसेच सोल्जर क्लर्क व स्टोअरकिपरसाठी उंची 162 सें.मी. वजन 50 कि.ग्रॅ. छाती 77 सें.मी ( फूगवून 82 सें.मी.) ट्रेड्समेन ( सफाईवाला व मसालची) व इतर ट्रेडमेन करीता उंची 168 सें.मी., वजन 48 कि.ग्रॅ. छाती 76 सें.मी. (फूगवून 81 से.मी.) आवश्यक आहे.
सैन्य भरतीसाठी उमेदवारांनी दोन प्रतीमध्ये एस.एस.सी., एच.एस.सी. व पदवी परिक्षेच्या मुळ गुणपत्रिका व बोर्डाचे प्रमाणपत्र दोन प्रतीमध्ये (एम. सी. व्ही. सी.) चे प्रमाणपत्र सैन्य भरतीसाठी ग्राह्य धरल्या जाणार नाही. चारित्र्याचे प्रमाणपत्र, शाळा सोडलयाचा दाखला किंवा बोनाफाईड प्रमाणपत्र, 10 वी पेक्षा कमी शिक्षण घेणारे उमेदवारांचा शाळा सोडल्याच्या दाखल्यावर जिल्हा शिक्षणाधिकारी यांनी प्रतिस्वाक्षरी केले असणे आवश्यक आहे. सरपंचाकडून रहिवाशी दाखला (दाखला मिळालेच्या तारखेपासून सहा महिन्यापर्यंत वैध), जातीचे प्रमाणपत्र सर्व जातीसाठी आवश्यक आहे, डोमीसाईल प्रमाणपत्र तीन प्रतीमध्ये, पोलिस पाटलांकडून प्रमाणपत्र, डिप्लोमा प्रमाणपत्र, खेळाडू व एनसीसी
अ, ब, क सर्टिफिकेट धारक फक्त आंतरिक कँप प्रमाणपत्र ग्राहय धरल्या जाणार नाही. माजी सैनिक अथवा सेवारत सैनिक पाल्य आदिंचे दाखले, कुटूंबातील सर्व व्यक्तींची जन्म तारखेसमवेत माहिती ( वडिल, आई, भाऊ व बहिण, वरील सर्व कागदपत्रांचा गॅझेटेड ऑफिसर कडून साक्षांकित केलेला एक संच, याशिवाय पासपोर्ट आकाराचे एकाच निगेटिव्ह वरुन काढलेले 16 रंगीत अद्यावत फोटो ( बिना टोपी लावलेले) आणावेत. काळे किंवा पांढरे फोटो चालणार नाही. फोटोमध्ये दोन्ही कान दिसने आवश्यक असून, सदरहू प्रमाणपत्र सोबत घेवून यावे.
भरतीसाठी येणारा उमेदवार जर 18 वर्षापेक्षा लहान असतील तर त्यांनी आपल्या वडील किंवा गार्डियन कडून सैन्यामध्ये जाण्याबाबत ना हरकत प्रमाणपत्र आणावयास विसरु नये. भरतीसाठी येणा-या उमेदवारांनी पिण्याचे पाणी, धावण्यासाठी बुट तसेच लेखी परिक्षेचे सर्व साहित्य सोबत आणावे. रात्री राहण्यासाठी स्वत: व्यवस्था करावी लागेल. असे जिल्हा सैनिक कल्याण अधिकारी, वर्धा कळवितात.
000000
