महालोक अदालतीमध्ये 714 प्रकरणे निकाली

महाराष्ट्र शासन

प्र.प.क्र.   542      जिल्हा माहिती कार्यालय,वर्धा    दि.7 ऑक्टोंबर 2011

-------------------------------------------------------------------------------

          

वर्धा,दि.7-वर्धा जिल्हा न्यायालयात राज्य विधी सेवा प्राधीकरण आणि जिल्हा विधी सेवा प्राधीकरण यांच्या वतीने आयोजित महालोक अदालत कार्यक्रमात दाखल 3541 प्रकरणांपैकी 714 प्रकरणी तडजोड होवून प्रकरणे निकाली निघाली आहेत.

     या महालोक अदालतचे उद्घाटन प्रधान जिल्हा व सत्र न्यायाधीश ए.एल.शिवणकर यांच्या हस्ते सरस्वती पूजन तथा दिप प्रज्वलनाने करण्यात आले. अध्यक्षस्थानी वकील संघाचे अध्यक्ष ॲड. अशोक दोड हे होते.

     या अदालत मध्ये 15 पॅनेल करण्यात आले होते. दिवाणी 213 प्रकरणांपैकी 34 तर फौजदारी 2328 प्रकरणांपैकी 156 प्रकरणे यात निकाली निघाली.

     भूसंपादनाच्या दाखल 96 प्रकरणांपैकी 30 प्रकरणी तर मोटार अपघात 60 प्रकरणांपैकी 27 प्रकरणे निकाली निघाली. धनादेश अनादराची 344 प्रकरणे दाखल होती त्यापैकी 39 तर इतर 500 प्रकरणांपैकी 428 प्रकरणी तडजोड झाली.

     या प्रसंगी विधी सेवा प्राधीकरणाचे सचिव दिवाणी न्यायाधीश वरिष्ठस्तर न्या. येलट्टी, जिल्हा न्यायाधीश न्या.ढोलकीया, जिल्हा न्यायधीश क्रमांक दोन न्या.दास, अतिरिक्त जिल्हा न्यायाधीश न्या.नदीम आणि राजढेकर तसेच अतिरिक्त जिल्हाधिकारी संजय दैने आदींची प्रमुख उपस्थिती होती.

ऑक्टोंबर 2011 महिण्याचे शिधावाटप परिमाण

  महाराष्ट्र शासन

प्रसिध्दी पत्रक             जिल्हा माहिती कार्यालय,वर्धा    दि. 5ऑक्टोंबर 2011

------------------------------------------------------------------------------------------

                       

वर्धा, दि.5- जिल्ह्यातील सर्व कौटुंबिक शिधा पत्रिका धारकांना माहे   ऑक्टोंबर 2011 महिण्याकरीता स्वस्त धान्य दुकानातून शिधा वस्तु वाटपाचे परिणाम पुढील प्रमाणे निश्चीत करण्यात आलेले आहे. प्रत्यक्ष  धान्य साठा व साखरेच्या उपलब्धतेनुसार वितरण करण्यात येईल.

            दारिद्र्य रेषेखालील लाभार्थी बीपीएल कार्ड धारकांना 25 किलो गहू प्रतीकिलो 5 रु. दराने, तांदूळ 19 किलो प्रतीकिलो 6 रु. दराने, साखर प्रति व्यक्ती 500 ग्राम 13.50 प्रती किलो दराने मिळेल.अंत्योदय कार्ड    धारकांना  25 किलो गहू 2 रु. प्रती किलो दराने, 19किलो तांदुळ प्रती किलो   3 रु. दराने, प्रति व्यक्ती 500 ग्राम साखर 13.50 रुपये प्रती किलो दराने मिळेल. अन्नपूर्णा कार्ड धारकांना 5 किलो गहू व 5 किलो तांदूळ बिनामुल्य दराने मिळेल. एपीएल कार्ड    धारकांना 10 किलो गहु 7. 20 रुपये दराने, 5 किलो तांदूळ 9.60 रुपये   दराने मिळेल.

            तालुकानिहाय खापरी डेपोतून वितरीत झालेल्या केरोसीनचे किरकोळ विक्री दरप्रति लिटरचे दर कंसाबाहेर दिले असून, बोरखेडी डेपोतून वितरीत होणारे केरोसीनचे दर कंसामध्ये पुढील प्रमाणे दर्शविण्यात आले आहे.

            वर्धा 14.55 (14.48),देवळी 14.81 (14.75), सेलू 14.67 (14.62),आर्वी 14.74(14.69),आष्टी 14.95 (14.97),कारंजा 14.84 (14.93),हिंगणघाट 14.75(14.63),समुद्रपूर 14.49 (14.40) आहे.

            शहर विभाग व तालुका मुख्यालयी प्रति व्यक्ती 2 लिटर प्रमाणे जास्तीत जास्त 20 लिटर व ग्रामीण भागात 15 लिटर केरोसिनचे वाटप करण्यात येईल.असे  जिल्हा पुरवठा अधिकारी, वर्धा यांनी कळविले आहे.

                           00000

  

तात्काळ मनीऑर्डर सेवा उपलब्ध

प्रसिध्दी पत्रक                     दि.5 ऑक्टोंबर 2011

      

     वर्धा, दि.5-अधीक्षक डाकघर, वर्धा विभाग, वर्धा यांचेकडून वर्धा विभागातील वर्धा, हिंगनघाट, आर्वी,देवळी, सेवाग्राम व पुलगांव येथील पोस्ट ऑफीसमध्ये तत्काल मनीऑर्डर सेवा उपलब्ध आहे. तरी सर्व जनतेनी या सेवेचा लाभ घ्यावा. असे अधिक्षक डाकघर, वर्धा कळवितात.

                        000000

शेतक-यांच्या अडीअडचणीसाठी मोफत दूरध्वनी टोल फ्री सेवा

महाराष्ट्र शासन

प्रसिध्दी पत्रक          जिल्हा माहिती कार्यालय,वर्धा    दि. 5 ऑक्टोंबर 2011

------------------------------------------------------------------------------------------

    वर्धा,दि.5- जिल्ह्याच्या ठिकाणी शेतक-यांच्या अडीअडचणी जाणून घेण्याकरीता व त्यावर उपाययोजना करण्याकरीता शासनाने किसान टोल फ्री सेवा दुरध्वनीवर शेतकरी बांधवांना निर्माण झालेल्या पिकासंबधी तसेच खतासंबधी अडीअडचणी, किडीचा प्रार्दुभावाबाबत माहितीसाठी व मार्गदर्शनासाठी किसान टोल फ्री सेवा दुरध्वनी क्रमांक 07152-250099 असा असून या क्रमांकावर तक्रार दिल्यास त्यावर शेतकरी बांधवाना ताबडतोब आपल्या शंका, अडीअडचणीबाबत मोफत सल्ला तंत्र सल्लागारा मार्फत देण्यात येईल.

      जिल्ह्यातील शेतकरी बांधवांना आवाहन करण्यात येते की, किसान टोल फ्री दुरध्वनी क्रमांक 07152-250099 या सेवेचा अवश्य लाभ घ्यावा़, असे  जिल्हा कृषी अधिक्षक,कृषी अधिकारी, वर्धा कळवितात.

                        00000

माजी सैनिकांना उद्योग स्थापण्यासाठी 10 ऑक्टोंबर पर्यंत प्रस्ताव आमंत्रित

प्रसिध्दी पत्रक                                 दि.5 ऑक्टोंबर 2011

        

     वर्धा, दि.5- महाराष्ट्र माजी सैनिक महामंडळातर्फे (मेस्को) महाराष्ट्र औद्योगिक विकास महामंडळ, पिंपरी चिंचवड येथे 2.5 एकर जागेत औद्योगिक वसाहत स्थापन करण्यात येत आहे. या व्यावसायिक उपक्रमात इंजिनिअरिंग व ऑटोमोबाईल क्षेत्रातील संबंधीत सुटे भाग तयार करण्याचे प्रस्थापित आहे.

जे माजी सैनिक व इतर नागरीक, उद्योजक वरील उपक्रमात भाग घेण्यास इच्छुक आहेत अशा व्यक्तींनी व्यावसायिक प्रस्ताव   10 ऑक्टोंबर 2011 पूर्वी मेस्कोच्या पुढील पत्यावर पाठवावा. या उपक्रमात माजी सैनिक व अवलंबितांना प्राधान्य देण्यात येईल. महाराष्ट्र माजी सैनिक महामंडळ मर्या.(मेस्को), रायगड, राष्ट्रीय युध्द स्मारकासमोर, घोरपडी, पुणे-411001 असा आहे.

                          000000

    महाराष्ट्र शासन

प्रसिध्दी पत्रक   जिल्हा माहिती कार्यालय,वर्धा दि.5ऑक्टोंबर 2011

-------------------------------------------------------------------------------

           जिल्हास्तरीय महिला गटासाठी क्रिडा स्पर्धा

  आता 7 ऑक्टोंबर रोजी

     वर्धा,दि.5-जिल्हास्तरीय महिला गट क्र.4 व्हॉलीबॉल, कबड्डी,खो-खो या क्रिडा स्पर्धाचे आयोजन दि. 5 ऑक्टोंबर 2011 ला करण्यात येणार होते. परंतू पटसंख्या पडताळणी मोहीमेमुळे सदर स्पर्धेचे आयोजन दि. 7 ऑक्टोंबर रोजी जिल्हा क्रिडा संकुल वर्धा येथे करण्यात येत आहे.

     जिल्ह्यातील सर्व शैक्षणिक संस्था व क्रिडा मंडळे व खेळाडूंनी नोंद घ्यावी. असे जिल्हा क्रीडा अधिकारी प्रदिप शेटिये यांनी कळविले आहे.

                              0000

आत्मा योजने अंतर्गत झंडू फुलाची विक्री

   महाराष्ट्र शासन

प्रसिध्दी पत्रक   जिल्हा माहिती कार्यालय,वर्धा दि.5ऑक्टोंबर 2011

-------------------------------------------------------------------------------

          

वर्धा,दि.5-जिल्ह्यातील स्थानिक कृषि गरजा आधारीत कार्यक्रम राबविण्यासाठी आत्मा ही संस्था जिल्हाधिकारी जयश्री भोज यांचे अध्यक्षतेखाली कार्यरत आहे. या योजनेतून फुलांची लागवड करुन सर्व सामान्य ग्राहकांना जास्त मागणीचे कालावधीत झेंडूची फुले उपलब्ध करुन देणे या हेतून तालुका फळरोपवाटीका,ता.बि.गु.केंद्र, तळेगाव, विरुळ, लाडणापूर या ठिकाणी आत्मा अंतर्गत झेंडू या फुलाची लागवड करण्यात आलेली असून उत्पादीत झेंडू फुलांची विक्री सध्यासुरु आहे.  

       जिल्हाधिकारी कार्यालय, जिल्हा परिषद, जिल्हा अधिक्षक कृषि अधिकारी वर्धा कार्यालय यांच्या परीसरात दसरा व दिवाळी या कालावधीत फिरता स्टॉल राहणार आहे.

     सर्व शासकीय व निमशासकीय कर्मचा-यांनी सदर उपक्रमात सहभाग नोंदवावा. बाजारातील घाऊक व किरकोळ दरांचे सरासरीने विक्रीदर ठेवण्यात आले आहे. साधारणत: ग्राहकांना स्थानिक बाजार भावापेक्षा 10 रु. किलो फायदा राहिल. तरी आत्मा योजने अंतर्गत फूले उत्पादन व विक्री या नाविन्यपूर्ण उपक्रमास हातभार लावावा. असे आवाहन प्रकल्प संचालक, आत्मा तथा जिल्हा अधिक्षक कृषि अधिकारी भाऊसाहेब ब-हाटे यांनी केले आहे.

                              00000